ជាតិ
សង្គមជាតិ
×![]()
ដោយ: ថ្មីៗ
ភ្នំពេញ៖ ក្រសួងសុខាភិបាល នៅយប់ថ្ងៃទី១៨ វិច្ឆិកានេះ បានប្រកាសកែតម្រូវសេចក្តីប្រកាសព័ត៌មានមុននេះ ពាក់ព័ន្ធនឹងករណីបុរសម្នាក់មានវីរុសហ្ស៊ីកា ដោយក្រសួងបដិសេធវិញថា គ្មានករណីវីរុស Zika នៅកម្ពុជាឡើយ។ ក្រសួងសុខាភិបាលបានបញ្ជាក់ជាថ្មី ក្រោយវិទ្យាស្ថានប៉ាស្ទ័រកម្ពុជាចេញលទ្ធផលពិសោធន៍លម្អិត ចុងក្រោយ នៅយប់នៃថ្ងៃទី១៨ ខែវិច្ឆិកា ឆ្នាំ២០១៦នេះ។
ក្រោយពីក្រសួងសុខាភិបាលបានចេញសេចក្តីប្រកាសព័ត៌មានមុននេះរួច វិទ្យាស្ថានប៉ាស្ទ័រកម្ពុជាបានផ្តល់ព័ត៌មានបន្ថែម នៅយប់នេះ បដិសសេធថា គ្មានករណីអ្នកមានវីរុសហ្ស៊ីកានោះទេ គឺអវិជ្ជមាន។ ក្រសួងសុខាភិបាលប្រកាសកែតម្រូវព័ត៌មានវិញ។
«ក្រោយពេលត្រួតពិនិត្យយ៉ាងហ្មត់ចត់តាមបច្ចេកទេសមន្ទីរពិសោធន៍តាមបែប sequencing method ជាបន្តទៀត ដើម្បីរកភាពប្រាកដនៃហ្សែនរបស់វីរុសនេះ។ ដូច្នេះ មិនមានករណីវិជ្ជមានហ្ស៊ីកា ត្រូវបានរកឃើញនៅខេត្តកំពង់ចាមនោះទេ»។ អ្នកនាំពាក្យក្រសួងសុខាភិបាលប្រកាសកែតម្រូវព័ត៌មានតាមហ្វេសប៊ុក៕
Tag:
Zika
© រក្សាសិទ្ធិដោយ thmeythmey.com
