អន្តរជាតិ
×![]()
ដោយ: តន ចាន់រិទ្ធារ៉ា
កងទ័ពរំដោះប្រជាជនចិន ត្រូវបានដាក់ឲ្យស្ថិតក្រោមការប្រុងប្រយ័ត្នកម្រិតខ្ពស់ បន្ទាប់ពីការវាយប្រយុទ្ធនៅក្នុងរដ្ឋសានរបស់មីយ៉ាន់ម៉ា ដែលស្ថិតក្បែរព្រំដែនជាមួយចិន។ កងទ័ពចិន ក៏បានស្នើភាគីមីយ៉ាន់ម៉ា ឲ្យរក្សាភាពស្ងប់ស្ងាត់ឡើងវិញ។ ហើយចិន កំពុងតាមដានយ៉ាងយកចិត្តទុកដាក់លើស្ថានការណ៍វាយប្រយុទ្ធនេះ និងវិធានការណ៍ឆ្លើយតបចាំបាច់ ក្នុងករណីអធិបតេយ្យរបស់ខ្លួន ត្រូវបានរំលោភបំពាន។ 
ក្រុងប៉េកាំងបាននិយាយថា កងទ័ពរបស់ខ្លួន កំពុងប្រុងជើងការខ្ពស់បំផុត ក្រោយមានការវាយប្រហារលើទីតាំងយោធានិងប៉ូលិសមីយ៉ាន់ម៉ានៅក្នុងរដ្ឋសាន ជិតព្រំដែនចិន នៅចុងសប្ដាហ៍មុន។ ចិន ក៏បានត្រួតពិនិត្យការវិវឌ្ឍថ្មីៗទៀតនៃស្ថានការណ៍ប្រយុទ្ធគ្នានៅរដ្ឋសាន និងត្រៀមធ្វើសកម្មភាពឆ្លើយតប ដើម្បីការពារប្រជាជនខ្លួន ដ្បិតមានរបាយការណ៍បង្ហាញថា មានគ្រាប់កាំភ្លើង ធ្លាក់ចូលទឹកដីរបស់ចិនទៀតផង។
ក្នុងសេចក្ដីប្រកាសព័ត៌មាននៅថ្ងៃទី២០ ខែវិច្ឆិកា ក្រសួងការពារជាតិចិន បញ្ជាក់ថា កងទ័ពប្រជាជនចិន ត្រូវបានដាក់ឲ្យត្រៀមខ្លួនរួចហើយ ដើម្បីទប់ទល់ស្ថានការណ៍អាក្រក់ដែលអាចកើតចេញពីការប៉ះទង្គិចនៅមីយ៉ាន់ម៉ា។ ហើយចិន ឆ្លើយតបដាច់ខាតដើម្បីការពារអធិបតេយ្យនិងសុខសន្តិសុខជាតិ ព្រមទាំងការពារសុវត្ថិភាពប្រជាជនខ្លួន ក៏ដូចជាទ្រព្យសម្បត្តិទាំងឡាយនៅក្បែរតំបន់មានជម្លោះ។
ក្រសួងការពារជាតិចិនក៏បានសង្ឃឹមថា ភាគីជម្លោះនៅមីយ៉ាន់ម៉ា នឹងរក្សាភាពស្ងៀមស្ងាត់ និងចៀសវាងសកម្មភាពប៉ះទង្គិចបន្តទៀត ដែលអាចប៉ះពាល់សន្តិសុខ និងអធិបតេយ្យរបស់ចិន។ នេះក៏ព្រោះតែចិនធ្លាប់មានបទពិសោធរងគ្រោះដោយសារការវាយប្រយុទ្ធនៅមីយ៉ាន់ម៉ា ដែលសម្លាប់ប្រជាជនចិនអស់មួយចំនួនផងដែរ។
សូមបញ្ជាក់ថា នៅថ្ងៃទី២០ ខែវិច្ឆិកា ក្រុមប្រដាប់អាវុធបីក្រុម បានបើកការវាយប្រហារលើទីតាំងយោធាមីយ៉ាន់ម៉ា ភាគខាងជើងក្បែរព្រំដែនជាមួយចិន នៅក្នុងរដ្ឋសាន។ នេះបើយោងតាមការផ្សាយរបស់ទីភ្នាក់ងារព័ត៌មានរដ្ឋចិន Xinhua ដោយបានផ្សាយទៀតថា ការវាយប្រហារនេះ ក៏មានអ្នកស្លាប់ និងរបួសជាច្រើននាក់ផងដែរ។ មិនតែប៉ុណ្ណោះ ជនជាតិមីយ៉ាន់ម៉ាជាច្រើន ក៏បានរត់ភៀសខ្លួនមកកាន់ព្រំដែនរវាងមីយ៉ាន់ម៉ានិងចិនដែរ។
ជម្លោះប្រដាប់អាវុធរវាងក្រុមឧទ្ទាម និងកងកម្លាំងយោធាមីយ៉ាន់ម៉ា មិនទាន់រកច្រកចេញឃើញនៅឡើយទេ បើទោះជាប្រជាជនស្លួតត្រង់រាប់ម៉ឺននាក់ បាត់បង់ជីវិត និងភៀសខ្លួនចោលផ្ទះសម្បែងក៏ដោយ។ ក្រុមឧទ្ទាមប្រដាប់អាវុធជាច្រើនក្រុម នៅតែបន្តសកម្មភាពរបស់ខ្លួន ដើម្បីទាមទារឯករាជ្យតំបន់របស់ខ្លួន។ ចំណែករដ្ឋាភិបាលស៊ីវិលដែលចូលកាន់តំណែងជាងមួយឆ្នាំមកហើយនេះ ក៏មិនទាន់រកផ្លូវដោះស្រាយបញ្ហានេះបានដែរ៕
ក្រុងប៉េកាំងបាននិយាយថា កងទ័ពរបស់ខ្លួន កំពុងប្រុងជើងការខ្ពស់បំផុត ក្រោយមានការវាយប្រហារលើទីតាំងយោធានិងប៉ូលិសមីយ៉ាន់ម៉ានៅក្នុងរដ្ឋសាន ជិតព្រំដែនចិន នៅចុងសប្ដាហ៍មុន។ ចិន ក៏បានត្រួតពិនិត្យការវិវឌ្ឍថ្មីៗទៀតនៃស្ថានការណ៍ប្រយុទ្ធគ្នានៅរដ្ឋសាន និងត្រៀមធ្វើសកម្មភាពឆ្លើយតប ដើម្បីការពារប្រជាជនខ្លួន ដ្បិតមានរបាយការណ៍បង្ហាញថា មានគ្រាប់កាំភ្លើង ធ្លាក់ចូលទឹកដីរបស់ចិនទៀតផង។
ក្នុងសេចក្ដីប្រកាសព័ត៌មាននៅថ្ងៃទី២០ ខែវិច្ឆិកា ក្រសួងការពារជាតិចិន បញ្ជាក់ថា កងទ័ពប្រជាជនចិន ត្រូវបានដាក់ឲ្យត្រៀមខ្លួនរួចហើយ ដើម្បីទប់ទល់ស្ថានការណ៍អាក្រក់ដែលអាចកើតចេញពីការប៉ះទង្គិចនៅមីយ៉ាន់ម៉ា។ ហើយចិន ឆ្លើយតបដាច់ខាតដើម្បីការពារអធិបតេយ្យនិងសុខសន្តិសុខជាតិ ព្រមទាំងការពារសុវត្ថិភាពប្រជាជនខ្លួន ក៏ដូចជាទ្រព្យសម្បត្តិទាំងឡាយនៅក្បែរតំបន់មានជម្លោះ។
ក្រសួងការពារជាតិចិនក៏បានសង្ឃឹមថា ភាគីជម្លោះនៅមីយ៉ាន់ម៉ា នឹងរក្សាភាពស្ងៀមស្ងាត់ និងចៀសវាងសកម្មភាពប៉ះទង្គិចបន្តទៀត ដែលអាចប៉ះពាល់សន្តិសុខ និងអធិបតេយ្យរបស់ចិន។ នេះក៏ព្រោះតែចិនធ្លាប់មានបទពិសោធរងគ្រោះដោយសារការវាយប្រយុទ្ធនៅមីយ៉ាន់ម៉ា ដែលសម្លាប់ប្រជាជនចិនអស់មួយចំនួនផងដែរ។
សូមបញ្ជាក់ថា នៅថ្ងៃទី២០ ខែវិច្ឆិកា ក្រុមប្រដាប់អាវុធបីក្រុម បានបើកការវាយប្រហារលើទីតាំងយោធាមីយ៉ាន់ម៉ា ភាគខាងជើងក្បែរព្រំដែនជាមួយចិន នៅក្នុងរដ្ឋសាន។ នេះបើយោងតាមការផ្សាយរបស់ទីភ្នាក់ងារព័ត៌មានរដ្ឋចិន Xinhua ដោយបានផ្សាយទៀតថា ការវាយប្រហារនេះ ក៏មានអ្នកស្លាប់ និងរបួសជាច្រើននាក់ផងដែរ។ មិនតែប៉ុណ្ណោះ ជនជាតិមីយ៉ាន់ម៉ាជាច្រើន ក៏បានរត់ភៀសខ្លួនមកកាន់ព្រំដែនរវាងមីយ៉ាន់ម៉ានិងចិនដែរ។
ជម្លោះប្រដាប់អាវុធរវាងក្រុមឧទ្ទាម និងកងកម្លាំងយោធាមីយ៉ាន់ម៉ា មិនទាន់រកច្រកចេញឃើញនៅឡើយទេ បើទោះជាប្រជាជនស្លួតត្រង់រាប់ម៉ឺននាក់ បាត់បង់ជីវិត និងភៀសខ្លួនចោលផ្ទះសម្បែងក៏ដោយ។ ក្រុមឧទ្ទាមប្រដាប់អាវុធជាច្រើនក្រុម នៅតែបន្តសកម្មភាពរបស់ខ្លួន ដើម្បីទាមទារឯករាជ្យតំបន់របស់ខ្លួន។ ចំណែករដ្ឋាភិបាលស៊ីវិលដែលចូលកាន់តំណែងជាងមួយឆ្នាំមកហើយនេះ ក៏មិនទាន់រកផ្លូវដោះស្រាយបញ្ហានេះបានដែរ៕
Tag:
ចិន
មីយ៉ាន់ម៉ា
© រក្សាសិទ្ធិដោយ thmeythmey.com
