ជាតិ
អ្នកជំនាញជំរុញឲ្យកូនខ្មែរសិក្សាស្វែងយល់ពីប្រភព ប្រវត្តិទីតាំងតំបន់ ដែលពួកគេរស់នៅ
×![]()
លោក ឈឹម សុខាន់ដារា មន្ត្រីស្រាវជ្រាវនៃរាជបណ្ឌិត្យសភាកម្ពុជា បានធ្វើបទបង្ហាញមួយក្រោមប្រធានបទ «ទេសភាពស្ថាននាម នៅឃុំត្រពាំងធំខាងជើង តាមបរិបទភូមិភាសាវិទ្យា» នៅក្នុងកម្មវិធីបាឋកថាប្រចាំខែវិច្ឆិកា របស់វិទ្យាស្ថានពុទ្ធសាសនាបណ្ឌិត្យ។ បទបង្ហាញធ្វើឡើងកាលពីថ្ងៃពុធ ទី២៥ ខែវិច្ឆិកា កន្លងមក គឺដើម្បីលើកឡើងពីប្រភពនៃការកំណត់ឈ្មោះទីតាំងរបស់ទីកន្លែងផ្សេងៗនៅក្នុងប្រទេសកម្ពុជា។
ស្ថាននាម គឺជាឈ្មោះអាចស្គាល់អំពីប្រភព ប្រវត្តិនៃទីកន្លែងក្នុងទីតាំងភូមិសាស្ត្រណាមួយ។ ជាមួយគ្នានេះ ស្ថាននាម ជាផ្នែកមួយនៃទេសភាពនឹងភូមិសាស្ត្រមនុស្សដែលបង្ហាញអំពីរបាយភូមិសាស្ត្រ ភាសា កេរដំណែលធម្មជាតិ និងវប្បធម៌ ដែលមាននៅក្នុងភូមិសាស្ត្រទីកន្លែង។ សំណល់សកម្មភាពរបស់មនុស្ស នៅទីកន្លែងមួយសុទ្ធតែឆ្លុះបញ្ចាំងឲ្យឃើញពីចំនុចសំខាន់នៃបាតុភូតភាសា វប្បធម៌ និងធម្មជាតិ។
កាលពីថ្ងៃពុធ លោក ឈឹម សុខាន់ដារា មន្ត្រីស្រាវជ្រាវនៃរាជបណ្ឌិត្យសភាកម្ពុជា បានធ្វើបទបង្ហាញមួយនៅវិទ្យាស្ថានពុទ្ធសាសនបណ្ឌិត្យ ស្តីពីការស្រាវជ្រាវនឹងវិភាគអំពីរបាយស្ថាននាមភូមិ ទាំងនៅក្នុងអតីតកាលដ៏យូរលង់ និងអតីតកាលថ្មី នៅក្នុងឃុំត្រពាំងធំខាងជើង ស្រុកត្រាំកក់ ខេត្តតាកែវ។ នេះគ្រាន់តែជាគំរូមួយនៃការស្រាវជ្រាវរបស់លោក សុខាន់ដារា ប៉ុណ្ណោះ ដោយគោលបំណងដ៏ធំរបស់លោក គឺការបកស្រាយអំពីទំនាក់ទំនងរវាងឈ្មោះ និងទីកន្លែងនៃវត្ថុ និងសំណល់ សកម្មភាពរបស់មនុស្សដែលមាននៅក្នុងលម្ហ ក្រោមឥទ្ធិពលភូមិសាស្ត្របរិស្ថានធម្មជាតិ និងវប្បធម៌ តាមបរិបទភាសា។
លោក ឈឹម សុខាន់ដារា ដែលជាអ្នកឯកទេសបុរាណវត្ថុវិទ្យាទេសភាពផងដែរនោះ បានលើកឡើងថា បាឋកថា មានគោលដៅបង្ហាញពីទំនាក់ទំនង សកម្មភាពរបស់មនុស្ស និងទីកន្លែងដែលរស់នៅ និងការស្វែងរកប្រភពនៃទីតាំងដែលកំពុងរស់នៅ ។
លោក ឈឹម សុខាន់ដារា បានបន្ថែមថា ស្ថាននាមភូមិ ជាឈ្មោះដែលទាក់ទងនឹងសត្វ ព្រៃឈើ ធម្មជាតិ បរិស្ថាន ទេសចរណ៍ សាសនា វប្បធម៌ កសិកម្ម សេដ្ឋកិច្ច និងនយោបាយជាដើម។ ម្យ៉ាងទៀត លោកបានលើកឧទាហរណ៍អំពីភូមិជាងទង ដែលទាក់ទងនឹងសេដ្ឋកិច្ច ដោយបញ្ជាក់ការប្រកបមុខរបររបស់ពលរដ្ឋនៅក្នុងតំបន់នោះ។ លោក ឈឹម សុខាន់ដារា បានចុះសិក្សាផ្ទាល់ពីស្ថាននាមនៅក្នុងក្នុងឃុំត្រពាំងធំខាងជើង ស្រុកត្រាំកក់ ខេត្តតាកែវ ហើយនឹងមានគម្រោងចុះសិក្សានៅទីតាំងផ្សេងទៀតផងដែរ។
មន្ត្រីស្រាវជ្រាវនៃរាជបណ្ឌិត្យសភាកម្ពុជា ជាអ្នកឯកទេសបុរាណវត្ថុវិទ្យាទេសភាពរូបនេះ ចង់ឲ្យប្រជាពលរដ្ឋ និងកូនខ្មែរទាំងអស់ ដែលរស់នៅក្នុងទីតាំងរបស់ខ្លួន ចូលរួមថែរក្សាឈ្មោះទីតាំង ដែលមានតាំងពីដើមមក។ បើទោះបីឈ្មោះនោះល្អ ឬមិនល្អក្ដី ព្រោះវាជាកេរដំណែលនិងចូលរួមដាំដើមឈើ ដែលសំគាល់ស្ថាននាមភូមិរបស់ពួកគេ ដែលមានតាំងពីបុរាណមកផងដែរ។
គួររម្លឹកថា ការរៀបចំបាឋកថានេះ បានរៀបចំជារៀងរាល់ខែ ដោយលើកយកប្រធានបទផ្សេងៗរបស់វាគ្មិននីមួយៗមកបកស្រាយពិភាក្សាវែកញែក និងពន្យល់ដល់អ្នកចូលរួម។ បន្ថែមលើនេះ ពុទ្ធសាសនបណ្ឌិត្យ នៃក្រសួងធម្មការ និងសាសនា បានសហការជាមួយអង្គការ រីស្សូ កូសី-កៃ ក្នុងការរៀបចំបាឋកថានេះ។ ចំពោះការចូលរួមស្ដាប់បាឋកថានេះ អ្នកចូលរួមទាំងអស់ បានពិភាក្សាលើប្រធានបទនេះ ដើម្បីបង្កើនការយល់ដឹងកាន់តែច្បាស់បន្ថែមទៀត៕
ស្ថាននាម គឺជាឈ្មោះអាចស្គាល់អំពីប្រភព ប្រវត្តិនៃទីកន្លែងក្នុងទីតាំងភូមិសាស្ត្រណាមួយ។ ជាមួយគ្នានេះ ស្ថាននាម ជាផ្នែកមួយនៃទេសភាពនឹងភូមិសាស្ត្រមនុស្សដែលបង្ហាញអំពីរបាយភូមិសាស្ត្រ ភាសា កេរដំណែលធម្មជាតិ និងវប្បធម៌ ដែលមាននៅក្នុងភូមិសាស្ត្រទីកន្លែង។ សំណល់សកម្មភាពរបស់មនុស្ស នៅទីកន្លែងមួយសុទ្ធតែឆ្លុះបញ្ចាំងឲ្យឃើញពីចំនុចសំខាន់នៃបាតុភូតភាសា វប្បធម៌ និងធម្មជាតិ។
កាលពីថ្ងៃពុធ លោក ឈឹម សុខាន់ដារា មន្ត្រីស្រាវជ្រាវនៃរាជបណ្ឌិត្យសភាកម្ពុជា បានធ្វើបទបង្ហាញមួយនៅវិទ្យាស្ថានពុទ្ធសាសនបណ្ឌិត្យ ស្តីពីការស្រាវជ្រាវនឹងវិភាគអំពីរបាយស្ថាននាមភូមិ ទាំងនៅក្នុងអតីតកាលដ៏យូរលង់ និងអតីតកាលថ្មី នៅក្នុងឃុំត្រពាំងធំខាងជើង ស្រុកត្រាំកក់ ខេត្តតាកែវ។ នេះគ្រាន់តែជាគំរូមួយនៃការស្រាវជ្រាវរបស់លោក សុខាន់ដារា ប៉ុណ្ណោះ ដោយគោលបំណងដ៏ធំរបស់លោក គឺការបកស្រាយអំពីទំនាក់ទំនងរវាងឈ្មោះ និងទីកន្លែងនៃវត្ថុ និងសំណល់ សកម្មភាពរបស់មនុស្សដែលមាននៅក្នុងលម្ហ ក្រោមឥទ្ធិពលភូមិសាស្ត្របរិស្ថានធម្មជាតិ និងវប្បធម៌ តាមបរិបទភាសា។
លោក ឈឹម សុខាន់ដារា ដែលជាអ្នកឯកទេសបុរាណវត្ថុវិទ្យាទេសភាពផងដែរនោះ បានលើកឡើងថា បាឋកថា មានគោលដៅបង្ហាញពីទំនាក់ទំនង សកម្មភាពរបស់មនុស្ស និងទីកន្លែងដែលរស់នៅ និងការស្វែងរកប្រភពនៃទីតាំងដែលកំពុងរស់នៅ ។
លោក ឈឹម សុខាន់ដារា បានបន្ថែមថា ស្ថាននាមភូមិ ជាឈ្មោះដែលទាក់ទងនឹងសត្វ ព្រៃឈើ ធម្មជាតិ បរិស្ថាន ទេសចរណ៍ សាសនា វប្បធម៌ កសិកម្ម សេដ្ឋកិច្ច និងនយោបាយជាដើម។ ម្យ៉ាងទៀត លោកបានលើកឧទាហរណ៍អំពីភូមិជាងទង ដែលទាក់ទងនឹងសេដ្ឋកិច្ច ដោយបញ្ជាក់ការប្រកបមុខរបររបស់ពលរដ្ឋនៅក្នុងតំបន់នោះ។ លោក ឈឹម សុខាន់ដារា បានចុះសិក្សាផ្ទាល់ពីស្ថាននាមនៅក្នុងក្នុងឃុំត្រពាំងធំខាងជើង ស្រុកត្រាំកក់ ខេត្តតាកែវ ហើយនឹងមានគម្រោងចុះសិក្សានៅទីតាំងផ្សេងទៀតផងដែរ។
មន្ត្រីស្រាវជ្រាវនៃរាជបណ្ឌិត្យសភាកម្ពុជា ជាអ្នកឯកទេសបុរាណវត្ថុវិទ្យាទេសភាពរូបនេះ ចង់ឲ្យប្រជាពលរដ្ឋ និងកូនខ្មែរទាំងអស់ ដែលរស់នៅក្នុងទីតាំងរបស់ខ្លួន ចូលរួមថែរក្សាឈ្មោះទីតាំង ដែលមានតាំងពីដើមមក។ បើទោះបីឈ្មោះនោះល្អ ឬមិនល្អក្ដី ព្រោះវាជាកេរដំណែលនិងចូលរួមដាំដើមឈើ ដែលសំគាល់ស្ថាននាមភូមិរបស់ពួកគេ ដែលមានតាំងពីបុរាណមកផងដែរ។
គួររម្លឹកថា ការរៀបចំបាឋកថានេះ បានរៀបចំជារៀងរាល់ខែ ដោយលើកយកប្រធានបទផ្សេងៗរបស់វាគ្មិននីមួយៗមកបកស្រាយពិភាក្សាវែកញែក និងពន្យល់ដល់អ្នកចូលរួម។ បន្ថែមលើនេះ ពុទ្ធសាសនបណ្ឌិត្យ នៃក្រសួងធម្មការ និងសាសនា បានសហការជាមួយអង្គការ រីស្សូ កូសី-កៃ ក្នុងការរៀបចំបាឋកថានេះ។ ចំពោះការចូលរួមស្ដាប់បាឋកថានេះ អ្នកចូលរួមទាំងអស់ បានពិភាក្សាលើប្រធានបទនេះ ដើម្បីបង្កើនការយល់ដឹងកាន់តែច្បាស់បន្ថែមទៀត៕
Tag:
ភូមិភាសាវិទ្យា
© រក្សាសិទ្ធិដោយ thmeythmey.com
