ពីនេះ ពីនោះ
តើពាក្យ «ពិរោះ និង ពីរោះ» មួយណាត្រឹមត្រូវ?
× ភ្នំពេញ៖ មនុស្សភាគច្រើន មានការភ័ន្តច្រឡំក្នុងការសរសេរពាក្យថា«ពិរោះ និង ពីរោះ»។ សាធារណជនខ្លះសរសេរថា«ពិរោះ» ចំណែកសាធារណជនមួយចំនួនសរសេរពាក្យថា«ពីរោះ»វិញ ដោយមិនដឹងថា មួយណាទើបត្រឹមត្រូវ។
តាមពិត នៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត ពាក្យដែលត្រឹមត្រូវគឺត្រូវសរសេរជា «ពីរោះ» ។ ពាក្យ«ពីរោះ»នេះជាគុណនាម មានន័យថា ដែលស្រួលស្ដាប់, ល្អស្ដាប់, ឆ្ងាញ់ត្រចៀក, ដែលមានទំនងសូរសព្ទគួរឲ្យចង់ស្ដាប់៖ សំឡេងពីរោះ, សម្ដីពីរោះ, ពាក្យពីរោះ។
ប្រសិនបើប្រើជា កិ.វិ ក៏បាន៖ និយាយពីរោះ ច្រៀងពីរោះ។ ពីរោះពិសា ពីរោះហាក់ដូចជាឆ្ងាញ់ពិសា៖ សម្ដីពីរោះពិសា, និយាយពីរោះពិសា។
ឧទាហរណ៍៖ មានសម្ពន្ធនឹងគ្នា, មានដំណើរទាក់ទងនឹងគ្នា។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com