អន្តរជាតិ
អង្គការសហប្រជាជាតិ ទទូចឲ្យប្រធានាធិបតីចាញ់ឆ្នោតហ្កំប៊ីផ្ទេរអំណាចដោយគ្មានលក្ខខណ្ឌ និងគ្មានការពន្យារពេល
លោកអគ្គលេខាធិការអង្គការសហប្រជាជាតិ Ban Ki-moon (ប្រភពរូបភាព៖ UN)
×![]()
លេខាធិការដ្ឋាន និងក្រុមប្រឹក្សាសន្តិសុខអង្គការសហប្រជាជាតិ បានថ្កោលទោសយ៉ាងខ្លាំងទៅលើប្រធានាធិបតីចាញ់ឆ្នោតហ្កំប៊ី ដែលបានបដិសេធលទ្ធផលនៃការបោះឆ្នោតប្រធានាធិបតី។ ជាមួយគ្នានេះ អង្គការសហប្រជាជាតិ ក៏បានទទូចឲ្យប្រធានាធិបតីរូបនោះ ផ្ទេរអំណាចដោយសន្តិវិធី និងគ្មានលក្ខខណ្ឌផងដែរ។ 
តាមរយៈសេចក្តីថ្លែងការណ៍ដែលចុះនៅថ្ងៃទី១០ ខែធ្នូ លោកអគ្គលេខាធិការអង្គការសហប្រជាជាតិ Ban Ki-moon បានទទូចលោកប្រធានាធិបតីហ្កំប៊ី Yahya Jammeh ក៏ដូចជាតួអង្គនយោបាយទាំងអស់ដែលរួមទាំងអ្នកគាំទ្ររបស់ពួកគេផងដែរនោះឲ្យគោរពលទ្ធផលនៃការបោះឆ្នោត និងដោះស្រាយវិវាទដែលចេញពីភាពមិនប្រក្រតីនៃដំណើការបោះឆ្នោតតាមរយៈការបង្កើតនីតិវិធីផ្នែកច្បាប់ក្នុងចរិកលក្ខណៈឲ្យឆាប់កាន់តែបាន និងតម្លាភាពផងដែរ។
ប្រមុខអង្គការសហប្រជាជាតិរូបនោះ ក៏បានទទូចឲ្យមានការផ្ទេរអំណាចដោយសន្តិវិធី តាមលំដាប់ និងទាន់ពេលដើម្បីបង្ហាញពីការគោរពឆន្ទៈរបស់ប្រជាជនហ្កំប៊ីដែលបានបង្ហាញតាមរយៈការបោះឆ្នោតនោះ។ នេះបើយោងតាមសេចក្តីថ្លែងការណ៍ដដែលដែលបានបន្ថែមទៀត ថាប្រមុខអង្គការសហប្រជាជាតិ ក៏ចង់ឃើញភាគីពាក់ព័ន្ធទាំងអស់ ដែលរួមទាំងកម្លាំងសន្តិសុខ និងយោធា មានការអត់ធ្មត់ និងចៀសវាងឲ្យបានពីសកម្មភាពដែលបង្កជាហិង្សា។
ស្រដៀងគ្នានេះ តាមរយៈសេចក្តីថ្លែងការណ៍ដាច់ដោយឡែកមួយ ក្រុមប្រឹក្សាសន្តិសុខអង្គការសហប្រជាជាតិ ក៏បានទទូចឲ្យលោកប្រធានាធិបតីហ្កំប៊ី Yahya Jammeh គោរពជម្រើសនៃសិទ្ធិអធិបតេយ្យរបស់ប្រជាជនហ្កំប៊ី និងផ្ទេរអំណាចឲ្យប្រធានាធិបតីជាប់ឆ្នោតថ្មីAdama Barrow ដោយគ្មាន«លក្ខខណ្ឌ និងការពន្យារពេល»។
សូមរម្លឹកផងដែរថា នៅថ្ងៃទី០៩ ខែធ្នូកន្លងទៅ លោកប្រធានាធិបតីហ្កំប៊ី Yahya Jammeh បានចេញសេចក្តីថ្លែងការណ៍មួយដើម្បីច្រានចោលទៅនឹងលទ្ធផលនៃការបោះឆ្នោតប្រធានាធិបតី ដែលលោក បានចាញ់នោះ ក្រោមលេសថា មានភាពមិនប្រក្រតី។ លោកបានបញ្ជាក់យ៉ាងដូច្នេះថា៖«ក្រោយពីមានការស៊ើបអង្កេតមួយ ខ្ញុំ បានសម្រេចចិត្តដើម្បីច្រានចោលលទ្ធផលនៃការបោះឆ្នោតថ្មីៗនេះ។ ខ្ញុំ ពិតជាសោកស្តាយ និងមិនអាចទទួលយកបាននូវភាពមិនប្រក្រតីក្នុងដំណើរការបោះឆ្នោតបានឡើយ»។ នេះបើយោងតាមការចុះផ្សាយរបស់សារព័ត៌មាន Aljazeera។
សេចក្តីថ្លែងការណ៍របស់លោកប្រធានាធិបតីរូបនេះ ធ្វើឡើងក្រោយតែមួយសប្តាហ៍ប៉ុណ្ណោះដែលលោក បានប្រកាសទទួលស្គាល់ និងចុះចាញ់ចំពោះការបោះឆ្នោតប្រធានាធិបតីហ្កំប៊ីដែលប្រព្រឹត្តឡើងនៅថ្ងៃទី០១ ខែធ្នូកន្លងទៅ៕
តាមរយៈសេចក្តីថ្លែងការណ៍ដែលចុះនៅថ្ងៃទី១០ ខែធ្នូ លោកអគ្គលេខាធិការអង្គការសហប្រជាជាតិ Ban Ki-moon បានទទូចលោកប្រធានាធិបតីហ្កំប៊ី Yahya Jammeh ក៏ដូចជាតួអង្គនយោបាយទាំងអស់ដែលរួមទាំងអ្នកគាំទ្ររបស់ពួកគេផងដែរនោះឲ្យគោរពលទ្ធផលនៃការបោះឆ្នោត និងដោះស្រាយវិវាទដែលចេញពីភាពមិនប្រក្រតីនៃដំណើការបោះឆ្នោតតាមរយៈការបង្កើតនីតិវិធីផ្នែកច្បាប់ក្នុងចរិកលក្ខណៈឲ្យឆាប់កាន់តែបាន និងតម្លាភាពផងដែរ។
ប្រមុខអង្គការសហប្រជាជាតិរូបនោះ ក៏បានទទូចឲ្យមានការផ្ទេរអំណាចដោយសន្តិវិធី តាមលំដាប់ និងទាន់ពេលដើម្បីបង្ហាញពីការគោរពឆន្ទៈរបស់ប្រជាជនហ្កំប៊ីដែលបានបង្ហាញតាមរយៈការបោះឆ្នោតនោះ។ នេះបើយោងតាមសេចក្តីថ្លែងការណ៍ដដែលដែលបានបន្ថែមទៀត ថាប្រមុខអង្គការសហប្រជាជាតិ ក៏ចង់ឃើញភាគីពាក់ព័ន្ធទាំងអស់ ដែលរួមទាំងកម្លាំងសន្តិសុខ និងយោធា មានការអត់ធ្មត់ និងចៀសវាងឲ្យបានពីសកម្មភាពដែលបង្កជាហិង្សា។
ស្រដៀងគ្នានេះ តាមរយៈសេចក្តីថ្លែងការណ៍ដាច់ដោយឡែកមួយ ក្រុមប្រឹក្សាសន្តិសុខអង្គការសហប្រជាជាតិ ក៏បានទទូចឲ្យលោកប្រធានាធិបតីហ្កំប៊ី Yahya Jammeh គោរពជម្រើសនៃសិទ្ធិអធិបតេយ្យរបស់ប្រជាជនហ្កំប៊ី និងផ្ទេរអំណាចឲ្យប្រធានាធិបតីជាប់ឆ្នោតថ្មីAdama Barrow ដោយគ្មាន«លក្ខខណ្ឌ និងការពន្យារពេល»។
សូមរម្លឹកផងដែរថា នៅថ្ងៃទី០៩ ខែធ្នូកន្លងទៅ លោកប្រធានាធិបតីហ្កំប៊ី Yahya Jammeh បានចេញសេចក្តីថ្លែងការណ៍មួយដើម្បីច្រានចោលទៅនឹងលទ្ធផលនៃការបោះឆ្នោតប្រធានាធិបតី ដែលលោក បានចាញ់នោះ ក្រោមលេសថា មានភាពមិនប្រក្រតី។ លោកបានបញ្ជាក់យ៉ាងដូច្នេះថា៖«ក្រោយពីមានការស៊ើបអង្កេតមួយ ខ្ញុំ បានសម្រេចចិត្តដើម្បីច្រានចោលលទ្ធផលនៃការបោះឆ្នោតថ្មីៗនេះ។ ខ្ញុំ ពិតជាសោកស្តាយ និងមិនអាចទទួលយកបាននូវភាពមិនប្រក្រតីក្នុងដំណើរការបោះឆ្នោតបានឡើយ»។ នេះបើយោងតាមការចុះផ្សាយរបស់សារព័ត៌មាន Aljazeera។
សេចក្តីថ្លែងការណ៍របស់លោកប្រធានាធិបតីរូបនេះ ធ្វើឡើងក្រោយតែមួយសប្តាហ៍ប៉ុណ្ណោះដែលលោក បានប្រកាសទទួលស្គាល់ និងចុះចាញ់ចំពោះការបោះឆ្នោតប្រធានាធិបតីហ្កំប៊ីដែលប្រព្រឹត្តឡើងនៅថ្ងៃទី០១ ខែធ្នូកន្លងទៅ៕
Tag:
ហ្កំប៊ី
UN
© រក្សាសិទ្ធិដោយ thmeythmey.com
