អន្តរជាតិ
ចិនថ្កោលទោសសេចក្តីព្រាងច្បាប់អាមេរិកដែលស្នើឲ្យមានការផ្លាស់ប្តូរយោធាជាន់ខ្ពស់ជាមួយនឹងតៃវ៉ាន់
×![]()
ដោយ: VOA
ចិនបានថ្លែងប្រឆាំងនឹងសេចក្តីព្រាងច្បាប់ការពារប្រទេសរបស់អាមេរិកអនុម័តកាលពីថ្ងៃសុក្រ ដែលបានចែងអំពាវនាវឲ្យមានការផ្លាស់ប្តូរយោធាជារៀងរាល់ឆ្នាំជាមួយនឹងតៃវ៉ាន់ ដែលរដ្ឋាភិបាលចិនចាត់ទុកថាជាខេត្តមួយដែលបែកចេញពីខ្លួន។
អ្នកនាំពាក្យក្រសួងការពារប្រទេសចិនលោក Yang Yujun បានថ្លែងនៅក្នុងសន្និសីទកាសែតមួយថា៖«ចិនប្រឆាំងដាច់ខាតចំពោះការផ្លាស់ប្តូរយោធារវាងតៃវ៉ាន់និងអាមេរិក» នេះបើយោងតាមកាសែត Global Times ដែលជាទីភ្នាក់ងារសារព័ត៌មានគាំទ្រដោយរដ្ឋ។ លោកបានបន្ថែមថា៖«អ្វីដែលសភាអាមេរិកបានធ្វើគឺជាការលូកដៃចូលទៅក្នុងកិច្ចការផ្ទៃក្នុងរបស់ចិន ធ្វើឲ្យប៉ះពាល់ដល់ស្ថិរភាពរវាងចិននិងតៃវ៉ាន់ រំលោភអធិបតេយ្យភាពនិងសន្តិសុខរបស់ចិន ហើយទីបំផុតនឹងធ្វើឲ្យប៉ះពាល់ដល់ប្រយោជន៍របស់អាមេរិក»។
លោក Yang ក៏បានថ្លែងទៀតថា ចិនដាស់តឿនឲ្យអាមេរិកកែនូវកំហុសរបស់ខ្លួន ហើយថា ចិននៅតែរក្សាសិទ្ធិក្នុងការចាត់វិធានការជាបន្តបន្ទាប់ដើម្បីជាការឆ្លើយតបទៅនឹងការអនុម័តសេចក្តីព្រាងច្បាប់នេះ នេះបើយោងតាមកាសែត Global Times។
សេចក្តីព្រាងច្បាប់ត្រូវបានអនុម័តដោយព្រឹទ្ធសភាអាមេរិកកាលពីថ្ងៃសុក្រហើយឥឡូវកំពុងតែរង់ចាំឲ្យលោកប្រធានាធិបតី Barack Obama ចុះហត្ថលេខានោះ គឺស្នើឲ្យរដ្ឋមន្ត្រីក្រសួងការពារប្រទេសរបស់អាមេរិក បង្កើតកម្មវិធីផ្លាស់ប្តូរយោធាជាន់ខ្ពស់រវាងអាមេរិកនិងតៃវ៉ាន់៕
សូមចុចទៅប្រភពដើម VOA ត្រង់នេះ
អ្នកនាំពាក្យក្រសួងការពារប្រទេសចិនលោក Yang Yujun បានថ្លែងនៅក្នុងសន្និសីទកាសែតមួយថា៖«ចិនប្រឆាំងដាច់ខាតចំពោះការផ្លាស់ប្តូរយោធារវាងតៃវ៉ាន់និងអាមេរិក» នេះបើយោងតាមកាសែត Global Times ដែលជាទីភ្នាក់ងារសារព័ត៌មានគាំទ្រដោយរដ្ឋ។ លោកបានបន្ថែមថា៖«អ្វីដែលសភាអាមេរិកបានធ្វើគឺជាការលូកដៃចូលទៅក្នុងកិច្ចការផ្ទៃក្នុងរបស់ចិន ធ្វើឲ្យប៉ះពាល់ដល់ស្ថិរភាពរវាងចិននិងតៃវ៉ាន់ រំលោភអធិបតេយ្យភាពនិងសន្តិសុខរបស់ចិន ហើយទីបំផុតនឹងធ្វើឲ្យប៉ះពាល់ដល់ប្រយោជន៍របស់អាមេរិក»។
លោក Yang ក៏បានថ្លែងទៀតថា ចិនដាស់តឿនឲ្យអាមេរិកកែនូវកំហុសរបស់ខ្លួន ហើយថា ចិននៅតែរក្សាសិទ្ធិក្នុងការចាត់វិធានការជាបន្តបន្ទាប់ដើម្បីជាការឆ្លើយតបទៅនឹងការអនុម័តសេចក្តីព្រាងច្បាប់នេះ នេះបើយោងតាមកាសែត Global Times។
សេចក្តីព្រាងច្បាប់ត្រូវបានអនុម័តដោយព្រឹទ្ធសភាអាមេរិកកាលពីថ្ងៃសុក្រហើយឥឡូវកំពុងតែរង់ចាំឲ្យលោកប្រធានាធិបតី Barack Obama ចុះហត្ថលេខានោះ គឺស្នើឲ្យរដ្ឋមន្ត្រីក្រសួងការពារប្រទេសរបស់អាមេរិក បង្កើតកម្មវិធីផ្លាស់ប្តូរយោធាជាន់ខ្ពស់រវាងអាមេរិកនិងតៃវ៉ាន់៕
សូមចុចទៅប្រភពដើម VOA ត្រង់នេះ
© រក្សាសិទ្ធិដោយ thmeythmey.com
