ព័ត៍មានសុខភាព
សុខភាព៖ មករដូវពីរដង ក្នុងមួយខែ ជារឿងគ្រោះថ្នាក់?
×
វាច្រើនតែជារឿងមួយធម្មតាទេ សម្រាប់យុវវតីដែលមករដូវមិនទៀងទាត់។ នៅពេលរដូវរបស់ក្មេងស្រីមកមិនទៀង វាអាចនឹងកើតឡើង ច្រើនដងក្នុងមួយខែ ឬអាចកើតឡើងតែពីរបីខែម្តងប៉ុណ្ណោះ។ ក្មេងស្រីខ្លះយល់ថា ពួកគេមករដូវច្រើនជាងមួយដង សម្រាប់ខែខ្លះ។ ប៉ុន្តែ វាគឺជាមធ្យោបាយធម្មជាតិមួយសម្រាប់រាងកាយ ដើម្បីសម្របខ្លួនទៅនឹងការប្រែប្រួលទាំងឡាយ នៃការលូតលាស់រាងកាយប៉ុណ្ណោះ។
វដ្តរដូវអ្នក គួរតែស្រួលបួលមកវិញ ក្នុងរយៈពេលពីរបីឆ្នាំ ក្រោយពីមករដូវដំបូងរួច។ បើសិនជាការមករដូវនោះ គឺមកច្រើនៗ និងច្រើនជាងម្តងក្នុងមួយខែ ឬធ្លាប់រួមភេទ ចូរទាក់ទងគ្រូពេទ្យ ដើម្បីពិគ្រោះទៅ។ បញ្ហាកំណកឈាមមួយចំនួន អ័រម៉ូន និងជំងឺកាមរោគ សុទ្ធតែអាចធ្វើឲ្យស្ត្រី ងាយនឹងហូរឈាមច្រើនៗខ្លាំងណាស់។
ការពិនិត្យសុខភាព អាចជួយអ្នកកំណត់ដឹងថា ត្រូវប្រើថ្នាំ ឬព្យាបាលឬអត់ដូចជា ថ្នាំបំប៉នជាតិដែកបន្ថែម ដើម្បីបង្ការជំងឺកង្វះគ្រាប់ឈាម ឬថ្នាំផ្សះ ដើម្បីព្យាបាលការបង្ករោគ។ អ្វីដែលសំខាន់នោះ គឺការទៅពិនិត្យសុខភាព ដែលនឹងផ្តល់ឱកាសច្រើនដល់អ្នក ដើម្បីសិក្សាបន្ថែមអំពីរាងកាយខ្លួនឯង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com