អត្ថបទពាណិជ្ជកម្ម
AMK កើនឡើងទាំងចំនួនអ្នកខ្ចី,ប្រាក់កម្ចី និងចំនួន ATM
× ភ្នំពេញ៖ ចំនួនគណនីអតិថិជនកម្ចីសកម្ម (មិនរាប់បញ្ចូលកម្ចីបុគ្គលិក)របស់ AMK គិតត្រឹម ឆ្នាំ២០១៤ ដល់ឆ្នាំ២០១៦ កន្លងទៅ បានកើនឡើងគួរអោយកត់សម្គាល់ ក្នុងនោះចំនួនម៉ាស៊ីនដកប្រាក់ និងដាក់ប្រាក់ដោយស្វ័យប្រវត្តិ (ATM / CDM) របស់គ្រឹះស្ថានមីក្រូហិរញ្ញវត្ថុមួយនេះ បានកើនឡើងជាប្រចាំផងដែរ។ បណ្ដាអតិថិជន បានចាប់អារម្មណ៍ AMK ដោយសារគ្រឹះស្ថានមួយនេះ បានផ្ដល់នូវភាពងាយស្រួល និងបំពេញនូវតម្រូវការទាន់ចិត្តដល់ពួកគេ។
ចំនួនគណនីអតិថិជនកម្ចីសកម្ម គិតត្រឹមឆ្នាំ ២០១៤ ដល់ ២០១៦ កន្លងទៅនេះ មានចំនួនកើនឡើងច្រើន ដែលវាជាសមិទ្ធផលដ៏ធំធេងរបស់គ្រឹះស្ថានមីក្រូហិរញ្ញវត្ថុមួយនេះ។ ក្នុងឆ្នាំ ២០១៤ មានអតិថិជនកម្ចីសកម្មសរុបចំនួន ៣៣៤.៨៣៣ នាក់ រីឯឆ្នាំ ២០១៥ អតិថិជនសរុបចំនួន ៣៣៣.៧១១ នាក់ និងក្នុងឆ្នាំ ២០១៦ កន្លងមកនេះ ចំនួនអតិថិជនខ្ចីប្រាក់សរុប ៣៤២.៨៤៥ នាក់។
ចំពោះសមតុល្យប្រាក់កម្ចី ឬហៅថា (ប្រាក់កម្ចីសរុប) វិញ របស់គ្រឹះស្ថានមីក្រូហិរញ្ញវត្ថុ AMK ក្នុងឆ្នាំ២០១៤ កន្លងទៅ មានចំនួនទឹកប្រាក់សរុប ៩៤.៥៧៥.៥១៥ ដុល្លារ ឆ្នាំ ២០១៥ ចំនួនទឹកប្រាក់ ១២៥.៨៧២.៣៤៥ ដុល្លារ និងក្នុងឆ្នាំ ២០១៦ មានចំនួន ១៤៨.៣៧៤.៩៦១ដុល្លារ ។ ចំនួនទឹកប្រាក់ទាំងនេះ គឺជាការបំពេញនូវតម្រូវការចាំបាច់របស់អតិថិជនរបស់ខ្លួន។
ក្រៅពីចំនួនគណនីអតិថិជនកម្ចីសកម្ម និងសមតុល្យប្រាក់កម្ចីរបស់គ្រឹះស្ថានមីក្រូហិរញ្ញវត្ថុ AMK ចំនួនម៉ាស៊ីនដកប្រាក់ និងដាក់ប្រាក់ដោយស្វ័យប្រវត្តិ (ATM / CDM) របស់គ្រឹះស្ថានមីក្រូហិរញ្ញវត្ថុមួយនេះ កំពុងរីកចម្រើនយ៉ាងខ្លាំងក្នុងប្រទេសកម្ពុជា ដែលធ្វើអោយអតិថិជនងាយស្រួលប្រើប្រាស់សេវាកម្ម របស់AMK តាមតម្រូវការផងដែរ។ របាយការណ៍ចុងក្រោយក្នុងឆ្នាំ២០១៦កន្លងមកនេះ ចំនួនម៉ាស៊ីនដកប្រាក់ និងដាក់ប្រាក់ដោយស្វ័យប្រវត្តិកើនឡើងដល់៥៨កន្លែង។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com