ការលក់សំបុត្រចូលទស្សនាប្រាសាទអង្គរតាមអនឡាញ គ្រោងនឹងដាក់ដំណើរការឆ្នាំ២០១៨

ជាតិ

សេដ្ឋកិច្ច

ការលក់សំបុត្រចូលទស្សនាប្រាសាទអង្គរតាមអនឡាញ គ្រោងនឹងដាក់ដំណើរការឆ្នាំ២០១៨

05, Feb 2017 , 6:59 pm

រូបភាព

ដោយ:

ភ្នំពេញ៖ ដើម្បីបង្ករភាពងាយស្រួលដល់ភ្ញៀវទេសចរអន្តរជាតិ គ្រឹះស្ថានអង្គរ ដែលជាអង្គភាពរដ្ឋគ្រប់គ្រងចំណូលពីការទស្សនាប្រាសាទអង្គរ កំពុងរៀបចំប្រព័ន្ធលក់សំបុត្រចូលទស្សនារមណីយដ្ឋានអង្គរតាមអនឡាញ។

បើតាមសេចក្ដីប្រកាសព័ត៌មានរបស់គ្រឹះស្ថានអង្គរ ដែលចុះនៅថ្ងៃទី៣១ខែមករា បានឲ្យដឹងថា ការលក់បណ្ណចូលទស្សនាប្រាសាទអង្គរតាមអនឡាញ អាចនឹងត្រូវដាក់ដំណើរការនៅក្នុងឆ្នាំ២០១៨ ខាងមុខ។

សូមបញ្ជាក់ថា រដ្ឋាភិបាលទើបតែបានសម្រេចដំឡើងតម្លៃបណ្ណចូលទស្សនាប្រាសាទអង្គរទាំងបីប្រភេទ ដែលត្រូវអនុវត្តចាប់ពីថ្ងៃទី១ខែកុម្ភៈ។ តម្លៃបណ្ណថ្មីសម្រាប់ការទស្សនារយៈពេល១ថ្ងៃត្រូវបានដំឡើងពី២០ដុល្លារ ទៅ៣៧ដុល្លារ។

របាយការណ៍ពីគ្រឹះស្ថានអង្ករឲ្យដឹងថា ការលក់សំបុត្រចូលទស្សនារមណីដ្ឋានអង្គរនៅឆ្នាំ២០១៦ បានជាង ៦២លានដុល្លារកើនឡើង ៤,២ភាគរយបើធៀបនឹងឆ្នាំ២០១៥ ។ នេះជាចំណូលពីការលក់សំបុត្រទស្សនាប្រាសាទអង្គរ ដែលរដ្ឋាភិបាលគ្រប់គ្រងដោយខ្លួនឯង បន្ទាប់ពីរដ្ឋាភិបាលបានដកហូតការលក់សំបុត្រនេះពីក្រុមហ៊ុន សុខា របស់លោក សុខ គង់ ចាប់ពីខែមករាឆ្នាំ២០១៦ ៕