ជាតិ
×![]()
សៀមរាប៖ អ្នកភូមិបង្កោង ឃុំអំពិល ស្រុកប្រាសាទបាគង ខេត្តសៀមរាប បានធ្វើពិធីរកត្រីរួមគ្នាមួយ ដើម្បីត្រៀមឡើងមាឃ។ តាមការបញ្ជាក់របស់លោកមេភូមិបង្កោង ពិធីនេះមានតាំងពីបុរាណមក ហើយអ្នកភូមិបន្តអភិរក្សរហូតមកដល់បច្ចុប្បន្ន។
លោក ទិច ខិន មេភូមិបង្កោងបានឲ្យដឹងថា ត្រពាំងបឹងត្រូវបានអ្នកភូមិការពារមិនឲ្យមានការនេសាទ រហូតដល់វេលាមួយដែលកំណត់ដើម្បីចុះរកត្រី។ លោកបន្ថែមថា ពិធីរកត្រីនេះត្រូវបានរៀបចំធ្វើជារៀងរាល់ឆ្នាំនៅដើមខែមាឃ ដើម្បីត្រៀមឡើងមាឃរបស់អ្នកភូមិ។
លោក ទិច ខិនបន្តទៀតថា ការរកត្រីរួមគ្នានេះគឺចាប់ធ្វើពីថ្ងៃ១កើត ខែមាឃ ហើយនៅថ្ងៃបន្ទាប់អ្នកភូមិត្រៀមធ្វើនំ និងថ្ងៃ៣កើតត្រូវធ្វើពិធីឆ្លង។ លោក ទិច ខិន មិនអាចបញ្ជាក់ពីដើមហេតុនៃការប្រារព្ធពិធីនេះបានឡើយ ដោយលោកគ្រាន់តែពន្យល់ថា វាជាប្រពៃណីដែលអ្នកភូមិបានដឹងឮ និងធ្វើជារហូតមក។
សម្រាប់នៅឆ្នាំនេះ ការចុះរកត្រីរបស់អ្នកភូមិបង្កោងមានការពន្យាពេលបន្តិច ដោយសារសាលាឆទានមិនទាន់រួចរាល់ និងទឹកត្រពាំងបឹងនៅមិនទាន់ស្រកអស់។ ក្នុងពិធីចុះរកត្រីនេះ គឺអ្នកភូមិប្រើប្រាស់ឧបករណ៍នេសាទបុរាណ ដែលមានដូចជាសំណាញ់ និងអង្រុត ហើយមានចាក់មេក្រូដើម្បីធ្វើឲ្យកម្មវិធីមួយនេះ ឲ្យកាន់តែសប្បាយរីករាយ។
«ឲ្យតែដល់ថ្ងៃនេះមក អ្នកភូមិដេកអត់លក់ទេ ទោះជាយើងកំណត់ថាម៉ោង៧ព្រឹក ទើបអាចចុះរកត្រីក៏ដោយ ក៏អ្នកខ្លះមកចាំតាំងពីម៉ោង១យប់»។ នេះបើតាមសំដីរបស់លោកមេភូមិ ដោយលោកបន្ថែមទៀតថា ត្រីនៅឆ្នាំនេះមានការចុះបន្តិចជាងឆ្នាំទៅ។ លោក ទិច ខិន ពន្យល់ថា៖« ខុសខ្លួនឯងទេ ដោយសារឆ្នាំទៅមិញទៅបិទទំនប់ទៅ បង់បានកូនត្រីឆ្តោរ យកមកព្រលែង ស៊ីកូនត្រីអស់...»។
គួរបញ្ជាក់ថា ពិធីរកត្រីនេះគឺសម្រាប់តែអ្នកភូមិបង្កោងតែប៉ុណ្ណោះ។ នៅថ្ងៃចុះរកត្រីរួមនេះ គេដាក់មេក្រូមួយដោយប្រកាសហាមមិនឲ្យអ្នកក្រៅចុះរកត្រី ប៉ុន្តែអ្នកខាងក្រៅអាចចុះរកបាន ទាល់តែផុតពីថ្ងៃនេះ។ ការរកត្រី ធ្វើឡើងទៅតាមគ្រួសារមួយៗ ហើយត្រីដែលរកបាន ខ្លះចំអិនហូបនៅនឹងកន្លែង ដោយត្រូវទុកខ្លះសម្រាប់ធ្វើសម្លនំបញ្ចុក ទុកដល់ថ្ងៃឆ្លងមាឃ។ អ្នកភូមិអាចហូបនំបញ្ចុកនៅតាមផ្ទះរៀងខ្លួនៗ ឫក៏អាចហូបរួមដែលគេធ្វើនៅសាលាឆទានក្នុងភូមិ៕
លោក ទិច ខិន មេភូមិបង្កោងបានឲ្យដឹងថា ត្រពាំងបឹងត្រូវបានអ្នកភូមិការពារមិនឲ្យមានការនេសាទ រហូតដល់វេលាមួយដែលកំណត់ដើម្បីចុះរកត្រី។ លោកបន្ថែមថា ពិធីរកត្រីនេះត្រូវបានរៀបចំធ្វើជារៀងរាល់ឆ្នាំនៅដើមខែមាឃ ដើម្បីត្រៀមឡើងមាឃរបស់អ្នកភូមិ។
លោក ទិច ខិនបន្តទៀតថា ការរកត្រីរួមគ្នានេះគឺចាប់ធ្វើពីថ្ងៃ១កើត ខែមាឃ ហើយនៅថ្ងៃបន្ទាប់អ្នកភូមិត្រៀមធ្វើនំ និងថ្ងៃ៣កើតត្រូវធ្វើពិធីឆ្លង។ លោក ទិច ខិន មិនអាចបញ្ជាក់ពីដើមហេតុនៃការប្រារព្ធពិធីនេះបានឡើយ ដោយលោកគ្រាន់តែពន្យល់ថា វាជាប្រពៃណីដែលអ្នកភូមិបានដឹងឮ និងធ្វើជារហូតមក។
សម្រាប់នៅឆ្នាំនេះ ការចុះរកត្រីរបស់អ្នកភូមិបង្កោងមានការពន្យាពេលបន្តិច ដោយសារសាលាឆទានមិនទាន់រួចរាល់ និងទឹកត្រពាំងបឹងនៅមិនទាន់ស្រកអស់។ ក្នុងពិធីចុះរកត្រីនេះ គឺអ្នកភូមិប្រើប្រាស់ឧបករណ៍នេសាទបុរាណ ដែលមានដូចជាសំណាញ់ និងអង្រុត ហើយមានចាក់មេក្រូដើម្បីធ្វើឲ្យកម្មវិធីមួយនេះ ឲ្យកាន់តែសប្បាយរីករាយ។
«ឲ្យតែដល់ថ្ងៃនេះមក អ្នកភូមិដេកអត់លក់ទេ ទោះជាយើងកំណត់ថាម៉ោង៧ព្រឹក ទើបអាចចុះរកត្រីក៏ដោយ ក៏អ្នកខ្លះមកចាំតាំងពីម៉ោង១យប់»។ នេះបើតាមសំដីរបស់លោកមេភូមិ ដោយលោកបន្ថែមទៀតថា ត្រីនៅឆ្នាំនេះមានការចុះបន្តិចជាងឆ្នាំទៅ។ លោក ទិច ខិន ពន្យល់ថា៖« ខុសខ្លួនឯងទេ ដោយសារឆ្នាំទៅមិញទៅបិទទំនប់ទៅ បង់បានកូនត្រីឆ្តោរ យកមកព្រលែង ស៊ីកូនត្រីអស់...»។
គួរបញ្ជាក់ថា ពិធីរកត្រីនេះគឺសម្រាប់តែអ្នកភូមិបង្កោងតែប៉ុណ្ណោះ។ នៅថ្ងៃចុះរកត្រីរួមនេះ គេដាក់មេក្រូមួយដោយប្រកាសហាមមិនឲ្យអ្នកក្រៅចុះរកត្រី ប៉ុន្តែអ្នកខាងក្រៅអាចចុះរកបាន ទាល់តែផុតពីថ្ងៃនេះ។ ការរកត្រី ធ្វើឡើងទៅតាមគ្រួសារមួយៗ ហើយត្រីដែលរកបាន ខ្លះចំអិនហូបនៅនឹងកន្លែង ដោយត្រូវទុកខ្លះសម្រាប់ធ្វើសម្លនំបញ្ចុក ទុកដល់ថ្ងៃឆ្លងមាឃ។ អ្នកភូមិអាចហូបនំបញ្ចុកនៅតាមផ្ទះរៀងខ្លួនៗ ឫក៏អាចហូបរួមដែលគេធ្វើនៅសាលាឆទានក្នុងភូមិ៕
© រក្សាសិទ្ធិដោយ thmeythmey.com
