ជាតិ
សេដ្ឋកិច្ច
អន្តរក្រសួងនឹងចុះត្រួតពិនិត្យ«ស៊ីមកាតគ្មានអត្តសញ្ញាណ»តាមក្រុមហ៊ុនទូរសព្ទចល័ត
×![]()
ភ្នំពេញ៖ ក្រុមអធិការកិច្ចអន្តរក្រសួង នឹងចុះត្រួតពិនិត្យរកស៊ីមកាតដែលគ្មានឯកសារសម្គាល់អត្តសញ្ញាណ នៅតាមក្រុមហ៊ុនផ្ដល់សេវាទូរសព្ទចល័ត នាពេលខាងមុខឆាប់ៗ ដើម្បីលុបបំបាត់ការប្រើស៊ីមកាតគ្មានអត្តសញ្ញាណ។ នេះបើតាមអ្នកនាំពាក្យនិយ័តករទូរគមនាគមន៍កម្ពុជា។
ការចុះធ្វើអធិការកិច្ច និងចាត់វិធានការលើស៊ីមកាតគ្មានអត្តសញ្ញាណនេះ ហាក់យឺតយ៉ាវផ្ទុយពីការប្រកាសរបស់និយ័តករទូរគមនាគមន៍កម្ពុជា (TRC) ក្នុងពេលកន្លងមក។ គួរបញ្ជាក់ថា កាលពីខែតុលារឆ្នាំ ២០១៦ TRC ព្រមានថា នឹងបិទស៊ីមកាតទូរសព្ទចល័តណាដែលគ្មានឯកសារគតិយុត្តសម្គាល់អត្តសញ្ញាណ នៅក្នុងខែវិច្ចិកា។
លោក អ៊ឹម វុត្ថា អ្នកនាំពាក្យ TRC បានថ្លែងប្រាប់សារព័ត៌មានថ្មីថា ក្រុមអធិការកិច្ចចំណុះឲ្យក្រសួងប្រៃសណីយ៍ និងទូរគមនាគមន៍, ក្រសួងមហាផ្ទៃ និងនិយ័តករទូរគមនាគមន៍កម្ពុជា កំពុងត្រូវបានបង្កើតឡើង ដែលនឹងចុះត្រួតពិនិត្យ និងចាត់វិធានការលើស៊ីមកាតដែលគ្មានឯកសារគតិយុត្តសម្គាល់អត្តសញ្ញាណ ក្នុងពេលឆាប់ៗខាងមុខ។ លោកលើកឡើងដូច្នេះថា៖«យើងមានបទប្បញ្ញត្តិអន្តក្រសួងកំណត់ឲ្យអ្នកជាវសេវា (ទូរសព្ទ) ទាំងអស់មានអត្តសញ្ញាណសម្គាល់ ហើយចុងក្រោយយើងឲ្យក្រុមហ៊ុនកែតម្រូវ ប៉ុន្តែចង់យឺតទៅហើយ យើងមិនទាន់ទៅចាត់វិធានការផង។ ឥឡូវយើងកំពុងបង្កើតក្រុមការ ដើម្បីចុះតាមក្រុមហ៊ុន ដើម្បីឲ្យប្រាកដថាមានអត្តសញ្ញាណទាំងអស់ហើយឬនៅ?»។
«បើយើងមើលទៅលើទីផ្សារគាត់ (ប្រតិបត្តិករទូរសព្ទចល័ត) នៅតែប្រកួតប្រជែងគ្នា លួចលក់អត់ព្រមយកអាណឹង (អត្តសញ្ញាណបណ្ណ) ដដែល»។ នេះជាការបញ្ជាក់របស់ លោក អ៊ឹម វុត្ថា ។
អ្នកនាំពាក្យ TRC រូបនេះឲ្យដឹងថា ក្រុមអធិការកិច្ចនឹងតម្រូវឲ្យក្រុមហ៊ុនផ្ដល់សេវាទូរសព្ទចល័តទាក់ទងឲ្យអតិថិជនរបស់ខ្លួនបំពេញបែបបទឲ្យបានត្រឹមត្រូវ ចំពោះស៊ីមកាតគ្មានអត្តសញ្ញាណ។ លោកបន្ថែមថា ស៊ីមកាតគ្មានអត្តសញ្ញាណត្រឹមត្រូវ ហើយដែលអ្នកប្រើស៊ីមនោះមិនមកបំពេញបែបបទតាមការកំណត់ នឹងត្រូវលុបចេញពីបណ្តាញសេវាទូរសព្ទ។
គួរបញ្ជាក់ថា កម្ពុជាមានក្រុមហ៊ុនផ្ដល់សេវាទូរស័ព្ទចល័តចំនួន ៦ និងមានការប្រើប្រាស់ស៊ីមកាតប្រមាណ ១៩,៥លាន៕
ការចុះធ្វើអធិការកិច្ច និងចាត់វិធានការលើស៊ីមកាតគ្មានអត្តសញ្ញាណនេះ ហាក់យឺតយ៉ាវផ្ទុយពីការប្រកាសរបស់និយ័តករទូរគមនាគមន៍កម្ពុជា (TRC) ក្នុងពេលកន្លងមក។ គួរបញ្ជាក់ថា កាលពីខែតុលារឆ្នាំ ២០១៦ TRC ព្រមានថា នឹងបិទស៊ីមកាតទូរសព្ទចល័តណាដែលគ្មានឯកសារគតិយុត្តសម្គាល់អត្តសញ្ញាណ នៅក្នុងខែវិច្ចិកា។
លោក អ៊ឹម វុត្ថា អ្នកនាំពាក្យ TRC បានថ្លែងប្រាប់សារព័ត៌មានថ្មីថា ក្រុមអធិការកិច្ចចំណុះឲ្យក្រសួងប្រៃសណីយ៍ និងទូរគមនាគមន៍, ក្រសួងមហាផ្ទៃ និងនិយ័តករទូរគមនាគមន៍កម្ពុជា កំពុងត្រូវបានបង្កើតឡើង ដែលនឹងចុះត្រួតពិនិត្យ និងចាត់វិធានការលើស៊ីមកាតដែលគ្មានឯកសារគតិយុត្តសម្គាល់អត្តសញ្ញាណ ក្នុងពេលឆាប់ៗខាងមុខ។ លោកលើកឡើងដូច្នេះថា៖«យើងមានបទប្បញ្ញត្តិអន្តក្រសួងកំណត់ឲ្យអ្នកជាវសេវា (ទូរសព្ទ) ទាំងអស់មានអត្តសញ្ញាណសម្គាល់ ហើយចុងក្រោយយើងឲ្យក្រុមហ៊ុនកែតម្រូវ ប៉ុន្តែចង់យឺតទៅហើយ យើងមិនទាន់ទៅចាត់វិធានការផង។ ឥឡូវយើងកំពុងបង្កើតក្រុមការ ដើម្បីចុះតាមក្រុមហ៊ុន ដើម្បីឲ្យប្រាកដថាមានអត្តសញ្ញាណទាំងអស់ហើយឬនៅ?»។
«បើយើងមើលទៅលើទីផ្សារគាត់ (ប្រតិបត្តិករទូរសព្ទចល័ត) នៅតែប្រកួតប្រជែងគ្នា លួចលក់អត់ព្រមយកអាណឹង (អត្តសញ្ញាណបណ្ណ) ដដែល»។ នេះជាការបញ្ជាក់របស់ លោក អ៊ឹម វុត្ថា ។
អ្នកនាំពាក្យ TRC រូបនេះឲ្យដឹងថា ក្រុមអធិការកិច្ចនឹងតម្រូវឲ្យក្រុមហ៊ុនផ្ដល់សេវាទូរសព្ទចល័តទាក់ទងឲ្យអតិថិជនរបស់ខ្លួនបំពេញបែបបទឲ្យបានត្រឹមត្រូវ ចំពោះស៊ីមកាតគ្មានអត្តសញ្ញាណ។ លោកបន្ថែមថា ស៊ីមកាតគ្មានអត្តសញ្ញាណត្រឹមត្រូវ ហើយដែលអ្នកប្រើស៊ីមនោះមិនមកបំពេញបែបបទតាមការកំណត់ នឹងត្រូវលុបចេញពីបណ្តាញសេវាទូរសព្ទ។
គួរបញ្ជាក់ថា កម្ពុជាមានក្រុមហ៊ុនផ្ដល់សេវាទូរស័ព្ទចល័តចំនួន ៦ និងមានការប្រើប្រាស់ស៊ីមកាតប្រមាណ ១៩,៥លាន៕
Tag:
ស៊ីមកាត
ទូរសព្ទ
© រក្សាសិទ្ធិដោយ thmeythmey.com
