អ្នកលេង​គុន​ខ្មែរ ធឿន ធារ៉ា ផ្តួល​ថៃ​ឲ្យ​សន្លប់​ទឹក​ទី​២​ក្នុង​ព្រឹត្តិការណ៍ Max Muay Thai
កីឡាជាតិ
ជាតិ
អ្នកលេង​គុន​ខ្មែរ ធឿន ធារ៉ា ផ្តួល​ថៃ​ឲ្យ​សន្លប់​ទឹក​ទី​២​ក្នុង​ព្រឹត្តិការណ៍ Max Muay Thai
14, Feb 2017 , 8:39 am        
រូបភាព
កីឡាករ​ ធឿន ធារ៉ា ប្រកួតជាមួយកីឡាករថៃនៅប្រទេសថៃក្នុងព្រឹត្តិការណ៍ Max Muay Thai។ រូបភាពពី៖ ហ្វេសប៊ុក Muay Thai
កីឡាករ​ ធឿន ធារ៉ា ប្រកួតជាមួយកីឡាករថៃនៅប្រទេសថៃក្នុងព្រឹត្តិការណ៍ Max Muay Thai។ រូបភាពពី៖ ហ្វេសប៊ុក Muay Thai
​អ្នកលេង​គុន​ខ្មែរ​ឆ្លងដែន ធឿន ធារ៉ា បាន​ប្រើ​ផ្លែ​កែង​ផ្តួល​ជើង​ខ្លាំង​ថៃ Petchtongchai Sor.seubsak ឲ្យ​សន្លប់​ត្រឹម​ទឹក​ទី​២​ក្នុង​ព្រឹត្តិការណ៍ Max Muay Thai កាលពី​ថ្ងៃទី​១២ ខែកុម្ភៈ ​នៅ​ប្រទេស​ថៃ​។ តាមរយៈ​កែង​ឆ្វេង​របស់ ធារ៉ា បានធ្វើ​ឲ្យ​កីឡាករ​ថៃ ត្រូវ​អាជ្ញាកណ្តាល​រាប់​ពីរដង​ក្នុង​ទឹក​ទី​១​។



​អ្នកលេង​គុន​ខ្មែរ​មកពី​ក្លិប​ក្រសួងកសិកម្ម ធឿន ធារ៉ា បាន​ប្រើ​កែង​ឆ្វេង​បុក​កាណូត​ទៅលើ​ផ្ទៃមុខ​កីឡាករ​ថៃ​Petchtongchai Sor.seubsak ដើម្បី​ឲ្យ​អាជ្ញាកណ្តាល​រាប់​ពីរដង​ក្នុង​ទឹក​ទី​១​។ ប៉ុន្តែ​ជំនួប​ដ៏​ស្វិតស្វាញ​ក្នុង​ទឹក​ទី​១​នេះ ធារ៉ា ក៏ត្រូវ​បាន​កីឡាករ​ថៃ​វាយ​ឲ្យ​ដួល​៣​ដង​ផងដែរ​។

​ក្រោយ​អាជ្ញាកណ្តាល​រាប់​ពីរដង​ទៅលើ​កីឡាករ​ថៃ Petchtongchai Sor.seubsak បានធ្វើ​ឲ្យ​ការប្រកួត​កាន់តែ​ជក់ចិត្ត និង​ស្វិតស្វាញ​កាន់តែខ្លាំង​។ គ្រាន់តែ​ស្នូរ​ជួង​ទឹក​ទី​២​បានចាប់ផ្តើម​ភ្លាម​កីឡាករ​ថៃ​បាន​ដើរចូល​រួច​ប្រើ​ជើង​ស្តាំ​ទាត់​មួយ​ទំហឹង​ទៅលើ ធារ៉ា​។ ប៉ុន្តែ​កីឡាករ​កម្ពុជា​រូបនេះ​បានគេច​ផុត​យ៉ាង​ល្អ បន្ទាប់មក​រូបគេ​បាន​ប្រើ​កែង​បុក​កាណូត​ទៅលើ​ផ្ទៃមុខ​កីឡាករ​ថៃ​ឲ្យ​សន្លប់​នៅ​ដើម​ទឹក​ទី​២​តែម្តង​។  



​អ្នកលេង​គុន​ខ្មែរ​ឆ្លងដែន ធឿន ធារ៉ា មាន​កម្ពស់​១,៧៨​ម៉ែត្រ​ធ្លាប់​ឆ្លងកាត់​ការប្រកួត​ចំនួន​៥៥​ដង ឈ្នះ​៤០​ដង និង​ចាញ់​១៥ ចំណែក​កីឡាករ​ថៃ Petchtongchai Sor.seubsak បាន​កម្ពស់​១,៧៥​ម៉ែត្រ ធ្លាប់​ឆ្លងកាត់​ការប្រកួត​ចំនួន​៦៥​ក្នុងនោះ​ឈ្នះ​៤៦ សើ្ម​២​ដង និង​ចាញ់​១៧​ដង​៕ 
 


Tag:
 ប្រដាល់​
  ធឿន ធារ៉ា​
  Muay Thai
© រក្សាសិទ្ធិដោយ thmeythmey.com
Array ( [0] => 49500 [1] => 31,9 [2] => អ្នកលេង​គុន​ខ្មែរ ធឿន ធារ៉ា ផ្តួល​ថៃ​ឲ្យ​សន្លប់​ទឹក​ទី​២​ក្នុង​ព្រឹត្តិការណ៍ Max Muay Thai [3] => content [4] => [5] => ប្រដាល់​, ធឿន ធារ៉ា​, Muay Thai [6] => 69 [7] => 0 [8] => )