ជាតិ
សេដ្ឋកិច្ច
កម្ពុជា និងសហភាពសេដ្ឋកិច្ចអឺរ៉ុប-អាស៊ី ប្រឹងប្រែង ដើម្បីឈានដល់កិច្ចព្រមព្រៀងពាណិជ្ជកម្មសេរី
×![]()
ភ្នំពេញ៖ កម្ពុជា និងគណៈកម្មការសេដ្ឋកិច្ចអឺរ៉ុប-អាស៊ី (EEC) ដែលជាស្ថាប័នទទួលបន្ទុកផ្នែកពាណិជ្ជកម្ម និងវិនិយោគរបស់សហភាពសេដ្ឋកិច្ចអឺរ៉ុប-អាស៊ី នៅថ្ងៃទី១៣ខែកុម្ភៈ បានបើកកិច្ចប្រជុំលើកដំបូង នៅរាជធានីភ្នំពេញ លើការពង្រឹងកិច្ចសហប្រតិបត្តិផ្នែកពាណិជ្ជកម្ម ដើម្បីឈានដល់កិច្ចព្រមព្រៀងពាណិជ្ជកម្មសេរីនៅពេលខាងមុខ។ នៅក្នុងកិច្ចប្រជុំនេះ ក៏មានការធ្វើសេចក្ដីថ្លែងការណ៍រួមរវាងភាគីទាំងពីរផងដែរ។
កិច្ចប្រជុំលើកទី១នេះ ធ្វើឡើងបន្ទាប់ពីមានអនុស្សារណៈនៃការយោគយល់គ្នា (MOU) រវាងប្រមុខរដ្ឋាភិបាលកម្ពុជា សម្តេច ហ៊ុន សែន និង លោក Tigran Sargsyan ប្រធានគណៈកម្មការសេដ្ឋកិច្ចអឺរ៉ុប-អាស៊ី នៅទីក្រុងម៉ូស្គូ ប្រទេសរុស្ស៊ី កាលពីខែឧសភាឆ្នាំ២០១៦ ។ EEC គឺជាស្ថាប័នទទួលបន្ទុកលើផ្នែកពាណិជ្ជកម្ម និងវិនិយោគរបស់សហភាពសេដ្ឋកិច្ចអឺរ៉ុប-អាស៊ី (EEU) ។ EEU មានសមាជិកចំនួន ៥ ប្រទេស រួមមាន ប្រទេសរ៉ូស្ស៊ី អាម៉េនី បេលឡារូស កាហ្សាស្តង់ និងសាធារណរដ្ឋ Kyrgyz ។
លោកស្រី តឹករ៉េត កំរង រដ្ឋលេខាធិការក្រសួងពាណិជ្ជកម្ម ដែលជាអ្នកដឹកនាំកិច្ចប្រជុំខាងភាគីកម្ពុជា បានថ្លែងប្រាប់អ្នកសារព័ត៌មានថា កិច្ចប្រជុំនៅថ្ងៃនេះ គឺមានបំណងពង្រីកកិច្ចសហប្រតិបត្តិការទ្វេភាគីរវាងកម្ពុជា និង EEU លើផ្នែកសេដ្ឋកិច្ច ដែលគ្របដណ្ដប់លើវិស័យ ពាណិជ្ជកម្ម វិនិយោគ ភូតគាមអនាម័យ ឧស្សាហកម្ម កសិកម្ម និងកម្មសិទ្ធិបញ្ញា។
លោកស្រីបន្ថែមថា កិច្ចប្រជុំនេះ គឺជាជំហ៊ានដំបូង ដើម្បីឈានទៅដល់កិច្ចព្រមព្រៀងពាណិជ្ជកម្មសេរីរវាងភាគីទាំងពីរនៅពេលខាងមុខ។ «នៅក្នុងកិច្ចប្រជុំនេះ ក៏មានការឯកភាពគ្នាឲ្យមានការសិក្សារួម ដើម្បីស្វែងរកថាយើង (កម្ពុជា) មានអត្ថប្រយោជន៍អ្វី មានបញ្ហាអ្វីខ្លះ ក្នុងការដែលយើងចូលជាភាគីនៃកិច្ចព្រមព្រៀងពាណិជ្ជកម្មសេរី (FTA) ជាមួយ EEU »។ នេះជាការបញ្ជាក់របស់ លោកស្រី តឹករ៉េត កំរង មុននឹងលោកស្រីបន្តថា៖«នៅពេលយើងដឹងច្បាស់ថាយើងបានផលប្រយោជន៍អ្វី គេបានផលប្រយោជន៍អ្វី យើង (ភាគីទាំងពីរ) នឹងចាប់ផ្ដើមចរចា ហើយកំណត់រួចពន្ធយ៉ាងដូចម្តេច ក្នុងកិច្ចព្រមព្រៀងពាណិជ្ជកម្មសេរីនោះ»។ លោកស្រីថា ដើម្បីឈានដល់កិច្ចព្រមព្រៀង FTA នេះ កិច្ចប្រជុំបានប៉ានស្មានថា នឹងត្រូវចំណាយពេលក្នុងរង្វង់បីបួនឆ្នាំទៀត។
រដ្ឋលេខាធិការក្រសួងពាណិជ្ជកម្មរូបនេះ ឲ្យដឹងថា កម្ពុជាសម្លឹងឃើញសក្ដានុពលទីផ្សារ EEU ដែលមានប្រជាជន ១៨៣ លាននាក់ សម្រាប់នាំចេញទំនិញចូលតំបន់នោះ។ លោកស្រីបញ្ជាក់ នៅក្នុង២០១៥ ការនាំចេញរបស់កម្ពុជា (នាំចេញដោយគិតពន្ធ) ទៅបណ្ដាប្រទេសនៃសហភាព EEU មានទឹកប្រាក់ ១០៤លានដុល្លារ ដែលរួមមានទំនិញសម្លៀកបំពាក់ ស្បែកជើង កង់ សម្ភារក្មេងលេង និងផលិតផលកសិកម្មក្នុងចំនួនតិចតួច។ រីឯការនាំចូលមកកម្ពុជារបស់ប្រទេសក្នុង EEU មានទឹកប្រាក់ត្រឹម ១១លានដុល្លារ ដែលភាគច្រើនគឺទំនិញ គ្រឿងយន្ត ថ្នាំពេទ្យ និងជីកសិកម្ម។
បើតាមលោកស្រី Tatiana Valovaya សមាជិកក្រុមប្រឹក្សាភិបាលនៃ EEC ក្នុងអំឡុងពេល ១១ខែដើមឆ្នា២០១៦ ទំហំពាណិជ្ជកម្មទ្វេភាគីកម្ពុជា និងប្រទេសក្នុង EEU មានចំនួន ១៣៨លានដុល្លារ កើនឡើង ៣០ភាគរយ បើធៀបនឹងឆ្នាំ២០១៥ ។ ដោយឡែកកាលពីឆ្នាំ២០១៥ ទំហំជួញដូរទំនិញរវាងភាគីទាំងពីរ កើនឡើង២០ភាគរយ។ លោកស្រីបន្ថែមថា ប្រទេស EEU នឹងបង្កើនការនាំចូលមកកម្ពុជាបន្ថែមទៀត ខណៈការនាំចេញរបស់កម្ពុជាមានទំហំធំជាងច្រើនទៅលើបណ្ដាប្រទេសទាំងនោះ៕
កិច្ចប្រជុំលើកទី១នេះ ធ្វើឡើងបន្ទាប់ពីមានអនុស្សារណៈនៃការយោគយល់គ្នា (MOU) រវាងប្រមុខរដ្ឋាភិបាលកម្ពុជា សម្តេច ហ៊ុន សែន និង លោក Tigran Sargsyan ប្រធានគណៈកម្មការសេដ្ឋកិច្ចអឺរ៉ុប-អាស៊ី នៅទីក្រុងម៉ូស្គូ ប្រទេសរុស្ស៊ី កាលពីខែឧសភាឆ្នាំ២០១៦ ។ EEC គឺជាស្ថាប័នទទួលបន្ទុកលើផ្នែកពាណិជ្ជកម្ម និងវិនិយោគរបស់សហភាពសេដ្ឋកិច្ចអឺរ៉ុប-អាស៊ី (EEU) ។ EEU មានសមាជិកចំនួន ៥ ប្រទេស រួមមាន ប្រទេសរ៉ូស្ស៊ី អាម៉េនី បេលឡារូស កាហ្សាស្តង់ និងសាធារណរដ្ឋ Kyrgyz ។
លោកស្រី តឹករ៉េត កំរង រដ្ឋលេខាធិការក្រសួងពាណិជ្ជកម្ម ដែលជាអ្នកដឹកនាំកិច្ចប្រជុំខាងភាគីកម្ពុជា បានថ្លែងប្រាប់អ្នកសារព័ត៌មានថា កិច្ចប្រជុំនៅថ្ងៃនេះ គឺមានបំណងពង្រីកកិច្ចសហប្រតិបត្តិការទ្វេភាគីរវាងកម្ពុជា និង EEU លើផ្នែកសេដ្ឋកិច្ច ដែលគ្របដណ្ដប់លើវិស័យ ពាណិជ្ជកម្ម វិនិយោគ ភូតគាមអនាម័យ ឧស្សាហកម្ម កសិកម្ម និងកម្មសិទ្ធិបញ្ញា។
លោកស្រីបន្ថែមថា កិច្ចប្រជុំនេះ គឺជាជំហ៊ានដំបូង ដើម្បីឈានទៅដល់កិច្ចព្រមព្រៀងពាណិជ្ជកម្មសេរីរវាងភាគីទាំងពីរនៅពេលខាងមុខ។ «នៅក្នុងកិច្ចប្រជុំនេះ ក៏មានការឯកភាពគ្នាឲ្យមានការសិក្សារួម ដើម្បីស្វែងរកថាយើង (កម្ពុជា) មានអត្ថប្រយោជន៍អ្វី មានបញ្ហាអ្វីខ្លះ ក្នុងការដែលយើងចូលជាភាគីនៃកិច្ចព្រមព្រៀងពាណិជ្ជកម្មសេរី (FTA) ជាមួយ EEU »។ នេះជាការបញ្ជាក់របស់ លោកស្រី តឹករ៉េត កំរង មុននឹងលោកស្រីបន្តថា៖«នៅពេលយើងដឹងច្បាស់ថាយើងបានផលប្រយោជន៍អ្វី គេបានផលប្រយោជន៍អ្វី យើង (ភាគីទាំងពីរ) នឹងចាប់ផ្ដើមចរចា ហើយកំណត់រួចពន្ធយ៉ាងដូចម្តេច ក្នុងកិច្ចព្រមព្រៀងពាណិជ្ជកម្មសេរីនោះ»។ លោកស្រីថា ដើម្បីឈានដល់កិច្ចព្រមព្រៀង FTA នេះ កិច្ចប្រជុំបានប៉ានស្មានថា នឹងត្រូវចំណាយពេលក្នុងរង្វង់បីបួនឆ្នាំទៀត។
រដ្ឋលេខាធិការក្រសួងពាណិជ្ជកម្មរូបនេះ ឲ្យដឹងថា កម្ពុជាសម្លឹងឃើញសក្ដានុពលទីផ្សារ EEU ដែលមានប្រជាជន ១៨៣ លាននាក់ សម្រាប់នាំចេញទំនិញចូលតំបន់នោះ។ លោកស្រីបញ្ជាក់ នៅក្នុង២០១៥ ការនាំចេញរបស់កម្ពុជា (នាំចេញដោយគិតពន្ធ) ទៅបណ្ដាប្រទេសនៃសហភាព EEU មានទឹកប្រាក់ ១០៤លានដុល្លារ ដែលរួមមានទំនិញសម្លៀកបំពាក់ ស្បែកជើង កង់ សម្ភារក្មេងលេង និងផលិតផលកសិកម្មក្នុងចំនួនតិចតួច។ រីឯការនាំចូលមកកម្ពុជារបស់ប្រទេសក្នុង EEU មានទឹកប្រាក់ត្រឹម ១១លានដុល្លារ ដែលភាគច្រើនគឺទំនិញ គ្រឿងយន្ត ថ្នាំពេទ្យ និងជីកសិកម្ម។
បើតាមលោកស្រី Tatiana Valovaya សមាជិកក្រុមប្រឹក្សាភិបាលនៃ EEC ក្នុងអំឡុងពេល ១១ខែដើមឆ្នា២០១៦ ទំហំពាណិជ្ជកម្មទ្វេភាគីកម្ពុជា និងប្រទេសក្នុង EEU មានចំនួន ១៣៨លានដុល្លារ កើនឡើង ៣០ភាគរយ បើធៀបនឹងឆ្នាំ២០១៥ ។ ដោយឡែកកាលពីឆ្នាំ២០១៥ ទំហំជួញដូរទំនិញរវាងភាគីទាំងពីរ កើនឡើង២០ភាគរយ។ លោកស្រីបន្ថែមថា ប្រទេស EEU នឹងបង្កើនការនាំចូលមកកម្ពុជាបន្ថែមទៀត ខណៈការនាំចេញរបស់កម្ពុជាមានទំហំធំជាងច្រើនទៅលើបណ្ដាប្រទេសទាំងនោះ៕
Tag:
EEU
តឹករ៉េត កំរង
© រក្សាសិទ្ធិដោយ thmeythmey.com
