ជាតិ
សេដ្ឋកិច្ច
NBC តម្រូវឲ្យគ្រឹះស្ថានធនាគារ និងមីក្រូហិរញ្ញវត្ថុ ដាក់សញ្ញាសម្គាល់«គ្រឹះស្ថានឯកជន»
×![]()
ភ្នំពេញ៖ ធនាគារជាតិនៃកម្ពុជា (NBC) កំណត់ឲ្យគ្រប់គ្រឹះស្ថានធនាគារ និងមីក្រូហិរញ្ញវត្ថុ ព្រមទាំងប្រតិបត្តិករឥណទានជនបទទាំងអស់ ដាក់សញ្ញាសម្គាល់ថា«គ្រឹះស្ថានឯកជន» នៅគ្រប់សាខារបស់ខ្លួន ដើម្បីបញ្ចៀសការយល់ច្រឡំរបស់សាធារណជន។ នេះបើយោងតាមសេចក្ដីប្រកាសព័ត៌មានរបស់ NBC នៅថ្ងៃទី១៤ខែកុម្ភៈ។
ការតម្រូវឲ្យគ្រឹះស្ថានហិរញ្ញវត្ថុ ដាក់សញ្ញាសម្គាល់ជា«គ្រឹះស្ថានឯកជន»នេះ ដោយសារក្នុងពេលកន្លងមក NBC បានសង្កេតឃើញថា មានជនខិលខូចមួយចំនួនបានឃោសនាបោកបញ្ឆោតសាធារជនថា គ្រឹះស្ថានធនាគារ និងហិរញ្ញវត្ថុជារបស់រដ្ឋ ហើយបើសិនអតិថិជនខ្ចីប្រាក់ ដោយមិនបាច់សងបំណុលក៏បានដែរ។ នេះបើតាមសេចក្ដីប្រកាសព័ត៌មានខាងលើ ដែលបញ្ជាក់ទៀតថា ការឃោសនានេះ បានធ្វើឲ្យសាធារណជនមួយចំនួនយល់ច្រឡំ ដែលអាចបង្កផលប៉ះពាល់ដល់ការអភិវឌ្ឍវិស័យហិរញ្ញវត្ថុ ដែលកំពុងដើរតួរសំខាន់ក្នុងការលើកស្ទួយជីវភាពរស់នៅរបស់ប្រជាជនតាមជនបទ។
NBC បានកំណត់ឲ្យគ្រឹះស្ថានធនាគារ គ្រឹះស្ថានមីក្រូហិរញ្ញវត្ថុ និងប្រតិបត្តិករឥណទានជនបទទាំងអស់ បន្ថែមនៅលើស្លាកយីហោរបស់ខ្លួននូវពាក្យថា«គ្រឹះស្ថានឯកជន» និងដាក់បង្ហាញនូវស្លាកសញ្ញា«គ្រឹះស្ថានឯកជន» នៅទីតាំងសមស្របក្នុងស្នាក់ការរបស់ខ្លួន ដែលអតិថិជនអាចមើលឃើញ។ ជាមួយគ្នានេះ NBC បានណែនាំឲ្យគ្រឹះស្ថានទាំងអស់ ពង្រឹងការអនុវត្តក្រមប្រតិបត្តិរបស់គ្រឹះស្ថានធនាគារនិងហិរញ្ញវត្ថុ ពាក់ព័ន្ធនឹងកិច្ចការពារអតិថិជន ការឲ្យខ្ចីមានភាពទទួលខុសត្រូវ តម្លាភាពលើលក្ខខណ្ឌខ្ចី និងការសិក្សាអំពីលទ្ធភាពសងរបស់អតិថិជនឲ្យបានច្បាស់មុនផ្ដល់ឥណទាន។
សេចក្ដីប្រកាសដដែលបន្ថែមទៀតថា៖«គ្រឹះស្ថានធនាគារ និងហិរញវត្ថុទាំងអស់ គឺជាគ្រឹះស្ថានឯកជន ដែលតម្រូវឲ្យគ្រប់អតិថិជនគោរពតាមវប្បធម៌ឥណទាន គឺខ្ចីហើយត្រូវសងត្រឡប់មកវិញតាមលក្ខខណ្ឌដែលបានចែង»។
វិធានការថ្មីរបស់ NBC នៅពេលនេះ គឺធ្វើឡើងបន្ទាប់ពីការបង្គាប់របស់ប្រមុខរដ្ឋាភិបាល សម្តេច ហ៊ុន សែន កាលពីថ្ងៃទី៨ខែកុម្ភៈឆ្នាំនេះ ដែលតម្រូវឲ្យគ្រឹះស្ថានធនាគារ និងមីក្រូហិរញ្ញវត្ថុ ដាក់សញ្ញាសម្គាល់ជាគ្រឹះស្ថានឯកជន ដើម្បីកុំឲ្យពលរដ្ឋយល់ច្រឡំថា គ្រឹះស្ថានទាំងនោះជារបស់រដ្ឋ ដែលនាំឲ្យពួកគេខឹងមកលើរដ្ឋាភិបាលថា គ្មានដំណោះស្រាយ និងការយោគយល់ដល់ពលរដ្ឋក្រីក្រ៕
ការតម្រូវឲ្យគ្រឹះស្ថានហិរញ្ញវត្ថុ ដាក់សញ្ញាសម្គាល់ជា«គ្រឹះស្ថានឯកជន»នេះ ដោយសារក្នុងពេលកន្លងមក NBC បានសង្កេតឃើញថា មានជនខិលខូចមួយចំនួនបានឃោសនាបោកបញ្ឆោតសាធារជនថា គ្រឹះស្ថានធនាគារ និងហិរញ្ញវត្ថុជារបស់រដ្ឋ ហើយបើសិនអតិថិជនខ្ចីប្រាក់ ដោយមិនបាច់សងបំណុលក៏បានដែរ។ នេះបើតាមសេចក្ដីប្រកាសព័ត៌មានខាងលើ ដែលបញ្ជាក់ទៀតថា ការឃោសនានេះ បានធ្វើឲ្យសាធារណជនមួយចំនួនយល់ច្រឡំ ដែលអាចបង្កផលប៉ះពាល់ដល់ការអភិវឌ្ឍវិស័យហិរញ្ញវត្ថុ ដែលកំពុងដើរតួរសំខាន់ក្នុងការលើកស្ទួយជីវភាពរស់នៅរបស់ប្រជាជនតាមជនបទ។
NBC បានកំណត់ឲ្យគ្រឹះស្ថានធនាគារ គ្រឹះស្ថានមីក្រូហិរញ្ញវត្ថុ និងប្រតិបត្តិករឥណទានជនបទទាំងអស់ បន្ថែមនៅលើស្លាកយីហោរបស់ខ្លួននូវពាក្យថា«គ្រឹះស្ថានឯកជន» និងដាក់បង្ហាញនូវស្លាកសញ្ញា«គ្រឹះស្ថានឯកជន» នៅទីតាំងសមស្របក្នុងស្នាក់ការរបស់ខ្លួន ដែលអតិថិជនអាចមើលឃើញ។ ជាមួយគ្នានេះ NBC បានណែនាំឲ្យគ្រឹះស្ថានទាំងអស់ ពង្រឹងការអនុវត្តក្រមប្រតិបត្តិរបស់គ្រឹះស្ថានធនាគារនិងហិរញ្ញវត្ថុ ពាក់ព័ន្ធនឹងកិច្ចការពារអតិថិជន ការឲ្យខ្ចីមានភាពទទួលខុសត្រូវ តម្លាភាពលើលក្ខខណ្ឌខ្ចី និងការសិក្សាអំពីលទ្ធភាពសងរបស់អតិថិជនឲ្យបានច្បាស់មុនផ្ដល់ឥណទាន។
សេចក្ដីប្រកាសដដែលបន្ថែមទៀតថា៖«គ្រឹះស្ថានធនាគារ និងហិរញវត្ថុទាំងអស់ គឺជាគ្រឹះស្ថានឯកជន ដែលតម្រូវឲ្យគ្រប់អតិថិជនគោរពតាមវប្បធម៌ឥណទាន គឺខ្ចីហើយត្រូវសងត្រឡប់មកវិញតាមលក្ខខណ្ឌដែលបានចែង»។
វិធានការថ្មីរបស់ NBC នៅពេលនេះ គឺធ្វើឡើងបន្ទាប់ពីការបង្គាប់របស់ប្រមុខរដ្ឋាភិបាល សម្តេច ហ៊ុន សែន កាលពីថ្ងៃទី៨ខែកុម្ភៈឆ្នាំនេះ ដែលតម្រូវឲ្យគ្រឹះស្ថានធនាគារ និងមីក្រូហិរញ្ញវត្ថុ ដាក់សញ្ញាសម្គាល់ជាគ្រឹះស្ថានឯកជន ដើម្បីកុំឲ្យពលរដ្ឋយល់ច្រឡំថា គ្រឹះស្ថានទាំងនោះជារបស់រដ្ឋ ដែលនាំឲ្យពួកគេខឹងមកលើរដ្ឋាភិបាលថា គ្មានដំណោះស្រាយ និងការយោគយល់ដល់ពលរដ្ឋក្រីក្រ៕
Tag:
ឥណទាន
© រក្សាសិទ្ធិដោយ thmeythmey.com
