ជាតិ
បទយកការណ៍ / បទសម្ភាសន៍
សិល្បះ
×![]()
ភ្នំពេញ៖ ខ្សែភាពយន្តរឿង «ការពារឧក្រិដ្ឋជន» ឬ«Jailbreak» ជាភាពយន្តដែលបង្ហាញពីតម្លៃ និងភាពរស់រវើកនៃក្បាច់គុនល្បុក្កតោខ្មែរ។ ភាពយន្តខ្នាតធំនៅដើមឆ្នាំ២០១៧នេះ បានទាក់ទាញអ្នកគាំទ្រ យ៉ាងច្រើន សូម្បីតែហ្គេម«ការពារឧក្រិដ្ឋជន»ក៏មានអ្នកទាញយកទៅលេង ជាច្រើនម៉ឺននាក់ដែរ។
«ការពារឧក្រិដ្ឋជន» ឬ«Jailbreak» ជាភាពយន្តបែបវាយប្រហារ ដែលបានបញ្ចូលក្បាច់គុនល្បុក្កតោខ្មែរ យ៉ាងរស់រវើក។ ខ្សែភាពយន្តនេះ ផលិតដោយផលិតករជនជាតិអ៊ីតាលី លោក Jimmy Henderson និងផលិតករខ្មែរ ដែលតួសម្តែងសំខាន់ៗក្នុងភាពយន្តនេះភាគច្រើនជាសិស្សល្បុក្កតោខ្មែរ។
កញ្ញា ស៊ិន បញ្ញាចរិយា ដែលទើបតែទស្សនារឿងនេះចប់ បានបង្ហាញចំណាប់អារម្មណ៍ថា ខ្សែភាពយន្តនេះល្អមើលប្លែកពីរឿងដែលធ្លាប់ទស្សនាកន្លងមក ជាពិសេសការយកក្បាច់គុនល្បុក្កតោខ្មែរមកសម្ដែង។ ចរិយា ដែលធ្លាប់តែទស្សនារឿង ខ្មោច និងរឿងបែបកំប្លែងៗនោះបញ្ជាក់ដូច្នេះថា៖«រឿងការពារឧក្រិដ្ឋជននេះ មានការវាយគ្នាគឺពិតៗ ស្រស់ៗ មិនចាញ់បរទេសទេ ហើយវាយគ្នាសាហាវមែន ចេញមកឡូយហ្មង»។
និស្សិតឆ្នាំទី២ ផ្នែកគ្រប់គ្រងពាណិជ្ជកម្មអន្តរជាតិ នៃសាកលវិទ្យាល័យភូមិន្ទភ្នំពេញរូបនេះ ក៏រំពឹងថា រឿងនេះចាក់បញ្ចាំងនៅក្រៅប្រទេស ដើម្បីជួយផ្សព្វផ្សាយក្បាច់គុនល្បុក្កតោខ្មែរ។
អ្នកទស្សនាម្នាក់ទៀត ក៏បានលើកឡើងស្រដៀងគ្នានេះដែរ។ កញ្ញា ហ៊ាន កញ្ញាសុជាតា រៀបរាប់ទាំងញញឹមញញែមថា នៅពេលដែលគេយកល្បុក្កតោខ្មែរមកសម្ដែង គេកំពុងប្រាប់ទៅអន្តរជាតិ ឲ្យស្គាល់ពីក្បាច់គុន និងឈ្មោះល្បុក្កតោខ្មែរ និងកុំឲ្យគេយល់ច្រឡំថា ជារបស់ប្រទេសជិតខាង។ សុជាតា ដែលអះអាងថាខ្លួនធ្លាប់មើលភាពយន្តវាយប្រហាររបស់បរទេសផងនោះ បញ្ជាក់បន្តថា គុណភាពរឿង«ការពារឧក្រិដ្ឋជន»នេះ ថាគុណភាពរឿងនេះ មិនចាញ់រឿងបរទេសនោះឡើយ។
និស្សិតឆ្នាំទី១ នៃវិទ្យាស្ថានភាសាបរទេសរូបនេះ បន្ថែមថាអ្នកដឹកនាំរឿងទំនងចង់បង្ហាញថា គុកជាកន្លែងដែលគួរឲ្យខ្លាច និងជាមធ្យោបាយ ដាសតឿនទៅអ្នកទស្សនាកុំឲ្យប្រព្រឹត្តកំហុសខុសឆ្គង។
ក្រៅពីរៀបរាប់ពីភាពទាក់ទាញនៃភាពយន្តនេះ កញ្ញា ហ៊ាន កញ្ញាសុជាតា ក៏ស្នើឲ្យផលិតករផ្សេងៗទៀត ផលិតភាពយន្តដែលលើកស្ទួយពីសិល្បៈ មរតក វប្បធម៌ខ្មែរ និងគុណភាពល្អបែបនេះកាន់តែច្រើន។
លោក អ៊ូ តារា តួសម្ដែង និងជាផ្នែកមួយនៃការផលិតរឿង «ការពារឧក្រិដ្ឋជន»នេះ បាននិយាយថារឿងនេះ បានបញ្ជាក់ពីគុណតម្លៃ នៃក្បាច់គុនល្បុក្កតោ និងអ្វីដែលជារបស់ខ្មែរ ជាពិសេសចង់ឲ្យទស្សនិកជនជាតិ និងអន្តរជាតិគាំទ្រខ្សែភាពយន្តមួយនេះ។
មុននឹងរៀបរាប់បន្តពីការសម្តែងរបស់ខ្លួនក្នុងភាពយន្ត លោក តារា បានថ្លែងអរគុណចំពោះផលិតកម្ម ដែលបានលះបង់ ដើម្បីបង្កើតរសជាតិថ្មីជូនដល់អ្នកទស្សនា ហើយក្នុងនាមជាតួអង្គម្នាក់ក្នុងរឿងនេះ មិននឹកស្មានថាមានអ្នកគាំទ្ររាប់ម៉ឺននាក់បែបនេះឡើយ។
ទោះការសម្ដែងនេះជាទេពកោសល្យរបស់ខ្លួនផ្ទាល់ក៏ដោយ ប៉ុន្តែនៅតែមានផលលំបាក សម្រាប់លោក អ៊ូ តារា ដែលសម្តែជាតួនគរបាលម្នាក់ តាមការពារឧក្រិដ្ឋជន។ លោក អ៊ូ តារា រៀបរាប់បន្តថា ក្បាច់គុនល្បុក្កតោដែលយកមកសម្ដែងនេះ បានដកស្រង់នៅតាមជញ្ជាំងប្រាង្គប្រាសាទអង្គរផងដែរ។ តួអង្គរូបនេះបន្ថែមដូច្នេះថា៖«ការ សម្ដែងត្រូវប្រើកម្លាំងខ្លាំងពិតប្រាកដ ដើម្បីចង់បានគុណភាពល្អ។ យើងប្រើពេល២ខែ ស្រាវជ្រាវ និងហ្វឹកហាត់ ដើម្បីធ្វើយ៉ាងណាបញ្ជូលក្បាច់គុនល្បុក្កតោឲ្យមានភាពទាក់ទាញ»។
សូមបញ្ជាក់ថា រឿង«ការពារឧក្រិដ្ឋជន ឬ Jailbreak» ដែលចំណាយទុនផលិត ប្រមាណ៣០ម៉ឺនដុល្លារនេះ នឹងបង្ហាញវត្តមាននៅក្នុងមហោស្រពភាពអន្តរជាតិកម្ពុជានាខែមីនាខាងមុខនេះដែរ៕
«ការពារឧក្រិដ្ឋជន» ឬ«Jailbreak» ជាភាពយន្តបែបវាយប្រហារ ដែលបានបញ្ចូលក្បាច់គុនល្បុក្កតោខ្មែរ យ៉ាងរស់រវើក។ ខ្សែភាពយន្តនេះ ផលិតដោយផលិតករជនជាតិអ៊ីតាលី លោក Jimmy Henderson និងផលិតករខ្មែរ ដែលតួសម្តែងសំខាន់ៗក្នុងភាពយន្តនេះភាគច្រើនជាសិស្សល្បុក្កតោខ្មែរ។
កញ្ញា ស៊ិន បញ្ញាចរិយា ដែលទើបតែទស្សនារឿងនេះចប់ បានបង្ហាញចំណាប់អារម្មណ៍ថា ខ្សែភាពយន្តនេះល្អមើលប្លែកពីរឿងដែលធ្លាប់ទស្សនាកន្លងមក ជាពិសេសការយកក្បាច់គុនល្បុក្កតោខ្មែរមកសម្ដែង។ ចរិយា ដែលធ្លាប់តែទស្សនារឿង ខ្មោច និងរឿងបែបកំប្លែងៗនោះបញ្ជាក់ដូច្នេះថា៖«រឿងការពារឧក្រិដ្ឋជននេះ មានការវាយគ្នាគឺពិតៗ ស្រស់ៗ មិនចាញ់បរទេសទេ ហើយវាយគ្នាសាហាវមែន ចេញមកឡូយហ្មង»។
និស្សិតឆ្នាំទី២ ផ្នែកគ្រប់គ្រងពាណិជ្ជកម្មអន្តរជាតិ នៃសាកលវិទ្យាល័យភូមិន្ទភ្នំពេញរូបនេះ ក៏រំពឹងថា រឿងនេះចាក់បញ្ចាំងនៅក្រៅប្រទេស ដើម្បីជួយផ្សព្វផ្សាយក្បាច់គុនល្បុក្កតោខ្មែរ។
អ្នកទស្សនាម្នាក់ទៀត ក៏បានលើកឡើងស្រដៀងគ្នានេះដែរ។ កញ្ញា ហ៊ាន កញ្ញាសុជាតា រៀបរាប់ទាំងញញឹមញញែមថា នៅពេលដែលគេយកល្បុក្កតោខ្មែរមកសម្ដែង គេកំពុងប្រាប់ទៅអន្តរជាតិ ឲ្យស្គាល់ពីក្បាច់គុន និងឈ្មោះល្បុក្កតោខ្មែរ និងកុំឲ្យគេយល់ច្រឡំថា ជារបស់ប្រទេសជិតខាង។ សុជាតា ដែលអះអាងថាខ្លួនធ្លាប់មើលភាពយន្តវាយប្រហាររបស់បរទេសផងនោះ បញ្ជាក់បន្តថា គុណភាពរឿង«ការពារឧក្រិដ្ឋជន»នេះ ថាគុណភាពរឿងនេះ មិនចាញ់រឿងបរទេសនោះឡើយ។
និស្សិតឆ្នាំទី១ នៃវិទ្យាស្ថានភាសាបរទេសរូបនេះ បន្ថែមថាអ្នកដឹកនាំរឿងទំនងចង់បង្ហាញថា គុកជាកន្លែងដែលគួរឲ្យខ្លាច និងជាមធ្យោបាយ ដាសតឿនទៅអ្នកទស្សនាកុំឲ្យប្រព្រឹត្តកំហុសខុសឆ្គង។
ក្រៅពីរៀបរាប់ពីភាពទាក់ទាញនៃភាពយន្តនេះ កញ្ញា ហ៊ាន កញ្ញាសុជាតា ក៏ស្នើឲ្យផលិតករផ្សេងៗទៀត ផលិតភាពយន្តដែលលើកស្ទួយពីសិល្បៈ មរតក វប្បធម៌ខ្មែរ និងគុណភាពល្អបែបនេះកាន់តែច្រើន។
លោក អ៊ូ តារា តួសម្ដែង និងជាផ្នែកមួយនៃការផលិតរឿង «ការពារឧក្រិដ្ឋជន»នេះ បាននិយាយថារឿងនេះ បានបញ្ជាក់ពីគុណតម្លៃ នៃក្បាច់គុនល្បុក្កតោ និងអ្វីដែលជារបស់ខ្មែរ ជាពិសេសចង់ឲ្យទស្សនិកជនជាតិ និងអន្តរជាតិគាំទ្រខ្សែភាពយន្តមួយនេះ។
មុននឹងរៀបរាប់បន្តពីការសម្តែងរបស់ខ្លួនក្នុងភាពយន្ត លោក តារា បានថ្លែងអរគុណចំពោះផលិតកម្ម ដែលបានលះបង់ ដើម្បីបង្កើតរសជាតិថ្មីជូនដល់អ្នកទស្សនា ហើយក្នុងនាមជាតួអង្គម្នាក់ក្នុងរឿងនេះ មិននឹកស្មានថាមានអ្នកគាំទ្ររាប់ម៉ឺននាក់បែបនេះឡើយ។
ទោះការសម្ដែងនេះជាទេពកោសល្យរបស់ខ្លួនផ្ទាល់ក៏ដោយ ប៉ុន្តែនៅតែមានផលលំបាក សម្រាប់លោក អ៊ូ តារា ដែលសម្តែជាតួនគរបាលម្នាក់ តាមការពារឧក្រិដ្ឋជន។ លោក អ៊ូ តារា រៀបរាប់បន្តថា ក្បាច់គុនល្បុក្កតោដែលយកមកសម្ដែងនេះ បានដកស្រង់នៅតាមជញ្ជាំងប្រាង្គប្រាសាទអង្គរផងដែរ។ តួអង្គរូបនេះបន្ថែមដូច្នេះថា៖«ការ សម្ដែងត្រូវប្រើកម្លាំងខ្លាំងពិតប្រាកដ ដើម្បីចង់បានគុណភាពល្អ។ យើងប្រើពេល២ខែ ស្រាវជ្រាវ និងហ្វឹកហាត់ ដើម្បីធ្វើយ៉ាងណាបញ្ជូលក្បាច់គុនល្បុក្កតោឲ្យមានភាពទាក់ទាញ»។
សូមបញ្ជាក់ថា រឿង«ការពារឧក្រិដ្ឋជន ឬ Jailbreak» ដែលចំណាយទុនផលិត ប្រមាណ៣០ម៉ឺនដុល្លារនេះ នឹងបង្ហាញវត្តមាននៅក្នុងមហោស្រពភាពអន្តរជាតិកម្ពុជានាខែមីនាខាងមុខនេះដែរ៕
Tag:
Jailbreak
ល្បុក្កតោ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
