អន្តរជាតិ
បន្ទាប់ពីបានប្តេជ្ញាការពារសម្ព័ន្ធមិត្តខ្លួនហើយ អាមេរិក ជួបចិន និងប្រាប់ចិនឲ្យជួយទប់ស្កាត់កូរ៉េខាងជើងផង
រដ្ឋមន្ត្រីការបរទេសអាមេរិក (ខាងឆ្ចេង) និងរដ្ឋមន្ត្រីការបរទេសចិន (ខាងស្តាំ) (ប្រភពរូបភាព៖ AFP)
×![]()
ដោយ: ថ្មីៗ
រដ្ឋមន្ត្រីការបរទេសអាមេរិកថ្មី លោក Rex Tilleson នៅថ្ងៃទី១៧ កុម្ភៈ ម្សិលមិញ បានជួបពិភាក្សាជាលើកដំបូងជាមួយនឹងរដ្ឋមន្ត្រីការបរទេសចិន លោក Wang Yi នាក្រៅកិច្ចប្រជុំរដ្ឋមន្ត្រីការបរទេស G20 នៅអាល្លឺម៉ង់។ ក្នុងជំនួបលើកដំបូងនោះ ប្រមុខការទូតទាំងពីរ បានលើកឡើងពីចំណុចចម្រូងចម្រាសប្រទេសទាំងពីរ ក៏ដូចជាបញ្ហាកំពុងតែក្តៅគគុកនៅឧបទ្វីបកូរ៉េ គឺសកម្មភាពគឃ្លើនកូរ៉េខាងជើង។
«លោករដ្ឋមន្ត្រីការបរទេស Rex Tillerson បានប្រាប់សមភាគីចិនលោករដ្ឋមន្ត្រី Wang Yi ថា ចិន គួរតែប្រើគ្រប់មធ្យោបាយដើម្បីប្រឈមនឹងសកម្មភាពបង្កហេតុរបស់កូរ៉េខាងជើង»។ នេះបើយោងតាមការអះអាងរបស់អ្នកនាំពាក្យក្រសួងការបរទេសអាមេរិក Mark Toner ពាក់ព័ន្ធនឹងជំនួបលើកដំបូងរបស់ប្រមុខការទូតទាំងពីរ ដែលបានដកស្រង់សារព័ត៌មាន Wall Street Journal។
ការទទូចឲ្យចិន ចេញមុខចេញមាត់ខ្លះក្នុងការទប់ស្កាត់កូរ៉េខាងជើង ធ្វើឡើងបន្ទាប់ពីកូរ៉េខាងជើង បានបាញ់មីស៊ីលជាថ្មី និងលើកដំបូងនៅក្នុងឆ្នាំ២០១៧នេះ។ នៅថ្ងៃទី១២ កុម្ភៈកន្លងទៅ កូរ៉េខាងជើងក្រោមការបញ្ជាដោយផ្ទាល់ពីលោកប្រធានាធិបតី គីម ជុងអ៊ុន បានបាញ់សាកល្បងមីស៊ីលមួយឆ្ពោះទៅកាន់សមុទ្រជប៉ុនជាលើកដំបូងនៅក្នុងឆ្នាំ២០១៧នេះ។ បើតាមសារព័ត៌មានរដ្ឋកូរ៉េខាងជើង KCNA មីស៊ីលដែលបាញ់នោះ ជាប្រភេទមីស៊ីលចម្ងាយមធ្យមស៊េរីថ្មី Pukguksong-2 ដែលអាចបំពាក់ក្បាលគ្រាប់នុយក្លេអ៊ែរបាន។ មីស៊ីលនេះ ត្រូវបានអភិវឌ្ឍចេញពីមីស៊ីលបាលីស្ទិកបាញ់ពីនាវាមុជទឹក ដែលធ្លាប់ជោគជ័យក្នុងការសាកល្បងកាលពីខែសីហា ឆ្នាំ២០១៦។
អ្វីគួរកត់សម្គាល់នោះ មុនពេលជួបជជែកពាក់ព័ន្ធនឹងរឿងកូរ៉េខាងជើង ប្រមុខការទូតអាមេរិកថ្មី ក៏បានជួបជាមួយនឹងសម្ព័ន្ធមិត្តខ្លួននៅក្រៅវេទិកាក្នុងទឹកដីអាល្លឺម៉ង់ផងដែរ។
«សហរដ្ឋអាមេរិក នៅតែប្តេជ្ញាយ៉ាងមុតមាំក្នុងការការពារជាតិសម្ព័ន្ធមិត្ត កូរ៉េខាងត្បូង និងជប៉ុន ដែលការប្តេជ្ញាចិត្តនោះ រាប់បញ្ចូលទាំងការផ្តល់ការការពារតាមរយៈការប្រើប្រាស់អាវុធនុយក្លេអ៊ែរ និងសមត្ថភាពយោធា»។ នេះគឺជាសេចក្តីថ្លែងការណ៍របស់រដ្ឋមន្ត្រីការបរទេសអាមេរិកថ្មី លោក Rex Tillerson ក្នុងសន្និសីទសារព័ត៌មានរួមជាមួយនឹងសមភាគីកូរ៉េខាងត្បូង Yun Byung-se និងសមភាគីជប៉ុន Fumio Kishida នៅថ្ងៃទី១៦ ខែកុម្ភៈ។
តាមរយៈសេចក្តីថ្លែងការណ៍រួមត្រីភាគីនោះដែរ ប្រមុខការទូតទាំងបី បានថ្កោលទោស និងពណ៌នាការបាញ់សាកល្បងរបស់កូរ៉េខាងជើងថាជាសកម្មភាពដ៏ថោកទាបមួយ ដែលបានល្មើសទៅនឹងសេចក្តីសម្រេចរបស់ក្រុមប្រឹក្សាសន្តិសុខ។ ជាងនេះទៅទៀតនោះ ប្រមុខការទូតទាំងបី សន្យាធ្វើការរួមគ្នាដើម្បីធានាឲ្យកូរ៉េខាងជើងដឹងថា ការបំពានផ្សេងៗទៀតនឹងត្រូវប្រឈមជាមួយនឹងវិធានការអន្តរជាតិកាន់តែខ្លាំង ហើយ ក៏បានទាមទារឲ្យក្រុងព្យុងយ៉ាងបោះបង់កម្មវិធីនុយក្លេអ៊ែរ និងមីស៊ីលផងដែរ៕
«លោករដ្ឋមន្ត្រីការបរទេស Rex Tillerson បានប្រាប់សមភាគីចិនលោករដ្ឋមន្ត្រី Wang Yi ថា ចិន គួរតែប្រើគ្រប់មធ្យោបាយដើម្បីប្រឈមនឹងសកម្មភាពបង្កហេតុរបស់កូរ៉េខាងជើង»។ នេះបើយោងតាមការអះអាងរបស់អ្នកនាំពាក្យក្រសួងការបរទេសអាមេរិក Mark Toner ពាក់ព័ន្ធនឹងជំនួបលើកដំបូងរបស់ប្រមុខការទូតទាំងពីរ ដែលបានដកស្រង់សារព័ត៌មាន Wall Street Journal។
ការទទូចឲ្យចិន ចេញមុខចេញមាត់ខ្លះក្នុងការទប់ស្កាត់កូរ៉េខាងជើង ធ្វើឡើងបន្ទាប់ពីកូរ៉េខាងជើង បានបាញ់មីស៊ីលជាថ្មី និងលើកដំបូងនៅក្នុងឆ្នាំ២០១៧នេះ។ នៅថ្ងៃទី១២ កុម្ភៈកន្លងទៅ កូរ៉េខាងជើងក្រោមការបញ្ជាដោយផ្ទាល់ពីលោកប្រធានាធិបតី គីម ជុងអ៊ុន បានបាញ់សាកល្បងមីស៊ីលមួយឆ្ពោះទៅកាន់សមុទ្រជប៉ុនជាលើកដំបូងនៅក្នុងឆ្នាំ២០១៧នេះ។ បើតាមសារព័ត៌មានរដ្ឋកូរ៉េខាងជើង KCNA មីស៊ីលដែលបាញ់នោះ ជាប្រភេទមីស៊ីលចម្ងាយមធ្យមស៊េរីថ្មី Pukguksong-2 ដែលអាចបំពាក់ក្បាលគ្រាប់នុយក្លេអ៊ែរបាន។ មីស៊ីលនេះ ត្រូវបានអភិវឌ្ឍចេញពីមីស៊ីលបាលីស្ទិកបាញ់ពីនាវាមុជទឹក ដែលធ្លាប់ជោគជ័យក្នុងការសាកល្បងកាលពីខែសីហា ឆ្នាំ២០១៦។
អ្វីគួរកត់សម្គាល់នោះ មុនពេលជួបជជែកពាក់ព័ន្ធនឹងរឿងកូរ៉េខាងជើង ប្រមុខការទូតអាមេរិកថ្មី ក៏បានជួបជាមួយនឹងសម្ព័ន្ធមិត្តខ្លួននៅក្រៅវេទិកាក្នុងទឹកដីអាល្លឺម៉ង់ផងដែរ។
«សហរដ្ឋអាមេរិក នៅតែប្តេជ្ញាយ៉ាងមុតមាំក្នុងការការពារជាតិសម្ព័ន្ធមិត្ត កូរ៉េខាងត្បូង និងជប៉ុន ដែលការប្តេជ្ញាចិត្តនោះ រាប់បញ្ចូលទាំងការផ្តល់ការការពារតាមរយៈការប្រើប្រាស់អាវុធនុយក្លេអ៊ែរ និងសមត្ថភាពយោធា»។ នេះគឺជាសេចក្តីថ្លែងការណ៍របស់រដ្ឋមន្ត្រីការបរទេសអាមេរិកថ្មី លោក Rex Tillerson ក្នុងសន្និសីទសារព័ត៌មានរួមជាមួយនឹងសមភាគីកូរ៉េខាងត្បូង Yun Byung-se និងសមភាគីជប៉ុន Fumio Kishida នៅថ្ងៃទី១៦ ខែកុម្ភៈ។
តាមរយៈសេចក្តីថ្លែងការណ៍រួមត្រីភាគីនោះដែរ ប្រមុខការទូតទាំងបី បានថ្កោលទោស និងពណ៌នាការបាញ់សាកល្បងរបស់កូរ៉េខាងជើងថាជាសកម្មភាពដ៏ថោកទាបមួយ ដែលបានល្មើសទៅនឹងសេចក្តីសម្រេចរបស់ក្រុមប្រឹក្សាសន្តិសុខ។ ជាងនេះទៅទៀតនោះ ប្រមុខការទូតទាំងបី សន្យាធ្វើការរួមគ្នាដើម្បីធានាឲ្យកូរ៉េខាងជើងដឹងថា ការបំពានផ្សេងៗទៀតនឹងត្រូវប្រឈមជាមួយនឹងវិធានការអន្តរជាតិកាន់តែខ្លាំង ហើយ ក៏បានទាមទារឲ្យក្រុងព្យុងយ៉ាងបោះបង់កម្មវិធីនុយក្លេអ៊ែរ និងមីស៊ីលផងដែរ៕
Tag:
ចិន
អាមេរិក
កូរ៉េខាងជើង
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
