ជាតិ
សេដ្ឋកិច្ច
លោក ហោ ណាំហុង នឹងទៅបំពេញទស្សនកិច្ចផ្លូវការ នៅមីយ៉ាន់ម៉ារយៈពេល៤ថ្ងៃ
× ភ្នំពេញ៖ លោក ហោ ណាំហុង ឧបនាយករដ្ឋមន្ត្រីកម្ពុជា នឹងទៅបំពេញទស្សនកិច្ចផ្លូវការនៅមីយ៉ាន់ម៉ារយៈពេល៤ថ្ងៃ ដើម្បីជួបសម្តែងការគួរសមជាមួយប្រធានាធិបតីមីយ៉ាន់ម៉ា លោក Htin Kyaw អនុប្រធានាធិបតីមីយ៉ាន់ម៉ា លោក Myint Swe និង អ្នកស្រី Aung San Suu Kyi ទីប្រឹក្សារបស់ប្រទេសមីយ៉ាន់ម៉ា។
ឧបនាយករដ្ឋមន្ត្រីកម្ពុជា លោក ហោ ណាំហុង នឹងទៅបំពេញទស្សនកិច្ចផ្លូវការនៅមីយ៉ាន់ម៉ារយៈពេល៤ថ្ងៃ គឺចាប់ពីថ្ងៃទី២៧ខែកុម្ភៈ រហូតដល់ថ្ងៃទី០២ ខែមីនា ឆ្នាំ២០១៧។ ដំណើរទស្សនកិច្ចផ្លូវការនេះ គឺតបតាមការអញ្ជើញរបស់អនុប្រធានាធិបតីមីយ៉ាន់ម៉ា លោក Myint Swe ដែលបានអញ្ជើញរូបលោក តាំងពីថ្ងៃទី២៨ ខែ មករា មកម្ល៉េះ។ នេះបើយោងតាម សេចក្តីប្រកាសព័ត៌មានរបស់ខុទ្ទកាល័យ របស់ លោក ហោ ណាំហុង កាលពីថ្ងៃទី១០ ខែកុម្ភៈ។
ក្នុងដំណើរទស្សនកិច្ចផ្លូវការនេះ លោក ហោ ណាំហុង នឹងជួបសម្តែងការគួរសមជាមួយប្រធានាធិបតីរបស់សាធារណរដ្ឋសភាពមីយ៉ាន់ម៉ា លោក U Htin Kyaw អនុប្រធានាធិបតីមីយ៉ាន់ម៉ា លោក Myint Swe និង អ្នកស្រី Aung San Suu Kyi ទីប្រឹក្សារបស់ប្រទេសមីយ៉ាន់ម៉ា។
ក្រៅពីជួបថ្នាក់ដឹកនាំជាន់ខ្ពស់របស់មីយ៉ាន់ម៉ា លោក ហោ ណាំហុង នឹងទៅទស្សនារមណីយដ្ឋានមួយចំនួននៅមីយ៉ាន់ម៉ាផងដែរ ដូចជា រមណីយដ្ឋាននៅណៃពិដោ បាកាន និងម៉ាន់ដាឡេ៕
Tag:
ហោ ណាំហុង
មីយ៉ាន់ម៉ា
© រក្សាសិទ្ធិដោយ thmeythmey.com