ជាតិ
សេដ្ឋកិច្ច
រដ្ឋាភិបាលប្រកាសលើកលែងពន្ធលើប្រាក់ចំណូលដល់ SME ដែលចុះបញ្ជីស្ម័គ្រចិត្ត
×![]()
ភ្នំពេញ៖ សហគ្រាសទើបបង្កើតថ្មីថ្មោង និងសហគ្រាសមិនទាន់ទៅចុះបញ្ជីពន្ធដារ ហើយស្ម័គ្រចិត្តទៅចុះបញ្ជី ក្នុងអំឡុងឆ្នាំ២០១៧ និងឆ្នាំ២០១៨ នឹងត្រូវបានលើកលែងពន្ធលើប្រាក់ចំណូលចំនួន២ឆ្នាំ។ ការអនុគ្រោះនេះផ្ដល់ឲ្យតែសហគ្រាសធុនតូច និងមធ្យម (SME) ប៉ុណ្ណោះ។ នេះបើតាមអនុក្រឹត្យរបស់រដ្ឋាភិបាល ដែលចុះថ្ងៃទី៧ខែកុម្ភៈ។
អនុក្រឹត្យខាងលើបានកំណត់ដូច្នេះថា៖«សហគ្រាសធុនតូច និងមធ្យម ដែលបានចុះបញ្ជីពន្ធដារដោយស្ម័គ្រចិត្ត ក្នុងអំឡុងឆ្នាំ២០១៧និងឆ្នាំ២០១៨ ត្រូវបានលើកលែងពន្ធលើប្រាក់ចំណូលចំនួន២ឆ្នាំ ដោយគិតចាប់ពីឆ្នាំដែលទទួលបានប្រាក់ចំណូលដំបូងចំពោះសហគ្រាសដែលពុំទាន់មានប្រាក់ចំណូល ឬចាប់ពីឆ្នាំដែលចុះបញ្ជីពន្ធដារចំពោះសហគ្រាសដែលមានប្រាក់ចំណូលរួចហើយ»។ អនុក្រឹត្យនេះបន្តថា៖«ក្នុងរយៈពេលលើកលែងពន្ធលើប្រាក់ចំណូលនេះ សហគ្រាសធុនតូច និងមធ្យមត្រូវបានលើកលែងពីការបង់ប្រាក់រំដោះពន្ធលើប្រាក់ចំណូល និងពន្ធអប្បបរមា»។
ក្នុងការលើកលែងពន្ធនេះ រដ្ឋាភិបាលមានគោលដៅកំណត់យន្តការលើកទឹកចិត្តផ្នែកពន្ធដារដល់សហគ្រាសធុនតូចនិងមធ្យមដែលពុំទាន់បានទៅចុះបញ្ជីពន្ធដារ ឲ្យស្ម័គ្រចិត្តមកចុះបញ្ជីបំពេញកាតព្វកិច្ចសារពើពន្ធ ដើម្បីបង្កើតបរិយាកាសបង់ពន្ធ ប្រកបដោយតម្លាភាពនិងសមធម៌។ នេះជាការបញ្ជាក់នៅក្នុងអនុក្រឹត្យ។
អនុក្រឹត្យដដែលនេះ ឲ្យដឹងទៀតថា សហគ្រាសដែលបានចុះបញ្ជីជាអ្នកជាប់ពន្ធតូច និងសហគ្រាសដែលបានចុះបញ្ជីជាអ្នកជាប់ពន្ធមធ្យមត្រូវដាក់លិខិតប្រកាសពន្ធលើប្រាក់ចំណូលប្រចាំឆ្នាំទៅតាមកាលកំណត់របស់រដ្ឋបាលសារពើពន្ធ ទោះបីជាត្រូវបានលើកលែងពន្ធលើប្រាក់ចំណូលដូចបានរៀបរាប់ខាងលើក្ដី និងត្រូវដាក់លិខិតប្រកាសបង់ពន្ធអាករដទៃទៀតតាមច្បាប់ពន្ធដារ។
សហគ្រាសធុនតួច ត្រូវបានឲ្យនិយមន័យនៅក្នុងអនុក្រឹត្យថា«សំដៅដល់សហគ្រាសអាជីវកម្មគ្រប់ប្រភេទ ដែលមានផលរបរប្រចាំឆ្នាំចាប់ពី ២៥០លានរៀល ដល់ ៧០០លានរៀល ឬសហគ្រាសដទៃទៀត ដែលជាកម្មវត្ថុនៃការចុះបញ្ជីពន្ធដារជាអ្នកជាប់ពន្ធតូចស្របតាមច្បាប់ពន្ធដារ»។ រីឯសហគ្រាសធុនមធ្យម គឺជាសហគ្រាសអាជីវកម្មគ្រប់ប្រភេទ ដែលមានផលរបរប្រចាំឆ្នាំលើសពី ៧០០លានរៀល ដល់ ២០០០លានរៀល ឬសហគ្រាសដទៃទៀតដែលជាកម្មវត្ថុចុះបញ្ជីពន្ធដារ ជាអ្នកជាប់ពន្ធមធ្យមតាមច្បាប់ពន្ធដារ៕
អនុក្រឹត្យខាងលើបានកំណត់ដូច្នេះថា៖«សហគ្រាសធុនតូច និងមធ្យម ដែលបានចុះបញ្ជីពន្ធដារដោយស្ម័គ្រចិត្ត ក្នុងអំឡុងឆ្នាំ២០១៧និងឆ្នាំ២០១៨ ត្រូវបានលើកលែងពន្ធលើប្រាក់ចំណូលចំនួន២ឆ្នាំ ដោយគិតចាប់ពីឆ្នាំដែលទទួលបានប្រាក់ចំណូលដំបូងចំពោះសហគ្រាសដែលពុំទាន់មានប្រាក់ចំណូល ឬចាប់ពីឆ្នាំដែលចុះបញ្ជីពន្ធដារចំពោះសហគ្រាសដែលមានប្រាក់ចំណូលរួចហើយ»។ អនុក្រឹត្យនេះបន្តថា៖«ក្នុងរយៈពេលលើកលែងពន្ធលើប្រាក់ចំណូលនេះ សហគ្រាសធុនតូច និងមធ្យមត្រូវបានលើកលែងពីការបង់ប្រាក់រំដោះពន្ធលើប្រាក់ចំណូល និងពន្ធអប្បបរមា»។
ក្នុងការលើកលែងពន្ធនេះ រដ្ឋាភិបាលមានគោលដៅកំណត់យន្តការលើកទឹកចិត្តផ្នែកពន្ធដារដល់សហគ្រាសធុនតូចនិងមធ្យមដែលពុំទាន់បានទៅចុះបញ្ជីពន្ធដារ ឲ្យស្ម័គ្រចិត្តមកចុះបញ្ជីបំពេញកាតព្វកិច្ចសារពើពន្ធ ដើម្បីបង្កើតបរិយាកាសបង់ពន្ធ ប្រកបដោយតម្លាភាពនិងសមធម៌។ នេះជាការបញ្ជាក់នៅក្នុងអនុក្រឹត្យ។
អនុក្រឹត្យដដែលនេះ ឲ្យដឹងទៀតថា សហគ្រាសដែលបានចុះបញ្ជីជាអ្នកជាប់ពន្ធតូច និងសហគ្រាសដែលបានចុះបញ្ជីជាអ្នកជាប់ពន្ធមធ្យមត្រូវដាក់លិខិតប្រកាសពន្ធលើប្រាក់ចំណូលប្រចាំឆ្នាំទៅតាមកាលកំណត់របស់រដ្ឋបាលសារពើពន្ធ ទោះបីជាត្រូវបានលើកលែងពន្ធលើប្រាក់ចំណូលដូចបានរៀបរាប់ខាងលើក្ដី និងត្រូវដាក់លិខិតប្រកាសបង់ពន្ធអាករដទៃទៀតតាមច្បាប់ពន្ធដារ។
សហគ្រាសធុនតួច ត្រូវបានឲ្យនិយមន័យនៅក្នុងអនុក្រឹត្យថា«សំដៅដល់សហគ្រាសអាជីវកម្មគ្រប់ប្រភេទ ដែលមានផលរបរប្រចាំឆ្នាំចាប់ពី ២៥០លានរៀល ដល់ ៧០០លានរៀល ឬសហគ្រាសដទៃទៀត ដែលជាកម្មវត្ថុនៃការចុះបញ្ជីពន្ធដារជាអ្នកជាប់ពន្ធតូចស្របតាមច្បាប់ពន្ធដារ»។ រីឯសហគ្រាសធុនមធ្យម គឺជាសហគ្រាសអាជីវកម្មគ្រប់ប្រភេទ ដែលមានផលរបរប្រចាំឆ្នាំលើសពី ៧០០លានរៀល ដល់ ២០០០លានរៀល ឬសហគ្រាសដទៃទៀតដែលជាកម្មវត្ថុចុះបញ្ជីពន្ធដារ ជាអ្នកជាប់ពន្ធមធ្យមតាមច្បាប់ពន្ធដារ៕
Tag:
ពន្ធ
SME
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
