កីឡាជាតិ
ជាតិ
មឿន សុខហ៊ុច ត្រៀមដណ្តើមខ្សែក្រវាត់មាសតម្លៃជិត៣ម៉ឺនដុល្លារនៅថៃ
×![]()
អ្នកលេងគុនខ្មែរ មឿន សុខហ៊ុច ម្ចាស់ខ្សែក្រវាត់កម្រិតប្រាក់ប្រចាំព្រឹត្តិការណ៍ Max Muay Thai កាលពីខែសីហា ឆ្នាំ២០១៦ ត្រៀមប្រកួតប្រជែងដណ្តើមខ្សែក្រវាត់កម្រិតមាសតម្លៃជិត៣ម៉ឹនដុល្លារនៅថ្ងៃនេះ។ អ្នកលេងគុនខ្មែររូបនេះ ត្រូវប្រជែងជាមួយកីឡាករជើងខ្លាំង៣រូបដែលមានខ្សែក្រវាត់កម្រិតប្រាក់ដូចគ្នា។
នៅថ្ងៃទី២៦ ខែកុម្ភៈ នេះ អ្នកលេងគុនខ្មែរ មឿន សុខហ៊ុច ត្រូវប៉ះជើងខ្លាំង៣រូបក្នុងព្រឹត្តិការណ៍ Max Muay Thai World Championship 2016 ក្នុងវគ្គផ្តាច់ព្រ័ត្រ ដើម្បីដណ្តើមខ្សែក្រវាត់មាសដែលមានតម្លៃជិត៣ម៉ឹនដុល្លារ(១លានបាត)។ ម្ចាស់ខ្សែក្រវាត់កម្រិតប្រាក់ Muay Thai របស់កម្ពុជារូបនេះត្រូវតទល់ជាមួយកីឡាករដែលមានខ្សែក្រវាត់កម្រិតប្រាក់ដូចគ្នាក្នុងប្រភេទទម្ងន់៦៥គីឡូក្រាម។
គូប្រជែងទាំង៣រូបរបស់អ្នកលេងគុនខ្មែរ មឿន សុខហ៊ុច រួមមានកីឡាករ Fabrice Delannon មកពីប្រទេស Guiana ដែលធ្លាប់ឆ្លងកាត់ការប្រកួត Muay Thai ចំនួន១០ដងឈ្នះ៦ និងចាញ់៤ដង។ កីឡាករជនជាតិបារាំង Guillaume Pascal មានប្រវត្តិប្រកួត១៥ដងនៅ Muay Thia ដោយឈ្នះ១២ដង និងចាញ់៣ដង និងកីឡាករ Kurtis Stait មកពីអូស្ត្រាលី។ ការប្រកួតដណ្តើមខ្សែក្រវ៉ាត់មាសតាមរូបមន្តម៉ារ៉ាតុននេះនឹងប្រព្រឹត្តទៅនៅលើសង្វៀនផាត់តាយ៉ាប្រទេសថៃ។
គួរបញ្ជាក់ថា កីឡាករ មឿន សុខហ៊ុច ដណ្តើមបានខ្សែក្រវាត់ Muay Thai កម្រិតប្រាក់ និងប្រាក់រង្វាន់លើកទឹកចិត្ត២០ម៉ឺនបាត(ជាង៥ពាន់ដុល្លារ)ក្នុងវគ្គទី១លើប្រភេទទម្ងន់៦៥គីឡូក្រាមកាលពីថ្ងៃទី២៨ ខែសីហា ឆ្នាំ២០១៦។ ក្រោយកីឡាកររូបនេះ ត្រូវបានអាជ្ញាកណ្តាលកាត់ក្តីឲ្យឈ្នះកីឡាករស៊ុយអែត Ammon Decker ដោយពិន្ទុ។
ចំណែកកីឡាកររបស់បារាំង Guillaume Pascal ដណ្តើមបានក្នុងវគ្គទី២នៅថ្ងៃទី២៥ ខែកញ្ញា ឆ្នាំ២០១៦ រីឯកីឡាករ Kurtis Stait របស់អូស្ត្រាលីដណ្តើមបាននៅថ្ងៃទី១១ ខែធ្នូ ឆ្នាំ២០១៦ និងកីឡាករ Fabrice Delannon ជនជាតិ Guiana ដណ្តើមបានកាលពីថ្ងៃទី៨ ខែមករា ឆ្នាំ២០១៧៕
នៅថ្ងៃទី២៦ ខែកុម្ភៈ នេះ អ្នកលេងគុនខ្មែរ មឿន សុខហ៊ុច ត្រូវប៉ះជើងខ្លាំង៣រូបក្នុងព្រឹត្តិការណ៍ Max Muay Thai World Championship 2016 ក្នុងវគ្គផ្តាច់ព្រ័ត្រ ដើម្បីដណ្តើមខ្សែក្រវាត់មាសដែលមានតម្លៃជិត៣ម៉ឹនដុល្លារ(១លានបាត)។ ម្ចាស់ខ្សែក្រវាត់កម្រិតប្រាក់ Muay Thai របស់កម្ពុជារូបនេះត្រូវតទល់ជាមួយកីឡាករដែលមានខ្សែក្រវាត់កម្រិតប្រាក់ដូចគ្នាក្នុងប្រភេទទម្ងន់៦៥គីឡូក្រាម។
គូប្រជែងទាំង៣រូបរបស់អ្នកលេងគុនខ្មែរ មឿន សុខហ៊ុច រួមមានកីឡាករ Fabrice Delannon មកពីប្រទេស Guiana ដែលធ្លាប់ឆ្លងកាត់ការប្រកួត Muay Thai ចំនួន១០ដងឈ្នះ៦ និងចាញ់៤ដង។ កីឡាករជនជាតិបារាំង Guillaume Pascal មានប្រវត្តិប្រកួត១៥ដងនៅ Muay Thia ដោយឈ្នះ១២ដង និងចាញ់៣ដង និងកីឡាករ Kurtis Stait មកពីអូស្ត្រាលី។ ការប្រកួតដណ្តើមខ្សែក្រវ៉ាត់មាសតាមរូបមន្តម៉ារ៉ាតុននេះនឹងប្រព្រឹត្តទៅនៅលើសង្វៀនផាត់តាយ៉ាប្រទេសថៃ។
គួរបញ្ជាក់ថា កីឡាករ មឿន សុខហ៊ុច ដណ្តើមបានខ្សែក្រវាត់ Muay Thai កម្រិតប្រាក់ និងប្រាក់រង្វាន់លើកទឹកចិត្ត២០ម៉ឺនបាត(ជាង៥ពាន់ដុល្លារ)ក្នុងវគ្គទី១លើប្រភេទទម្ងន់៦៥គីឡូក្រាមកាលពីថ្ងៃទី២៨ ខែសីហា ឆ្នាំ២០១៦។ ក្រោយកីឡាកររូបនេះ ត្រូវបានអាជ្ញាកណ្តាលកាត់ក្តីឲ្យឈ្នះកីឡាករស៊ុយអែត Ammon Decker ដោយពិន្ទុ។
ចំណែកកីឡាកររបស់បារាំង Guillaume Pascal ដណ្តើមបានក្នុងវគ្គទី២នៅថ្ងៃទី២៥ ខែកញ្ញា ឆ្នាំ២០១៦ រីឯកីឡាករ Kurtis Stait របស់អូស្ត្រាលីដណ្តើមបាននៅថ្ងៃទី១១ ខែធ្នូ ឆ្នាំ២០១៦ និងកីឡាករ Fabrice Delannon ជនជាតិ Guiana ដណ្តើមបានកាលពីថ្ងៃទី៨ ខែមករា ឆ្នាំ២០១៧៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
