ពីនេះ ពីនោះ
ព័ត៍មានសុខភាព
ចង់ក្មេងបានយូរ យកល្អគួរតែកុំមើលរំលងអាហារទាំងនេះឲ្យសោះ
× របបអាហារមានទំនាក់ទំនងដោយផ្តាល់ទៅនឹងរូបរាងប្រចាំថ្ងៃរបស់អ្នក។ វាដើរតួនាទីសំខាន់ណាស់ក្នុងការកំណត់ឲ្យដឹងអំពីអាយុរបស់អ្នកតាមរយៈការមើលទឹកមុខ។ ដូច្នេះចូរធ្វើយ៉ាងណាឲ្យមានការបង្កើនគុណភាពសម្រស់បន្តិចទៅតាមរយៈការញ៉ាំអាហារដែលត្រឹមត្រូវដូចខាងក្រោមនេះ៖
កាហ្វេ
កាហ្វេជួយបង្រួម និងភ្ញោចដល់សរសៃឈាមដើម្បីផ្តល់ឲ្យស្បែកមើលទៅកាន់តែស្រស់ស្អាត។ ដូច្នេះអ្នកអាចញ៉ាំកាហ្វេបានមុនពេលធ្វើអ្វីផ្សេងនៅពេលព្រឹក។
ត្រសក់
បច្ចុប្បន្ននេះ ត្រសក់ត្រូវបានគេប្រើប្រាស់សម្រាប់ប្រឆាំងនឹងភាពចាស់។ ចំពោះសម្បកររបស់វាវិញផ្ទុកទៅដោយសារធាតុ Silica ដែលអាចបង្កើនល្បឿននៃការជួសជុលសាច់ដុំ និងបង្កើនចំនួនកូឡាជែនក្នុងកោសិកាស្បែកដើម្បីបង្កើនភាពស្រស់ស្អាតរបស់ស្បែក និងសុខភាពល្អ។
ផ្លែប័រ
មាតាផ្តល់សំណើមតាមបែបធម្មជាតិគឺគ្មានអ្វីក្រៅពីផ្លែប័រទៀតទេ។ ផ្លែប័រក៏ផ្ទុកទៅដោយវីតាមីន E និងខ្លាញ់សំខាន់ៗសម្រាប់ជួយបំបាត់ភាពស្ងួត និងភាពចាស់របស់ស្បែកដែរ។ ក្រៅពីនេះ វាក៏មានអង់ទីអុកស៊ីដង់មួយឈ្មោះថា Glutathione ដែលបង្ការកុំឲ្យកោសិកាមានការខូចខាត
ម្ទេសប្លោក
ម្ទេសប្លោកជាពិសេស ពណ៌ក្រហម លឿង និងទឹកក្រូចពោរពេញទៅដោយអង់ទីអុកស៊ីដង់ ដែលអាចបង្កើនមុខងារប្រព័ន្ធភាពស៊ាំ និងជំរុញដល់ស្បែកប្រឆាំងការខូចខាតដោយសារព្រះអាទិត្យ។
ផ្លែបឺរី
ផ្លែឈើប្រភេទនេះមានប្រយោជន៍ចំពោះសុខភាពច្រើន ដោយសារតែសម្បូរអង់ទីអុកស៊ីដង់ ជាពិសេសពពួកផ្លែឈើដែលមានពណ៌ចាស់ខ្លាំង។ ផ្លែបឺរីពោរពេញទៅដោយវីតាមីន C ដែលជាគន្លឹះដ៏សំខាន់នាំឲ្យមានសុខភាពល្អ និងស្បែកក្មេងជាងវ័យ។
ប្រូខូលី
បន្លែប្រភេទនេះផ្ទុកទៅដោយសារធាតុ Phytonutrients ដែលជួយកាត់បន្ថយការរលាក ដែលអាចធ្វើឲ្យរាងកាយមើលទៅកាន់តែនៅក្មេងជាងវ័យថែមទៀត។
ដំឡូងជ្វា
មិនមែនមានតែដំឡូងជ្វាទេដែលមានកម្រិតអង់ទីអុកស៊ីដង់ប្រឆាំងភាពចាស់ខ្ពស់ទេ តែក៏សម្បូរទៅដោយវីតាមីន A, C និង E ដែលជួយថែរក្សាសក់ឲ្យមានសុខភាពល្អ និងស្បែកភ្លឺថ្លាដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com