អន្តរជាតិ
បក្សប្រឆាំងកូរ៉េខាងត្បូង ចង់ទម្លាក់ប្រធានាធិបតីស្ដីទី ព្រោះកាន់ជើងលោកស្រី ប៉ាក ហ្គឺនហេ
ក្រុមបក្សប្រឆាំងកូរ៉េខាងត្បូង ចង់បោះឆ្នោតទម្លាក់លោក Hwang Kyo-ahn ពីតំណែងប្រធានាធិបតីស្ដីទី (រូបថត Xinhua)
×![]()
ដោយ: តន ចាន់រិទ្ធារ៉ា
ក្រុមគណបក្សប្រឆាំងមាននិន្នាការសេរីនិយមនៅកូរ៉េខាងត្បូង និយាយនៅថ្ងៃទី២៧ ខែកុម្ភៈ ថា ពួកគេនឹងជំរុញឲ្យមានការបោះឆ្នោតទម្លាក់លោក Hwang Kyo-ahn ពីតំណែងប្រធានាធិបតីស្ដីទី ព្រោះលោកបដិសេធពង្រីកវិសាលភាពនៃការស៊ើបអង្កេតឯករាជ្យក្នុងករណីពុករលួយ ដែលពាក់ព័ន្ធលោកស្រី ប៉ាក ហ្គឺនហេ ។ ក្រុមប្រឆាំង បានហៅការសម្រេចចិត្តនេះ ជារឿងដ៏អាក្រក់ តែលោក Hwang Kyo-ahn ពន្យល់មូលហេតុថា ក្រុមអ្នកស៊ើបអង្កេត បានបំពេញការងាររបស់ខ្លួនរូចរាល់ហើយ។
គណបក្សប្រជាធិបតេយ្យ ដែលជាបក្សប្រឆាំងដ៏ធំរបស់កូរ៉េខាងត្បូង និយាយថា ខ្លួននឹងស្វែងរកការទម្លាក់នាយករដ្ឋមន្ត្រី Hwang Kyo-ahn ពីប្រធានាធិបតីស្ដីទី ដោយមានការសហការជាមួយគណបក្សប្រឆាំង៣ទៀត។ បន្ថែមពីនោះ គណបក្សប្រជាជន ក៏នឹងរុញផែនការទម្លាក់តំណែងនេះដែរ ក្រោយកិច្ចពិភាក្សារវាងសមាជិកសភាបក្សរបស់ខ្លួនមកនោះ។
ក្រុមប្រឆាំងកូរ៉េខាងត្បូង ខឹងសម្បារយ៉ាងខ្លាំង ក្រោយប្រធានាធិបតីស្ដីទី Hwang Kyo-ahn សម្រេចចិត្តមិនបន្តការស៊ើបអង្កេតសំណុំរឿងពុករលួយរបស់លោកស្រី ប៉ាក ហ្គឺនហេ ។ លោក Hong Kwon-heui អ្នកនាំពាក្យលោក Hwang Kyo-ahn បញ្ជាក់ថា លោកប្រធានាធិបតីស្ដីទីបដិសេធការពង្រីកការស៊ើបអង្កេត ព្រោះក្រុមរដ្ឋអាជ្ញាពិសេស បានធ្វើការងារបស់ខ្លួនរួចរាល់ ហើយវាទាក់ទងផលប្រយោជន៍ប្រទេសជាតិ ដែលការស៊ើបអង្កេតត្រូវបញ្ចប់ត្រឹមនេះ។
ទីភ្នាក់ងារព័ត៌មាន Yonhap ផ្សាយថា ថ្នាក់ដឹកនាំគណបក្សទាំង៤មានសំឡេងនៅសភា នឹងជួបពិភាក្សាគ្នាពីជំហានបន្ទាប់ពាក់ព័ន្ធរឿងបោះឆ្នោតទម្លាក់លោក Hwang Kyo-ahn ។ សមាជិកសភាបក្សប្រឆាំងមិនពេញចិត្តការសម្រេចចិត្តរបស់លោក Hwang ដែលបិទបញ្ចប់ការស៊ើបអង្កេតត្រឹមនេះ។ ពួកគេចាត់ទុកទង្វើរបស់លោកប្រធានាធិបតីស្ដីទីរូបនេះ ជារឿងអាក្រក់បំផុតក្នុងប្រវត្តិសាស្ត្រ ដែលជាការប្រឆាំងនីតិរដ្ឋ គ្រាន់តែដើម្បីការពារលោកស្រី ប៉ាក ហ្គឺនហេ ។
សំណុំរឿងពុករលួយ ដែលឈានដល់ការបោះឆ្នោតទម្លាក់តំណែងលោកស្រី ប៉ាក ហ្គឺនហេ បានផ្ទុះចេញកាលពីឆ្នាំមុន។ លោកស្រី ប៉ាក ត្រូវបានចោទប្រកាន់ថាបានជាប់ពាក់ព័ន្ធជាមួយមិត្តជិតស្និទ្ធ Choi Soon-sil ដើម្បីដាក់សម្ពាធលើក្រុមហ៊ុនធំៗឲ្យបង់ប្រាក់ចូលហោប៉ៅផ្ទាល់ខ្លួន។ លោកស្រី ក៏បានបណ្ដែតបណ្ដោយឲ្យមិត្តភក្តិចូលលាន់កិច្ចការរដ្ឋទៀតផង។ ពេលនេះតុលាការធម្មនុញ្ញ កំពុងដំណើរការក្ដីសម្រេចថា ការទម្លាក់តំណែងលោកស្រី ប៉ាក ហ្គឺនហេ មានសុពលភាពឬយ៉ាងណា។
ក្រោយការទម្លាក់លោកស្រី ប៉ាក លោក Hwang Kyo-ahn ដែលជានាយករដ្ឋមន្ត្រី ក៏ក្លាយជាប្រធានាធិបតីស្ដីទីតែម្ដង និងបានដឹកនាំការងារជំនួសលោកស្រី ប៉ាក អំឡុងពេលសវនាការនេះ។ ដោយសារធ្លាប់នៅក្រោមការដឹកនាំរបស់លោកស្រី ប៉ាក ក្រុមប្រឆាំងក៏ចោទលោក Hwang Kyo-ahn ថាជួយការពារអតីតមេកើយរបស់ខ្លួន។ រឿងរ៉ាវនេះ ក៏រាលដាលដល់ការចាប់ខ្លួននាយកក្រុមហ៊ុន Samsung ទៀតផង៕
គណបក្សប្រជាធិបតេយ្យ ដែលជាបក្សប្រឆាំងដ៏ធំរបស់កូរ៉េខាងត្បូង និយាយថា ខ្លួននឹងស្វែងរកការទម្លាក់នាយករដ្ឋមន្ត្រី Hwang Kyo-ahn ពីប្រធានាធិបតីស្ដីទី ដោយមានការសហការជាមួយគណបក្សប្រឆាំង៣ទៀត។ បន្ថែមពីនោះ គណបក្សប្រជាជន ក៏នឹងរុញផែនការទម្លាក់តំណែងនេះដែរ ក្រោយកិច្ចពិភាក្សារវាងសមាជិកសភាបក្សរបស់ខ្លួនមកនោះ។
ក្រុមប្រឆាំងកូរ៉េខាងត្បូង ខឹងសម្បារយ៉ាងខ្លាំង ក្រោយប្រធានាធិបតីស្ដីទី Hwang Kyo-ahn សម្រេចចិត្តមិនបន្តការស៊ើបអង្កេតសំណុំរឿងពុករលួយរបស់លោកស្រី ប៉ាក ហ្គឺនហេ ។ លោក Hong Kwon-heui អ្នកនាំពាក្យលោក Hwang Kyo-ahn បញ្ជាក់ថា លោកប្រធានាធិបតីស្ដីទីបដិសេធការពង្រីកការស៊ើបអង្កេត ព្រោះក្រុមរដ្ឋអាជ្ញាពិសេស បានធ្វើការងារបស់ខ្លួនរួចរាល់ ហើយវាទាក់ទងផលប្រយោជន៍ប្រទេសជាតិ ដែលការស៊ើបអង្កេតត្រូវបញ្ចប់ត្រឹមនេះ។
ទីភ្នាក់ងារព័ត៌មាន Yonhap ផ្សាយថា ថ្នាក់ដឹកនាំគណបក្សទាំង៤មានសំឡេងនៅសភា នឹងជួបពិភាក្សាគ្នាពីជំហានបន្ទាប់ពាក់ព័ន្ធរឿងបោះឆ្នោតទម្លាក់លោក Hwang Kyo-ahn ។ សមាជិកសភាបក្សប្រឆាំងមិនពេញចិត្តការសម្រេចចិត្តរបស់លោក Hwang ដែលបិទបញ្ចប់ការស៊ើបអង្កេតត្រឹមនេះ។ ពួកគេចាត់ទុកទង្វើរបស់លោកប្រធានាធិបតីស្ដីទីរូបនេះ ជារឿងអាក្រក់បំផុតក្នុងប្រវត្តិសាស្ត្រ ដែលជាការប្រឆាំងនីតិរដ្ឋ គ្រាន់តែដើម្បីការពារលោកស្រី ប៉ាក ហ្គឺនហេ ។
សំណុំរឿងពុករលួយ ដែលឈានដល់ការបោះឆ្នោតទម្លាក់តំណែងលោកស្រី ប៉ាក ហ្គឺនហេ បានផ្ទុះចេញកាលពីឆ្នាំមុន។ លោកស្រី ប៉ាក ត្រូវបានចោទប្រកាន់ថាបានជាប់ពាក់ព័ន្ធជាមួយមិត្តជិតស្និទ្ធ Choi Soon-sil ដើម្បីដាក់សម្ពាធលើក្រុមហ៊ុនធំៗឲ្យបង់ប្រាក់ចូលហោប៉ៅផ្ទាល់ខ្លួន។ លោកស្រី ក៏បានបណ្ដែតបណ្ដោយឲ្យមិត្តភក្តិចូលលាន់កិច្ចការរដ្ឋទៀតផង។ ពេលនេះតុលាការធម្មនុញ្ញ កំពុងដំណើរការក្ដីសម្រេចថា ការទម្លាក់តំណែងលោកស្រី ប៉ាក ហ្គឺនហេ មានសុពលភាពឬយ៉ាងណា។
ក្រោយការទម្លាក់លោកស្រី ប៉ាក លោក Hwang Kyo-ahn ដែលជានាយករដ្ឋមន្ត្រី ក៏ក្លាយជាប្រធានាធិបតីស្ដីទីតែម្ដង និងបានដឹកនាំការងារជំនួសលោកស្រី ប៉ាក អំឡុងពេលសវនាការនេះ។ ដោយសារធ្លាប់នៅក្រោមការដឹកនាំរបស់លោកស្រី ប៉ាក ក្រុមប្រឆាំងក៏ចោទលោក Hwang Kyo-ahn ថាជួយការពារអតីតមេកើយរបស់ខ្លួន។ រឿងរ៉ាវនេះ ក៏រាលដាលដល់ការចាប់ខ្លួននាយកក្រុមហ៊ុន Samsung ទៀតផង៕
Tag:
កូរ៉េខាងជើង
Park Geun-hye
Hwang Kyo-ahn
© រក្សាសិទ្ធិដោយ thmeythmey.com
