រថយន្ត
អន្តរជាតិ
×![]()
ដោយ: ធីតា
ក្រុមហ៊ុនផលិតរថយន្ត Pal-V របស់ហូឡង់ បានផ្សព្វផ្សាយពីគម្រោងផលិតរថយន្តពីរម៉ូឌែលដែលអាចហោះបាន ខណៈបច្ចុប្បន្នពួកគេកំពុងសិក្សាបច្ចេកទេសផ្សេងៗ ទាក់ទងនឹងការបញ្ជាការបើកបរទាំងលើផ្លូវថ្នល់ និងអាកាស។
រថយន្តហោះ Liberty Pioneer និង Liberty Sport ដែលផលិតដោយក្រុមហ៊ុន Pal-V របស់ហូឡង់ នឹងចេញជារូបរាងពិតប្រាកដ ហើយដាក់ដំណើរការជាផ្លូវការនៅចុងឆ្នាំ២០១៨។ នេះបើតាមការប្រកាសរបស់ក្រុមហ៊ុន ដើម្បីជម្រះមន្ទិលដែលថា រថយន្តបែបនេះ មានតែក្នុងភាពយន្ត។
សារព័ត៌មានបារាំង France 3 បានរាយការណ៍បន្ថែមថា រថយន្តហោះនេះ មានកង់៣ និងមានទំហំដូចឧទ្ធម្ភាគចក្រដែលមានកម្លាំងអនុភាព២០០សេស។ រថយន្តទាំងនេះ អាចបើកបរបាននៅលើផ្លូវថ្នល់ និងអាចហោះហើរបាននៅលើអាកាសដូចជាឧទ្ធម្ភាគចក្រផងដែរ។
សូមទស្សនាវីដេអូ៖
បើតាមសារព័ត៌មានដដែល រថយន្តហោះ Liberty Pioneer និង Liberty Sport អាចផ្ទុកមនុស្សបាន២នាក់ និងឥវ៉ាន់២០គីឡូក្រម។ វាអាចបើកបរក្នុងល្បឿន១៦០គីឡូម៉ែត្រក្នុង១ម៉ោង និងហោះហើរក្នុងកម្ពស់៣,៥គីឡូម៉ែត្រ។
ទោះបីជាយ៉ាងណាក៏ដោយ ការបង្ហាញវត្តមានរថយន្តហោះដំបូងនេះ ត្រូវជួបបញ្ហាជាច្រើន ដូចជាចំណេះដឹងនៃការបើកបរ ទីតាំងចំណត បញ្ហាសុវត្ថិភាពផ្សេងៗ រួមទាំងលក្ខខណ្ឌដែលត្រូវទទួលបណ្ណបើកបរផងដែរ។
តាមគម្រោង រថយន្តហោះម៉ាក Liberty Pioneer អាចមានតម្លៃ៤៩៩ ០០០អឺរ៉ូ (ជាង៥២ម៉ឺនដុល្លារអាមេរិក) និងរថយន្តហោះ Liberty Sport មានតម្លៃប្រមាណ ២៩៩ ០០០អឺរ៉ូ (ជាង៣១ម៉ឺនដុល្លារអាមេរិក)។ ការផលិតចាប់ដំណើរការនៅឆ្នាំ២០១៧នេះ ហើយប្រសិនបើគ្មានអ្វីរាំងស្ទះទេនោះ វានឹងលេចចេញជារូបរាងផ្លូវការនៅចុងឆ្នាំ២០១៨ ៕
សូមទស្សនាវីដេអូ៖
រថយន្តហោះ Liberty Pioneer និង Liberty Sport ដែលផលិតដោយក្រុមហ៊ុន Pal-V របស់ហូឡង់ នឹងចេញជារូបរាងពិតប្រាកដ ហើយដាក់ដំណើរការជាផ្លូវការនៅចុងឆ្នាំ២០១៨។ នេះបើតាមការប្រកាសរបស់ក្រុមហ៊ុន ដើម្បីជម្រះមន្ទិលដែលថា រថយន្តបែបនេះ មានតែក្នុងភាពយន្ត។
សារព័ត៌មានបារាំង France 3 បានរាយការណ៍បន្ថែមថា រថយន្តហោះនេះ មានកង់៣ និងមានទំហំដូចឧទ្ធម្ភាគចក្រដែលមានកម្លាំងអនុភាព២០០សេស។ រថយន្តទាំងនេះ អាចបើកបរបាននៅលើផ្លូវថ្នល់ និងអាចហោះហើរបាននៅលើអាកាសដូចជាឧទ្ធម្ភាគចក្រផងដែរ។
សូមទស្សនាវីដេអូ៖
បើតាមសារព័ត៌មានដដែល រថយន្តហោះ Liberty Pioneer និង Liberty Sport អាចផ្ទុកមនុស្សបាន២នាក់ និងឥវ៉ាន់២០គីឡូក្រម។ វាអាចបើកបរក្នុងល្បឿន១៦០គីឡូម៉ែត្រក្នុង១ម៉ោង និងហោះហើរក្នុងកម្ពស់៣,៥គីឡូម៉ែត្រ។
ទោះបីជាយ៉ាងណាក៏ដោយ ការបង្ហាញវត្តមានរថយន្តហោះដំបូងនេះ ត្រូវជួបបញ្ហាជាច្រើន ដូចជាចំណេះដឹងនៃការបើកបរ ទីតាំងចំណត បញ្ហាសុវត្ថិភាពផ្សេងៗ រួមទាំងលក្ខខណ្ឌដែលត្រូវទទួលបណ្ណបើកបរផងដែរ។
តាមគម្រោង រថយន្តហោះម៉ាក Liberty Pioneer អាចមានតម្លៃ៤៩៩ ០០០អឺរ៉ូ (ជាង៥២ម៉ឺនដុល្លារអាមេរិក) និងរថយន្តហោះ Liberty Sport មានតម្លៃប្រមាណ ២៩៩ ០០០អឺរ៉ូ (ជាង៣១ម៉ឺនដុល្លារអាមេរិក)។ ការផលិតចាប់ដំណើរការនៅឆ្នាំ២០១៧នេះ ហើយប្រសិនបើគ្មានអ្វីរាំងស្ទះទេនោះ វានឹងលេចចេញជារូបរាងផ្លូវការនៅចុងឆ្នាំ២០១៨ ៕
សូមទស្សនាវីដេអូ៖
Tag:
បច្ចេកវិទ្យា
រថយន្តហោះ
© រក្សាសិទ្ធិដោយ thmeythmey.com
