ជាតិ
សង្គមជាតិ
លោក កែ គឹមយ៉ាន ថា អ្នកទោសគ្រឿងញៀនជាប់គុកតែឈ្មោះ តែមនុស្សនៅខាងក្រៅរកស៊ីកាន់តែធំ
× ភ្នំពេញ៖ ប្រធានអាជ្ញាធរជាតិប្រយុទ្ធប្រឆាំងគ្រឿងញៀន លោក កែ គឹមយ៉ាន បានលើកឡើងថា ច្បាប់ស្ដីពី គ្រឿងញៀននៅកម្ពុជា មានការចែងដាក់ទោសធ្ងន់ធ្ងរណាស់ សម្រាប់អ្នកប្រព្រឹត្តបទឧក្រិដ្ឋជួញដូរគ្រឿងញៀន ប៉ុន្តែបែជាអ្នកអនុវត្តច្បាប់កាត់ទោសជនឧក្រិដ្ឋទាំងនោះ បែបធូរលុងទៅវិញ។ លោក កែ គឹមយ៉ាន់ ក៏មិនបានវាយតម្លៃអ្វីច្រើនទៅលើអ្នកកាន់ច្បាប់ទាំងនោះដែរ។ ប៉ុន្តែអ្វីដែលលោកត់សម្គាល់ ឃើញនោះគឺថា ការអនុវត្តច្បាប់ធូរលុងនេះ ទើបបណ្ដាឲ្យឈ្មួញជួញដូរគ្រឿងញៀនធំៗ ដែលមានទ្រព្យសម្បត្តិមួយចំនួន បានមានតែឈ្មោះជាប់ពន្ធនាគារ តែមនុស្សវិញរស់នៅក្រៅពន្ធនាគារ ហើយរកស៊ីជួញដូរគ្រឿងញៀនកាន់តែធំជាងមុនទៀត។ ប្រធានអាជ្ញាធរជាតិប្រយុទ្ធប្រឆាំងគ្រឿងញៀនរូបនេះ បានសង្កត់ធ្ងន់ដូច្នេះថា៖« អ្នកទោសមួយចំនួន កាត់ទោសហើយយកដាក់គុក ប៉ុន្ដែដាក់គុកតែឈ្មោះទេ មនុស្សនៅខាងក្រៅរកស៊ី កាន់តែមានចាប់ម្ដងទៀត កាន់តែធំបន្ថែមទៀត»។
សូមស្ដាប់ការលើកឡើងរបស់លោក កែ គឹមយ៉ាន់ នៅក្នុងពិធីប្រជុំផ្សព្វផ្សាយ ផែនការសកម្មភាព នៃយុទ្ធនាការប្រឆាំងគ្រឿងញៀន កាលពីថ្ងៃទី៧ ខែមីនា ឆ្នាំ២០១៧៖
ចាប់ពីថ្ងៃទី១ ខែមករា រហូតដល់ថ្ងៃទី៦ ខែមីនា ឆ្នាំ២០១៧ កម្លាំងសមត្ថកិច្ចចម្រុះ បានអនុវត្តន៍នូវយុទ្ធនាការ ប្រយុទ្ធប្រឆាំងគ្រឿងញៀន ដោយបានបង្ក្រាបបទល្មើស ជួញដូរចែកចាយ និងប្រើប្រាស់គ្រឿងញៀន បានចំនួន ២២១១ករណី ឃាត់ខ្លួនជនសង្ស័យបាន ៥១៤១នាក់ (ស្រី ៥១៤នាក់) ។ ក្នុងនោះដកហូតវត្ថុតាង សារធាតុញៀនបានជាង ១៧គីឡូក្រាម ថ្នាំកញ្ចប់ ២៨៨៤កញ្ចប់តូច និង១១ធំ កញ្ឆាក្រៀមជាង ៧គីឡូក្រាម និងកញ្ឆាដើម ៩៧៥៦០ដើម ។ នេះបើតាមរបាយការណ៍អាជ្ញាធរជាតិប្រយុទ្ធប្រឆាំងគ្រឿងញៀន៕
Tag:
កែ គឹមយ៉ាន
គ្រឿងញៀន
© រក្សាសិទ្ធិដោយ thmeythmey.com