ជាតិ
រឿង«ស្ពាននិស្ស័យ» រួមជាមួយស្នាដៃ២ទៀតរបស់ហ្វីលីពីន និងជប៉ុន ឆ្លុះបញ្ចាំងពីជីវិតរស់នៅក្នុងអាស៊ី
លោក Masaya Kato និងកញ្ញា ជុំវណ្ណ សូដាជីវី តួអង្គឯកក្នុងរឿង ស្ពាននិស្ស័យ។ រូបថត Capture Hanuman Films
×![]()
ស៊េរីភាពយន្តខ្លី Asian Three-Fold Mirror 2016: Reflections ដែលមានរឿងចំនួន៣ ក្រោមកិច្ចសហការផលិតរបស់សមិទ្ធករកម្ពុជា ហ្វីលីពីន និងជប៉ុន ត្រូវបានចាក់បញ្ចាំងក្នុងមហោស្រពភាពយន្តអន្តរជាតិកម្ពុជា នារាត្រីថ្ងៃទី៨ ខែមីនា នៅសាលសន្និសីទចតុមុខ។ នេះជាស៊េរីភាពយន្តខ្លីលើកដំបូងបំផុតដែលសហការផលិតដោយ The Japan Foundation Asia Center និង Tokyo International Film Festival ។
«ស្ពាននិស្ស័យ» (Beyond the Bridge) របស់អ្នកស្រី សុទ្ធោ គុល្លិការ ស្ថិតក្នុងស៊េរីភាពយន្តខ្លីចំនួន៣ ដែលឆ្លុះបញ្ចាំងពីប្រវត្តិសាស្ត្រ និងវប្បធម៌ (Asian Three-Fold Mirror 2016: Reflections) ដោយរឿងនេះភ្ជាប់ជាមួយភាពយន្តពីផ្សេងទៀត គឺ រឿង«សេះងាប់របស់ស៊ីនុម៉ា» (Shiniuma Dead Horse) របស់សមិទ្ធករហ្វីលីពីន Brillante Ma Mendoza និង រឿង «សត្វព្រាប» (Pigeon) របស់សមិទ្ធករជប៉ុន Isao Yukisada។
ក្រោមប្រធានបទ «រស់នៅអាស៊ី» ភាពយន្តទាំងបីរឿង ពិពណ៌នាពីជីវិតរបស់តួអង្គដែលធ្វើដំណើរ និងរស់នៅបណ្តាប្រទេសអាស៊ី ក្នុងនោះមាន ជប៉ុន កម្ពុជា ហ្វីលីពីន និងម៉ាឡេស៊ី។ ខ្សែភាពយន្តស៊េរីនេះ មានរយៈពេលសរុប១១៨នាទី ហើយត្រូវបានចាក់បញ្ជាំងលើកដំបូងនៅក្នុងមហោស្រពភាពយន្តតូក្យូលើកទី២៩ ខែតុលា ឆ្នាំ២០១៦ កន្លងមក។
អ្នកស្រី សុទ្ធោ គុល្លិការ ដែលជាអ្នកដឹកនាំដ៏ល្បីឈ្មោះ និងជោគជ័យជាមួយនឹងរឿង «ដុំហ្វីល ចុងក្រោយ» បានចាត់ទុកស្នាដៃរឿង «ស្ពាននិស្ស័យ» របស់អ្នកស្រីថា ជាការលើកទឹកចិត្តដល់សមិទ្ធករវ័យក្មេងពង្រឹងការផលិតស្នាដៃដែលបង្ហាញពីទំនាក់ទំនងវប្បធម៌នៃប្រទេសនីមួយៗនៅតំបន់អាស៊ី។
«ស្ពាននិស្ស័យ» ដែលជាសាច់រឿងចុងក្រោយក្នុងស៊េរីភាពយន្ត Asian Three-Fold Mirror 2016: Reflections ឆ្លុះបញ្ចាំងពីស្នេហាស្មោះស្ម័គ្ររវាងបុរសជនជាតិជប៉ុន (សម្តែងដោយតារាភាពយន្ត Masaya Kato) និងនារីកម្ពុជាឈ្មោះ មាលា (សម្តែងដោយអ្នករបាំសហសម័យ កញ្ញា ជុំវណ្ណ សូដាជីវី)។
នៅឆ្នាំ១៩៩៤ តួអង្គប្រុសជនជាតិជប៉ុន បានឈរនៅលើស្ពានមិត្តភាពកម្ពុជាជប៉ុន (ស្ពានជ្រោយចង្វារ) ដើម្បីរំលឹកអនុស្សាវរីយ៍ស្នេហារបស់ខ្លួនជាមួយមាលា នាអំឡុងពេលរូបគេបានមកកម្ពុជាធ្វើការលើគម្រោងតភ្ជាប់ស្ពានដែលត្រូវបំផ្លាញដោយសង្គ្រាមកាលពីអំឡុងទសវត្សរ៍៦០។ គូស្នេហ៍ទាំងពីរបានរៀនស្វែងយល់វប្បធម៌គ្នាទៅវិញទៅមក ប៉ុន្តែពួកគេត្រូវបែកគ្នាដោយសារសង្គ្រាមដដែល ដោយតួអង្គប្រុសត្រូវវិលត្រឡប់ទៅជប៉ុនវិញ រីឯមាលា បាត់ដំណឹងសូន្យឈឹង។ នៅលើស្ពាន តួអង្គប្រុសបានបង្ហើរសំនៀង «ស្រឡាញ់អូនដល់ឆ្អឹង» ជាភាសាជប៉ុន ទៅតាមការសន្យាជាមួយអតីតសង្សារជាទីស្រឡាញ់។
ភាពយន្តពីររឿងទៀតរួមមាន រឿង«សេះងាប់របស់ស៊ីនុម៉ា» (Shiniuma Dead Horse) របស់សមិទ្ធករហ្វីលីពីន Brillante Ma Mendoza បង្ហាញពីជីវិតរបស់បុរសអន្តោប្រវេសន៍ខុសច្បាប់ជនជាតិហ្វីលីពីនម្នាក់ដែលទៅធ្វើការនៅប្រទេសជប៉ុន ហើយត្រូវបានបញ្ជូនឲ្យត្រឡប់ទៅស្រុកកំណើតខ្លួនវិញ។ រីឯ រឿង «សត្វព្រាប» (Pigeon) របស់សមិទ្ធករជប៉ុន Isao Yukisada បង្ហាញពីជីវិតរបស់អតីតយុទ្ធជនជប៉ុនម្នាក់ដែលវង្វេងវង្វាន់ និងរស់នៅរាប់សិបឆ្នាំក្នុងរដ្ឋ Penang ប្រទេសម៉ាឡេស៊ី ប៉ុន្តែជាអ្នកស្រឡាញ់សត្វព្រាប និងមានជំនឿយ៉ាងមុតមាំថា វាមិនក្បត់នឹងគាត់ឡើយ។
នាការចាក់បញ្ជាំងកាលពីល្ងាចថ្ងៃទី៨ ខែមីនា ឆ្នាំ២០១៧ នៅសាលមហោស្រពចតុមុខ Asian Three-Fold Mirror 2016: Reflections ទទួលបាននូវការកោតសរសើរយ៉ាងខ្លាំងពីសំណាក់អ្នកទស្សនា។ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន សម្តេច នរោត្តម សិរីវុឌ្ឍ សមាជិកឧត្តមក្រុមប្រឹក្សាព្រះមហាក្សត្រ និងឯកអគ្គរាជទូតជប៉ុន លោក ហ៊ីដេហ៊ីសា ហូរីណុអ៊ុជិ ក៏បានចូលរួមក្នុងពិធីចាក់រឿង ស៊េរីភាពយន្តខ្លី Asian Three-Fold Mirror 2016: Reflections នេះផងដែរ៕
សូមទស្សនាវីដេអូ Trailer៖
«ស្ពាននិស្ស័យ» (Beyond the Bridge) របស់អ្នកស្រី សុទ្ធោ គុល្លិការ ស្ថិតក្នុងស៊េរីភាពយន្តខ្លីចំនួន៣ ដែលឆ្លុះបញ្ចាំងពីប្រវត្តិសាស្ត្រ និងវប្បធម៌ (Asian Three-Fold Mirror 2016: Reflections) ដោយរឿងនេះភ្ជាប់ជាមួយភាពយន្តពីផ្សេងទៀត គឺ រឿង«សេះងាប់របស់ស៊ីនុម៉ា» (Shiniuma Dead Horse) របស់សមិទ្ធករហ្វីលីពីន Brillante Ma Mendoza និង រឿង «សត្វព្រាប» (Pigeon) របស់សមិទ្ធករជប៉ុន Isao Yukisada។
ក្រោមប្រធានបទ «រស់នៅអាស៊ី» ភាពយន្តទាំងបីរឿង ពិពណ៌នាពីជីវិតរបស់តួអង្គដែលធ្វើដំណើរ និងរស់នៅបណ្តាប្រទេសអាស៊ី ក្នុងនោះមាន ជប៉ុន កម្ពុជា ហ្វីលីពីន និងម៉ាឡេស៊ី។ ខ្សែភាពយន្តស៊េរីនេះ មានរយៈពេលសរុប១១៨នាទី ហើយត្រូវបានចាក់បញ្ជាំងលើកដំបូងនៅក្នុងមហោស្រពភាពយន្តតូក្យូលើកទី២៩ ខែតុលា ឆ្នាំ២០១៦ កន្លងមក។
អ្នកស្រី សុទ្ធោ គុល្លិការ ដែលជាអ្នកដឹកនាំដ៏ល្បីឈ្មោះ និងជោគជ័យជាមួយនឹងរឿង «ដុំហ្វីល ចុងក្រោយ» បានចាត់ទុកស្នាដៃរឿង «ស្ពាននិស្ស័យ» របស់អ្នកស្រីថា ជាការលើកទឹកចិត្តដល់សមិទ្ធករវ័យក្មេងពង្រឹងការផលិតស្នាដៃដែលបង្ហាញពីទំនាក់ទំនងវប្បធម៌នៃប្រទេសនីមួយៗនៅតំបន់អាស៊ី។
«ស្ពាននិស្ស័យ» ដែលជាសាច់រឿងចុងក្រោយក្នុងស៊េរីភាពយន្ត Asian Three-Fold Mirror 2016: Reflections ឆ្លុះបញ្ចាំងពីស្នេហាស្មោះស្ម័គ្ររវាងបុរសជនជាតិជប៉ុន (សម្តែងដោយតារាភាពយន្ត Masaya Kato) និងនារីកម្ពុជាឈ្មោះ មាលា (សម្តែងដោយអ្នករបាំសហសម័យ កញ្ញា ជុំវណ្ណ សូដាជីវី)។
នៅឆ្នាំ១៩៩៤ តួអង្គប្រុសជនជាតិជប៉ុន បានឈរនៅលើស្ពានមិត្តភាពកម្ពុជាជប៉ុន (ស្ពានជ្រោយចង្វារ) ដើម្បីរំលឹកអនុស្សាវរីយ៍ស្នេហារបស់ខ្លួនជាមួយមាលា នាអំឡុងពេលរូបគេបានមកកម្ពុជាធ្វើការលើគម្រោងតភ្ជាប់ស្ពានដែលត្រូវបំផ្លាញដោយសង្គ្រាមកាលពីអំឡុងទសវត្សរ៍៦០។ គូស្នេហ៍ទាំងពីរបានរៀនស្វែងយល់វប្បធម៌គ្នាទៅវិញទៅមក ប៉ុន្តែពួកគេត្រូវបែកគ្នាដោយសារសង្គ្រាមដដែល ដោយតួអង្គប្រុសត្រូវវិលត្រឡប់ទៅជប៉ុនវិញ រីឯមាលា បាត់ដំណឹងសូន្យឈឹង។ នៅលើស្ពាន តួអង្គប្រុសបានបង្ហើរសំនៀង «ស្រឡាញ់អូនដល់ឆ្អឹង» ជាភាសាជប៉ុន ទៅតាមការសន្យាជាមួយអតីតសង្សារជាទីស្រឡាញ់។
ភាពយន្តពីររឿងទៀតរួមមាន រឿង«សេះងាប់របស់ស៊ីនុម៉ា» (Shiniuma Dead Horse) របស់សមិទ្ធករហ្វីលីពីន Brillante Ma Mendoza បង្ហាញពីជីវិតរបស់បុរសអន្តោប្រវេសន៍ខុសច្បាប់ជនជាតិហ្វីលីពីនម្នាក់ដែលទៅធ្វើការនៅប្រទេសជប៉ុន ហើយត្រូវបានបញ្ជូនឲ្យត្រឡប់ទៅស្រុកកំណើតខ្លួនវិញ។ រីឯ រឿង «សត្វព្រាប» (Pigeon) របស់សមិទ្ធករជប៉ុន Isao Yukisada បង្ហាញពីជីវិតរបស់អតីតយុទ្ធជនជប៉ុនម្នាក់ដែលវង្វេងវង្វាន់ និងរស់នៅរាប់សិបឆ្នាំក្នុងរដ្ឋ Penang ប្រទេសម៉ាឡេស៊ី ប៉ុន្តែជាអ្នកស្រឡាញ់សត្វព្រាប និងមានជំនឿយ៉ាងមុតមាំថា វាមិនក្បត់នឹងគាត់ឡើយ។
នាការចាក់បញ្ជាំងកាលពីល្ងាចថ្ងៃទី៨ ខែមីនា ឆ្នាំ២០១៧ នៅសាលមហោស្រពចតុមុខ Asian Three-Fold Mirror 2016: Reflections ទទួលបាននូវការកោតសរសើរយ៉ាងខ្លាំងពីសំណាក់អ្នកទស្សនា។ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន សម្តេច នរោត្តម សិរីវុឌ្ឍ សមាជិកឧត្តមក្រុមប្រឹក្សាព្រះមហាក្សត្រ និងឯកអគ្គរាជទូតជប៉ុន លោក ហ៊ីដេហ៊ីសា ហូរីណុអ៊ុជិ ក៏បានចូលរួមក្នុងពិធីចាក់រឿង ស៊េរីភាពយន្តខ្លី Asian Three-Fold Mirror 2016: Reflections នេះផងដែរ៕
សូមទស្សនាវីដេអូ Trailer៖
Tag:
ស៊េរីភាពយន្តខ្លី
ស្ពាននិស្ស័យ
© រក្សាសិទ្ធិដោយ thmeythmey.com
