សង្គមជាតិ
×![]()
សៀមរាប៖ ស្ករត្នោតស្រុកបន្ទាយស្រី មានឈ្មោះថាជាស្ករដែលឆ្ងាញ់ប្រចាំខេត្តសៀមរាប។ ដោយសារជាតំបន់ទេសចរណ៍ស្រាប់ ដូច្នោះហើយមានអ្នកដំណើរ ពិសេសភ្ញៀវទេសចរជាច្រើនដែលត្រឡប់មកពីទស្សនាប្រាសាទបន្ទាយស្រីនោះ តែងចុះជាវ ស្ករត្នោត ដែលអ្នកស្រុកចម្អិននៅតាមរោងលក់របស់ពួកគេ។
ដើម្បីទាក់ទាញ អ្នកលក់ស្ករត្នោតតែងរៀបចំខ្ទះចម្អិនស្ករ នៅតាមរោងលក់របស់ពួកគេ។ ធ្វើដូច្នោះ ដើម្បីឲ្យភ្ញៀវទេសចរបានដឹងពីរបៀបការធ្វើស្ករត្នោត ដែលជាប្រពៃណីមួយដ៏សំខាន់សម្រាប់ប្រជាពលរដ្ឋខ្មែរផងដែរ។
បើតាមអ្នកលក់ស្ករមួយរូប លោកស្រី តិ បានពន្យល់ថា ចូលមកដល់ខែ មីនានេះ ទឹកត្នោតចាប់ផ្តើមស្បើយទៅវិញហើយ។ ខែដែលសម្បូរទឹកត្នោតច្រើន គឺក្នុងអំឡុងខែធ្នូ និងខែមករា។ សម្រាប់លោកស្រី តិ ដែលមានដើមត្នោតតែ២ដើម គឺក្នុងមួយថ្ងៃ គាត់អាចផលិតស្ករត្នោតបានត្រឹម៣គីឡូក្រាម។ លោកស្រីបន្តថា មុខរបរនេះជាអាជីពប្រចាំគ្រួសាររបស់អ្នកស្រុកបន្ទាយស្រី ហើយដែលអាចនិយាយបានថា ជាមុខរបរដែលពិបាកផងដែរ។
សម្រាប់ស្ករត្នោតក្នុងមួយគីឡូមានតម្លៃពី ៤ពាន់រៀលទៅ៥ពាន់រៀល។ ភ្ញៀវទេសចរអាចទិញជាស្ករផែន ស្ករជ្រាយ ឫស្ករត្នោតដែលគេកិនល្អិតៗដូចម្សៅ ងាយស្រួលក្នុងការឆុងជាមួយកាហ្វេ ឫតែជាដើម។ល៕
ខាងក្រោមនេះជារូបភាពខ្លះៗ ដែលគេផលិតស្ករ ការដាក់លក់ ក៏ដូចជាផ្លែត្នោត ដែលមានរសជាតិឆ្ញាញ់។ សូមអញ្ជើញ ទស្សនា
Tag:
ស្ករត្នោត
បន្ទាយស្រី
© រក្សាសិទ្ធិដោយ thmeythmey.com
