Michael Essien អតីតខ្សែបម្រើក្លិប Chelsea ទៅលេងឲ្យក្លិបឥណ្ឌូនេស៊ី Persib Bandung

កីឡាអន្តរជាតិ

អន្តរជាតិ

Michael Essien អតីតខ្សែបម្រើក្លិប Chelsea ទៅលេងឲ្យក្លិបឥណ្ឌូនេស៊ី Persib Bandung

15, Mar 2017 , 3:35 pm

រូបភាព

ដោយ: ទេព ពិទូរ្យ

អតីតខ្សែបម្រើក្រុមតោខៀវ Chelsea កីឡាករ Michael Essien បានចុះកិច្ចព្រមព្រៀងទៅលេងឲ្យក្រុមនៅលីកកំពូលឥណ្ឌូនេស៊ី Persib Bandung ដោយចុះកិច្ចសន្យារយៈពេលមួយឆ្នាំ។

ក្លិបកំពូលនៃក្របខណ្ឌ Liga 1 របស់ឥណ្ឌូណេស៊ី Persib Bandung បានចុះហត្ថលេខានាំយកកីឡាករ Michael Essien អតីតខ្សែបម្រើឆ្នើមរបស់ Chelsea និង Real Madrid មកជួយក្រុមក្នុងកិច្ចសន្យារយៈពេលមួយឆ្នាំ។

ក្រោយចុះកិច្ចព្រមព្រៀងនេះ Essien បានប្រាប់គេហទំព័ររបស់ក្លិប Persib Bandung ថា៖«ខ្ញុំសង្ឃឹមថា ខ្ញុំអាចធ្វើជាស្ពានចម្លងដើម្បីនាំកីឡាករល្បីៗលើពិភពលោកឲ្យផ្លាស់ទៅលេងនៅឥណ្ឌូនេស៊ីដែរ។ ហើយខ្ញុំសង្ឃឹមថានេះគឺជាការចាប់ផ្តើមល្អសម្រាប់កីឡាបាល់ទាត់ឥណ្ឌូនេស៊ី និងក្លិបPersib ផងដែរ។ សូមអរគុណ ដែលនាំខ្ញុំមកទីនេះ ហើយខ្ញុំពិតជារំភើបនិងចង់ផ្តល់អ្វីដែលខ្ញុំមានដល់អ្នកទាំងអស់គ្នា»។

ខ្សែបម្រើសញ្ជាតិហ្គាណាវ័យ៣៤ឆ្នាំ ធ្លាប់បង្ហាញខ្លួនឲ្យតោខៀវ ២៥០ប្រកួត ជួយក្លិបនេះឈ្នះពាន Premier League ២ដង និងឈ្នះពានកំពូលរបស់អឺរ៉ុប Champions League ១ដង មុនពេលផ្លាស់ទៅលេងឲ្យ Real Madrid ក្នុងលក្ខខណ្ឌខ្ចីជើងកាលពីរដូវកាល ២០១២-២០១៣។ នៅឆ្នាំ២០១៤ Essien បានផ្លាស់ទៅលេងឲ្យ AC Milan នៅអ៊ីតាលី និងក្លិបចុងក្រោយបំផុតគឺ Panathinaikos របស់ក្រិក៕