តាង៉ុយផ្តាំខ្មែរ ឲ្យខំដាំដុះ កុំឈ្ងោកតែផ្ទះចិន

ពីនេះ ពីនោះ

តាង៉ុយផ្តាំខ្មែរ ឲ្យខំដាំដុះ កុំឈ្ងោកតែផ្ទះចិន

11, Mar 2018 , 8:59 am

រូបភាព

ដោយ: ថ្មីៗ

ភ្នំពេញ៖ ព្រះភិរម្យភាសាអ៊ូ ហៅ ង៉ុយ ដែលជាអ្នកប្រាជ្ញខ្មែរដ៏ល្បីល្បាញម្នាក់ នៅសម័យអាណាព្យាបាលបារាំង បានផ្តាំឲ្យកូនខ្មែរទាំងអស់ ត្រូវខិតខំដាំដុះដំណាំ ដែលជាតម្រូវការប្រចាំថ្ងៃ ដោយមិនគួរចាំតែទិញពីផ្ទះចិននោះទេ។


[…]នគរថ្កើងប្លែក     សប្បាយតែភ្នែក    ក្នុងចិត្តរងកម្ម
កូនប្រុសបណ្តាច់     កុំភ្លេចបណ្តាំ     កប្បាសសូត្រថ្នាំ
ត្រីម៉ាំលែងថោក។

ដូរស្លាអំពៅ     អំបិលស្ករស្រូវ     មានទៅមានមក
មានចុះមានឡើង    រាស្ត្រយើងល្មមរក    ល្មមរេលៃលក
គួរយកគួរខាន។

កប្បាសនិងថ្នាំ     គួរដាស់ដីដាំ     ធ្វើដៃឯងបាន
កុំអាងខ្ជិលពេក     កុំដេកឈប់ខាន    កុំចោលបុរាណ
ម៉ែឪដូនតា។

ដីគេគរគោក     កុំអាងខ្ជិលជោក      ទៅឈ្ងោកចិនផ្សារ
កូនចៅស្រីៗ     ខំរៀនធ្វើការ       បើគ្មានប្រាជ្ញា
មានមាត់ចេះស្តី។

ឲ្យសួរចាស់ៗ      រៀនបោះកប្បាស     ថ្ពេចមូរសំឡី
រៀនកូតរៀនការ     ត្រសារពាក់រវ៉ៃ       ហូលគោមគាតក្តី
រៀនថ្កររៀនត្បាញ     ឲ្យចាស់បង្ហាញ         បង្ហាត់ទាំងអស់
សំពត់បែបងាយ       លាយសូត្រអំបោះ      កុំទិញគេសោះ
ស្មោះការជាស្រី។ […]

ប្រភព៖ «ច្បាប់ក្រមង៉ុយ» ការផ្សាយរបស់ពុទ្ធសាសនបណ្ឌិត្យឆ្នាំ១៩៧២

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

5 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម