ពីនេះ ពីនោះ
ព័ត៍មានសុខភាព
ហើមត្របកភ្នែកខាងក្រោមលែងជាបញ្ហាទៀតហើយ កាលណាអ្នកអនុវត្តវិធីទាំងនេះ
× ភ្នែកប្រហែលជាសរីរាង្គដំបូងគេដែលមនុស្សយើងចាប់អារម្មណ៍។ ហើយកាលណាត្របកភ្នែកខាងក្រោមទៅជាហើម វាអាចនឹងធ្វើឲ្យគេមើលឃើញថា អ្នកទំនងជាអស់កម្លាំង ហើយមិនមានការចាប់អារម្មណ៍ឡើយ។
មូលហេតុ
• ហ្សែនពីឪពុកម្តាយ
• អាយុកាន់តែច្រើន
• ញ៉ាំអាហារប្រៃច្រើន ឬអាឡែហ្ស៊ីនឹងអ្វីមួយ
• ជំងឺតម្រងនោម
• ជំងឺថ្លើម
ខាងក្រោមនេះគឺជាវិធីសាស្ត្រមួយចំនួនតូចដែលអ្នកអាចដោះស្រាយបញ្ហាហើមត្របកភ្នែកខាងក្រោមបាន៖
ចូរគេងឲ្យបានគ្រប់គ្រាន់អាចចាប់ពី ៦ ទៅ៩ម៉ោងក្នុងមួយយប់
ចូរកាត់បន្ថយការញ៉ាំអាហារប្រៃ
អាចយករបស់ដែលត្រជាក់ស្អំនៅត្របកភ្នែកខាងក្រោមពី ១០ ទៅ២០នាទី ព្រោះវាអាចកាត់បន្ថយការហើមបាន។ យកល្អគួរតែយកស្លាបព្រាកាហ្វេក្លាសេឲ្យត្រជាក់ រួចយកមកស្អំ។
ប្រើចំណិតត្រសក់ស្តើងៗស្អំពីលើត្របកភ្នែក ព្រោះវាអាចជួយទាញទឹកចេញពីកន្លែងដែលហើមនោះបាន។
ថងកាកតែដែលប្រើរួចក៏អាចប្រើស្អំលើត្របកភ្នែកដើម្បីបំបាត់ការហើមបានដែរ។ ចូរស្អំភ្នែកទាំងសងខាងពី ២ ទៅ៥នាទី។
ការគេងគួរតែកើយខ្នើយឲ្យខ្ពស់ជាងមុនបន្តិច។
ចូរចៀសឲ្យឆ្ងាយពីអ្វីដែលអ្នកមានប្រតិកម្ម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com