កីឡាជាតិ
ជាតិ
Asean Dream Football៖ ពីរប្រកួតថ្ងៃនេះ U15 កម្ពុជា ចាញ់១ និងឈ្នះ១
×
ក្នុងជំនួបទាំងពីរប្រកួតរបស់ក្រុមសាលាបាល់ទាត់ជាតិបាទីអាយុក្រោម១៥ឆ្នាំ (U15) ទទួលបានលទ្ធផល ចាញ់មួយ និងឈ្នះមួយប្រកួត នាព្រឹត្តិការណ៍ពានរង្វាន់ U14 Asean Dream Football Tournament ២០១៦-២០១៧ នៅថ្ងៃទី ២២ មីនានេះ នៅទីក្រុងបាងកកប្រទេសថៃ។
សប្រាប់ការប្រកួតជើងទី១កាលពីវេលាម៉ោង១១:៣០ព្រឹកមិញនេះ ក្រុម U15 កម្ពុជាប្រកួតចាញ់ក្រុម Supanburi FC របស់ថៃក្នុងលទ្ធផល ៣-១។ រីឯជើងទីពីរថ្ងៃដដែលនៅវេលាម៉ោង២:៣០ U15 កម្ពុជាបានយកឈ្នះក្រុម Songkhla Association របស់ថៃ ក្នុងលទ្ធផល ២-០ វិញ។
ទាំងប្រាំប្រកួតក្នុងព្រឹត្តិការណ៍ពានរង្វាន់ U14 Asean Dream Football Tournament 2017នេះ ក្រុមបាល់ទាត់យុវជនថ្នាលរបស់សាលាបាល់ទាត់ជាតិបាទីអាយុក្រោម១៥ឆ្នាំដែលដឹកនាំដោយគ្រូសញ្ជាតិកូរ៉េ លោកLee Tae Hoon ឈ្នះ២ ស្មើ២ និងចាញ់១ប្រកួត៕
© រក្សាសិទ្ធិដោយ thmeythmey.com