ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អន្តរជាតិ
អាមេរិក-អង់គ្លេសរកលុយបានរាប់លានពីការលក់អាវុធឲ្យអារ៉ាប៊ីសាអូឌីតធ្វើសង្គ្រាមនៅយេម៉ែន
24, Mar 2017 ,
3:03 pm
រូបភាព
ប្រភព៖ Amnesty International
×
ដោយ:
សៅ ផលនិស្ស័យ (Sao Phal Niseiy)
អង្គការលើកលែងទោសអន្តរជាតិបានបកអាក្រាត អាមេរិកនិងអង់គ្លេស ដែលបន្តទាញយកប្រយោជន៍ពីការលក់អាវុធឲ្យអារ៉ាប៊ីសាអូឌីតដើម្បីដឹកនាំទ័ពបង្កើតចលាចលនិងគ្រោះមហន្តរាយមនុស្សជាតិនៅក្នុងទឹកដីយេម៉ែនប៉ុន្មានឆ្នាំមកនេះ។ អាមេរិកនិងអង់គ្លេសរកចំណូលបានយ៉ាងតិច ៥ពាន់លានដុល្លារអាមេរិកពីការលក់អាវុធឲ្យរដ្ឋអារ៉ាប់នេះ ហើយវាជារឿងអាម៉ាសបំផុតដែលទាំងអាមេរិកនិងអង់គ្លេសចំណាយត្រឹម ៤៥០លានប៉ុណ្ណោះក្នុងក្របខណ្ឌជំនួយសម្រាប់យេម៉ែនពីរឆ្នាំមកនេះ។
អាមេរិកនិងអង់គ្លេសរងការថ្កោលទោសខ្លាំងពីសំណាក់សហគមន៍អន្តរជាតិក្នុងរយៈពេលប៉ុន្មានឆ្នាំកន្លងមកនេះ ដោយសារមហាអំណាចទាំងពីររងការចោទប្រកាន់ពីបទសមគំនិតក្នុងឧក្រិដ្ឋកម្មសង្គ្រាមនៅយេម៉ែនដែលបង្កដោយអារ៉ាប៊ីសាអូឌីតនិងរដ្ឋអាមេរិកផ្សេងទៀត។ មហាអំណាចទាំងពីរជាប់ឈ្មោះដោយសារតែគេមិនអើពើរឿងបំពានសិទ្ធិមនុស្ស ហើយបន្តលក់អាវុធឲ្យអារ៉ាប៊ីសាអូឌីតទៀត។ វាជារឿងអាម៉ាសបំផុតមួយក្នុងប្រវត្តិសាស្ត្រមនុស្សជាតិសម័យទំនើប។
មកដល់ថ្មីៗនេះទៀត អង្គការលើកលែងទោសអន្តរជាតិ (Amnesty International) បានចេញសេចក្តីថ្លែងការណ៍ថ្កោលទោសមហាអំណាចទាំងពីរថែមទៀត ដោយលើកឡើងពីជំនួញអាវុធអាមេរិកនិងអង់គ្លេសជាមួយអារ៉ាប៊ីសាអូឌីតដែលបន្តតាំងសង្គ្រាមយេម៉ែនផ្ទុះឡើងនៅខែមីនាឆ្នាំ ២០១៥មកនោះ។
គេវាយតម្លៃថា អាមេរិកនិងអង់គ្លេសបានលក់អាវុធក្នុងទំហំទឹកប្រាក់យ៉ាងតិច ៥ពាន់លានដុល្លារអាមេរិក ក្នុងរយៈពេលដែលអារ៉ាប៊ីសាអូឌីតនេះដឹកនាំរដ្ឋសម្ព័ន្ធអារ៉ាប់ចូលវាយប្រហារក្រុមឧទ្ទាម Houthi ដែលជាក្រុមនិយមនិកាយស៊ីអ៊ីតនោះ។ បើតាមការវាយតម្លៃនេះ លុយដែលមហាអំណាចទាំងពីរទទួលបានពីការបង្កើតឧក្រិដ្ឋកម្មនៅយេម៉ែន វាច្រើនជាងលុយដែលអាមេរិកនិងអង់គ្លេសផ្តល់ឲ្យយេម៉ែនក្នុងជំនួយអភិវឌ្ឍចំនួន ១០ដង។ លុយជំនួយផ្តល់ឲ្យយេម៉ែនមានទំហំប្រហែល ៤៥០លានប៉ុណ្ណោះក្នុងពេលពីរឆ្នាំមកនេះ។
«ជម្លោះកើតឡើងពីរឆ្នាំមកនេះបានបង្ខំឲ្យមនុស្ស ៣លាននាក់រត់ភៀសខ្លួន និងសម្លាប់ជនស៊ីវិលរាប់ពាន់នាក់ ដែលវាបានរុញច្រានឲ្យយេម៉ែនធ្លាក់ជ្រៅក្នុងគ្រោះមហន្តរាយមនុស្សជាតិ។ មនុស្ស ១៨លាននាក់កំពុងត្រូវការជំនួយ។ ទោះជាមានប្រទេសច្រើនផ្តល់ជំនួយដល់យេម៉ែនដើម្បីសង្គ្រោះប្រជាជនដែលកំពុងរងទុក្ខវេទនាក៏ដោយ ប្រទេសជាច្រើនផ្សេងទៀតបន្តផ្ទេរអាវុធដែលមានតម្លៃរាប់ពាន់លានដុល្លារឲ្យគេធ្វើសង្គ្រាម»។ នេះជាការបញ្ជាក់របស់ អគ្គនាយករងទទួលបន្ទុកស្រាវជ្រាវនៃអង្គការលើកលែងទោសអន្តរជាតិលោក Lynn Maalouf។
ក្រៅពីថ្កោលទោសបណ្តាភាគីដែលបង្កគ្រោះមហន្តរាយមនុស្សជាតិនៅយេម៉ែននេះ មន្ត្រីអង្គការអន្តរជាតិរូបនេះក៏បានអំពាវនាវឲ្យបណ្តាសហគមន៍អន្តរជាតិប្រញាប់ជួយដោះស្រាយបញ្ហានិងដាក់បម្រាមលក់អាវុធនិងបង្កើតការស៊ើបអង្កេតត្រឹមត្រូវនិងពេញលេញមួយលើករណីឧក្រិដ្ឋកម្មធ្ងន់ធ្ងរដែលបង្កដោយភាគីទាំងអស់ដែលពាកព័ន្ធនោះ។
លោក Maalouf បានបញ្ជាក់ដូច្នេះ៖ «បណ្តារដ្ឋទាំងអស់រួមទាំងអាមេរិកនិងអង់គ្លេសផងនោះត្រូវបញ្ចប់ការហូរចូលនៃអាវុធគ្រប់ប្រភេទដែលអាចប្រើប្រាស់ដើម្បីប្រព្រឹត្តបទឧក្រិដ្ឋសង្គ្រាម និងបំពារបំពានច្បាប់មនុស្សធម៌អន្តរជាតិធ្ងន់ធ្ងរនៅយេម៉ែននោះ»៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Amnesty International
អាមេរិក
អង់គ្លេស
យេម៉ែន
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
អត្ថបទពេញនិយមបន្ថែម