App Store និង Play Store សម្រាប់មើលកម្មវិធីតារាងពន្ធគយ

ជាតិ

សេដ្ឋកិច្ច

App Store និង Play Store សម្រាប់មើលកម្មវិធីតារាងពន្ធគយ

26, Mar 2017 , 2:23 pm

រូបភាព

អគ្គនាយកដ្ឋានគយនិងរដ្ឋាករកម្ពុជា

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ អគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្នកិច្ច និងហិរញ្ញវត្ថុ បានជូនដំណឹងស្ដីពី ការដាក់ឲ្យប្រើប្រាស់កម្មវិធីទូរសព្ទឆ្លាតវៃនៃតារាងពន្ធគយកម្ពុជាឆ្នាំ២០១៧ ក្នុង App Store និង Play Store។ ការដាក់ឲ្យប្រើប្រាស់នេះ គឺធ្វើឲ្យអ្នកប្រើប្រាស់ងាយស្រួលស្វែងរកលេខកូដទំនិញ និងអត្រាពន្ធអាករគយ។ នេះបើតាមទំព័រហ្វេសប៊ុកផ្លូវការរបស់អគ្គនាយកដ្ឋានគយនិងរដ្ឋាករកម្ពុជា។

អគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្នកិច្ច និងហិរញ្ញវត្ថុ បានសម្រចដាក់ឲ្យប្រើប្រាស់កម្មវិធីទូរសព្ទឆ្លាតវៃនៃតារាងពន្ធគយកម្ពុជាឆ្នាំ២០១៧ ក្នុង App Store និង Play Store។ កម្មវិធីទូរសព្ទឆ្លាតវៃនោះ មានឈ្មោះថា Cambodia Customs Tariff 2017 ត្រូវបានដាក់ឲ្យប្រើប្រាស់ នៅក្នុងប្រព័ន្ធ App Store និង Play Store ដោយគ្រាន់តែចូលទាញយក និងដំឡើងកម្មវិធីប៉ុណ្ណោះ។ ការដាក់ឲ្យប្រើប្រាស់នេះ គឺធ្វើឲ្យអ្នកប្រើប្រាស់ងាយស្រួលស្វែងរកលេខកូដទំនិញ និងអត្រាពន្ធអាករគយ។

ដើម្បីបង្កការងាយស្រួលដល់សាធារណជន ដែលមានតម្រូវការប្រើប្រាស់តារាងពន្ធគយកម្ពុជា អគ្គនាយកដ្ឋានគយនិងរដ្ឋាករកម្ពុជា បានដាក់ដំណើរការមុខងារនេះ តាមរយៈទូរសព្ទស្មាតហ្វូននេះ។ ជាមួយគ្នានេះ អគ្គនាយកដ្ឋានគយនិងរដ្ឋាករកម្ពុជា ស្វាគមន៍នូវរាល់ការចូលរួមផ្តល់មតិយោបល់ របស់អ្នកប្រើប្រាស់។

គួរបញ្ជាក់ថា អ្នកប្រើប្រាស់ អាចមានមតិតាមរយៈ [email protected] ដើម្បីឲ្យក្រុមការងារអគរ អាចធ្វើការកែលម្អ ឲ្យកាន់ល្អប្រសើរបាន៕