ពីនេះ ពីនោះ
នៅរំដួល៖ មន្ត្រីពីរនាក់អួតគ្នារឿងកេងលុយរដ្ឋ
× កាលពីយូរលង់ណាស់មកហើយ លោក បេ និង លោក សេ គឺជាមន្ត្រីមន្ទីរផ្លូវថ្នល់ដែលនៅខេត្តផ្សេងគ្នា ហើយពួកគេក៏ជាមិត្តភក្កិជិតស្និទ្ធនឹងគ្នាដែរ។ ថ្ងៃមួយលោក បេ បានអញ្ជើញលោក សេ មកលេងផ្ទះ។ លោក សេ ភ្ញាក់ផ្អើល និងបើកភ្នែកធំៗ នៅពេលដែលគាត់ឃើញភូមិគ្រឹះ និងទ្រព្យសម្បត្តិរបស់លោក បេ។
លោក សេ៖ អា បេ! ផ្ទះឯងធំណាស់ វិមានមិនស្មើទេ។ ចុះឯងរកស៊ីអី្វ បានលុយមកពីណា?
លោក បេ៖ ឯងឃើញថ្នល់ក្នុងខេត្តអញអត់?
លោក សេ៖ ឃើញតើ! ស្អាត រលោងល្អ។
លោក បេ៖ តែអញចាក់ស្តើង ស៊ីក្រាស់។
មួយខែក្រោយមក លោក សេ ហៅលោក បេ ទៅលេងផ្ទះម្តង។
លោក បេ៖ ពួកម៉ាក! ផ្ទះឯងធំជាងផ្ទះអញ ២ដង។ ឯងបានលុយមកពីណា?
លោក សេ៖ ឯង ឃើញផ្លូវក្នុងខេត្តអញអត់?
លោក បេ៖ ឃើញហើយ! ជង្ហុកគ្រប់កន្លែង ហើយរលាក់ណាស់។ អូហ៍ អានេះ ក្រាស់ក៏មិនចាក់ ស្តើងក៍មិនចាក់!
លោក សេ៖ ឯងឆ្លាតគ្រាន់បើ!
© រក្សាសិទ្ធិដោយ thmeythmey.com