ពីនេះ ពីនោះ
ព័ត៍មានសុខភាព
អាហារដែលត្រូវតម នៅពេលអ្នកមានអាការៈបាក់ទឹកចិត្តម្តងៗ
× អ្វីដែលអ្នកញ៉ាំអាចប៉ះពាល់ដល់អារម្មណ៍របស់អ្នកបាន។ ខណៈពេលដែលអាហារជាច្រើនអាចជួយឲ្យមានអារម្មណ៍ល្អ តែក៏មានមួយចំនួនតូចធ្វើឲ្យមានអារម្មណ៍ពិបាកកាន់តែធ្ងន់ធ្ងរ ឬមានប្រតិកម្មក្នុងខ្លួនមិនល្អដែរ។ ខាងក្រោមនេះគឺជាអាហារមួយចំនួនដែលអ្នកគួរតែព្យាយាមចៀសវាងនៅពេលមានអាការៈបាក់ទឹកចិត្ត៖
ការ៉េម និងសូកូឡា
ជាតិស្ករក្នុងអាហារពីរមុខនេះអាចធ្វើឲ្យអ័រម៉ូនស្ត្រេសកើនឡើងកាន់តែខ្លាំង។ ជាតិស្ករក្នុងឈាម និងអាំស៊ុយលីនឡើងខ្ពស់ ដែលបណ្តាលមកពីការញ៉ាំជាតិស្ករសិប្បនិមិត្តច្រើនក៏អាចធ្វើឲ្យមានអារម្មណ៍ឆេវឆាវ និងញ៉ាំអាហារកាន់តែច្រើនផងដែរ។
កាហ្វេ
កាហ្វេផ្អែមដូចជា ឡាតេ និងម៉ូកា ដែលត្រូវបានធ្វើឡើងដោយជាតិសេរ៉ូ និងអេចប្រេសូអាចធ្វើឲ្យអ្នកកាន់តែពិបាកគេង និងរំខានដល់ការគេងថែមទៀត។
អាហារកៃឆ្នៃ
អាហារប្រភេទនេះមានជាតិសូដ្យូម ខ្លាញ់ និងសារធាតុញៀនខ្ពស់ តែមិនសូវមានជីវជាតិឡើង ដូច្នេះវាអាចធ្វើឲ្យអ័រម៉ូនស្ត្រេសកើនឡើងក្នុងខ្លួនច្រើនផង និងបាក់ទឹកចិត្តកាន់តែខ្លាំងទៀត។
អាហារឆា ឬចៀន
ចូរចៀសឲ្យឆ្ងាយពីសាច់មាន់ចៀន ឬដំឡូងបារាំងចៀននៅពេលពិបាកចិត្ត ព្រោះវាមានជាតិខ្លាញ់ច្រើន ជាពិសេស Trans Fat ដែលត្រូវបានគេរកឃើញថា ធ្វើឲ្យបាក់ទឹកចិត្តកាន់តែខ្លាំង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com