ជាតិ
លោក ជា សុផារ៉ា ស្នើឲ្យអ្នកជំនួញអចលនទ្រព្យ ជួយរក្សាស្នាដៃស្ថាបត្យកម្មរចនាបទ្មខ្មែរ
× ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ បានអំពាវនាវដល់អ្នកជំនួញអចលនទ្រព្យ ជួយរក្សាស្នាដៃស្ថាបត្យកម្មក្នុងរចនាបទ្មខ្មែរ ដើម្បីរក្សាអត្តសញ្ញាណវប្បធម៌ខ្មែរ។
ក្រោយពីមើលឃើញសំណង់អាគារមួយចំនួន ហាក់មិនសូវមានការប្រើប្រាស់រចនាបទ្មខ្មែរនោះ រដ្ឋមន្ត្រីក្រសួងរៀបចំដែនដី លោក ជា សុផារ៉ា បានជំរុញឲ្យអ្នកអភិវឌ្ឍន៍ អចលនទ្រព្យទាំងអស់ ត្រូវអនុវត្តន៍ឲ្យបានត្រឹមត្រូវនូវបទប្បញ្ញត្តិរបស់ក្រសួង និងការអភិវឌ្ឍបៃតង ដែលជាការទទួលខុសត្រូវលើកិច្ចការសង្គម ទាក់ទងនឹងការរក្សាស្នាដៃស្ថាបត្យកម្មក្នុងរចនាបទ្មខ្មែរនេះ។
ថ្លែងក្នុងពិធីប្រកាសពានរង្វាន់ឆ្នើមក្នុងវិស័យឧស្សាហកម្ម អចលនទ្រព្យនៅកម្ពុជា ឆ្នាំ២០១៧ លោក ជា សុផារ៉ា ក៏បានជំរុញឲ្យស្ថាបត្យករទាំងអស់ រចនាប្លង់សំណង់អគារ ក្នុងលក្ខណៈជាស្ថាបត្យកម្មអត្តសញ្ញាណខ្មែរ ដើម្បីរក្សាវប្បធម៌ និងទាក់ទាញការចាប់អារម្មណ៍ពីភ្ញៀវទេសចរផងដែរ។
កាលពីឆ្នាំ២០១៦ វិស័យសំណង់នៅកម្ពុជា មានកំណើនរហូតដល់ជាង២ដង ឬស្មើនឹង១៥៦ភាគរយ បើធៀបនឹងឆ្នាំ២០១៥ ៕
ប្រភពAKP
Tag:
ជា សុផារ៉ា
ស្ថាបត្យកម្ម
អលចនទ្រព្យ
© រក្សាសិទ្ធិដោយ thmeythmey.com