ជាតិ
ឥណ្ឌាផ្តល់អាហារូបករណ៍ចំនួន ២៧កន្លែងដល់និស្សិតខ្មែរ ក្នុងឆ្នាំ២០១៧នេះ
×![]()
ភ្នំពេញ៖ ឯកអគ្គរដ្ឋទូតឥណ្ឌាប្រចាំកម្ពុជា លោក Naveen Srivastava បានឲ្យដឹងថា រដ្ឋាភិបាលឥណ្ឌាបានផ្តល់អាហារូបករណ៍ជាង ២៧កន្លែងដល់និស្សិតខ្មែរដែលមានបំណងទៅបន្តការសិក្សាថ្នាក់ឧត្តមសិក្សា និងថ្នាក់ក្រោយឧត្តមសិក្សានៅតាមគ្រឹះស្ថាននានា ក្នុងប្រទេសឥណ្ឌា ក្នុងឆ្នាំ២០១៧នេះ។
លោក Naveen Srivastava បានជំរុញនិស្សិតខ្មែរដែលមានបំណងសិក្សានៅឥណ្ឌាឲ្យស្នើអាហារូបករណ៍ មកស្ថានទូតឥណ្ឌាប្រចាំកម្ពុជា និងតាមគ្រឹះស្ថានឧត្តមសិក្សាឥណ្ឌាដោយផ្ទាល់។ លោកបានឲ្យដឹងថា បេក្ខជនអាចស្នើសិក្សាលើកម្រិតសិក្សាថ្នាក់បរិញ្ញាបត្រ (រយៈពេលសិក្សាពី៣ ដល់៥ឆ្នាំ) ថ្នាក់អនុបណ្ឌិត (ពី២ ដល់៣ឆ្នាំ) និងថ្នាក់បណ្ឌិត រួមទាំងការស្រាវជ្រាវលើគ្រប់ជំនាញសិក្សា ក្នុងនោះ រួមមាន វិស្វកម្មសំណង់ស៊ីវិល ព័ត៌មានវិទ្យា និងវិទ្យាសាស្ត្រកុំព្យូទ័រ វិស្វកម្មអគ្គិសនី សេដ្ឋកិច្ច ពាណិជ្ជកម្ម គ្រប់គ្រង សិល្បៈ ប្រវត្តិសាស្ត្រ ច្បាប់ និងវិទ្យាសាស្ត្រនយោបាយ ជាដើម។
ថែ្លងក្នុងពិព័រណ៍អប់រំឥណ្ឌានៅកម្ពុជាដែលមានស្ថាប័នអប់រំ និងសាកវិទ្យាល័យជាង ១០ នៅថ្ងៃទី២៨ ខែមីនានេះ នាមជ្ឈមណ្ឌលសហប្រតិបត្ដិការកម្ពុជា-ជប៉ុន (CJCC) លោកឯកអគ្គរដ្ឋទូតប្រាប់អ្នកសារ ព័ត៌មានដូច្នេះ៖«យើង (ឥណ្ឌា) មានមហាវិទ្យាល័យច្រើនជាង ១ម៉ឺន៧ពាន់កន្លែង និងសាកលវិទ្យា ល័យរដ្ឋចំនួន ២១៧ ដែលផ្តលការអប់រំប្រកដោយគុណភាពសម្រាប់សិស្សនិស្សិតអន្តរជាតិ រួមទាំង កម្ពុជា»។
សម្រាប់ព័ត៌មានអាហារូបករណ៍បន្ថែម លោក Naveen Srivastava លើកទឹកចិត្តសិស្សនិស្សិតខ្មែរឲ្យចូលទៅកាន់គេហទំព័រស្ថានទូតឥណ្ឌាប្រចាំកម្ពុជា ពីពេលនេះតទៅ។
ជាមួយគ្នាដែរ ថ្លែងក្នុងពិព័រណ៍អប់រំដែលមានគ្រឹះស្ថានល្បីៗរបស់ឥណ្ឌា (India Education Fair) រយៈពេល២ថ្ងៃ ចាប់ពីថ្ងៃទី ២៨ និង២៩ ខែមីនានេះ លោក Sanjay Thapa នាយកគ្រប់គ្រងពិព័រណ៍ បានឲ្យដឹងថា និស្សិតកម្ពុជាដែលទទួលអាហារូបករណ៍ នឹងបានទទួលការសិក្សាដោយឥតបង់ថ្លៃ សំបុត្រយន្តហោះ ការចំណាយលើការស្នាក់នៅ ម្ហូបអាហារ និងសម្ភារៈសិក្សា ជាដើម។ «និស្សិតកម្ពុជានឹងទទួលការអប់រំស្ដងដាអន្តរជាតិនៅឥណ្ឌា យើងមានសាកលវិទ្យាល័យដំបូងគេលើពិភពលោក»។ នាយកគ្រប់គ្រងពិព័រណ៍ បញ្ជាក់ក្នុងពិព័រណ៍ដែលមានគោលដៅផ្ដល់ព័ត៌មានសិក្សាដល់និស្សិតខ្មែរដែលមានបំណងសិក្សានៅឥណ្ឌា នៅថ្ងៃនេះ។
បើតាមប្រសាសន៍ឯកអគ្គរដ្ឋទូតឥណ្ឌាប្រចាំកម្ពុជា លោក Naveen Srivastava គិតត្រឹមឆ្នាំ២០១៦កន្លងមកនេះ និស្សិតខ្មែរពី ៣០០ ពី៤០០នាក់ បានបញ្ចប់ការអប់រំថ្នាក់ឧត្តមសិក្សា និងក្រោយឧត្តមសិក្សា នៅឥណ្ឌា ក្នុងនោះ និស្សិតចំនួន ១៥២នាក់ ជាសមាជិកសមាគមអតីតនិស្សិតកម្ពុជា និងឥណ្ឌា៕
លោក Naveen Srivastava បានជំរុញនិស្សិតខ្មែរដែលមានបំណងសិក្សានៅឥណ្ឌាឲ្យស្នើអាហារូបករណ៍ មកស្ថានទូតឥណ្ឌាប្រចាំកម្ពុជា និងតាមគ្រឹះស្ថានឧត្តមសិក្សាឥណ្ឌាដោយផ្ទាល់។ លោកបានឲ្យដឹងថា បេក្ខជនអាចស្នើសិក្សាលើកម្រិតសិក្សាថ្នាក់បរិញ្ញាបត្រ (រយៈពេលសិក្សាពី៣ ដល់៥ឆ្នាំ) ថ្នាក់អនុបណ្ឌិត (ពី២ ដល់៣ឆ្នាំ) និងថ្នាក់បណ្ឌិត រួមទាំងការស្រាវជ្រាវលើគ្រប់ជំនាញសិក្សា ក្នុងនោះ រួមមាន វិស្វកម្មសំណង់ស៊ីវិល ព័ត៌មានវិទ្យា និងវិទ្យាសាស្ត្រកុំព្យូទ័រ វិស្វកម្មអគ្គិសនី សេដ្ឋកិច្ច ពាណិជ្ជកម្ម គ្រប់គ្រង សិល្បៈ ប្រវត្តិសាស្ត្រ ច្បាប់ និងវិទ្យាសាស្ត្រនយោបាយ ជាដើម។
ថែ្លងក្នុងពិព័រណ៍អប់រំឥណ្ឌានៅកម្ពុជាដែលមានស្ថាប័នអប់រំ និងសាកវិទ្យាល័យជាង ១០ នៅថ្ងៃទី២៨ ខែមីនានេះ នាមជ្ឈមណ្ឌលសហប្រតិបត្ដិការកម្ពុជា-ជប៉ុន (CJCC) លោកឯកអគ្គរដ្ឋទូតប្រាប់អ្នកសារ ព័ត៌មានដូច្នេះ៖«យើង (ឥណ្ឌា) មានមហាវិទ្យាល័យច្រើនជាង ១ម៉ឺន៧ពាន់កន្លែង និងសាកលវិទ្យា ល័យរដ្ឋចំនួន ២១៧ ដែលផ្តលការអប់រំប្រកដោយគុណភាពសម្រាប់សិស្សនិស្សិតអន្តរជាតិ រួមទាំង កម្ពុជា»។
សម្រាប់ព័ត៌មានអាហារូបករណ៍បន្ថែម លោក Naveen Srivastava លើកទឹកចិត្តសិស្សនិស្សិតខ្មែរឲ្យចូលទៅកាន់គេហទំព័រស្ថានទូតឥណ្ឌាប្រចាំកម្ពុជា ពីពេលនេះតទៅ។
ជាមួយគ្នាដែរ ថ្លែងក្នុងពិព័រណ៍អប់រំដែលមានគ្រឹះស្ថានល្បីៗរបស់ឥណ្ឌា (India Education Fair) រយៈពេល២ថ្ងៃ ចាប់ពីថ្ងៃទី ២៨ និង២៩ ខែមីនានេះ លោក Sanjay Thapa នាយកគ្រប់គ្រងពិព័រណ៍ បានឲ្យដឹងថា និស្សិតកម្ពុជាដែលទទួលអាហារូបករណ៍ នឹងបានទទួលការសិក្សាដោយឥតបង់ថ្លៃ សំបុត្រយន្តហោះ ការចំណាយលើការស្នាក់នៅ ម្ហូបអាហារ និងសម្ភារៈសិក្សា ជាដើម។ «និស្សិតកម្ពុជានឹងទទួលការអប់រំស្ដងដាអន្តរជាតិនៅឥណ្ឌា យើងមានសាកលវិទ្យាល័យដំបូងគេលើពិភពលោក»។ នាយកគ្រប់គ្រងពិព័រណ៍ បញ្ជាក់ក្នុងពិព័រណ៍ដែលមានគោលដៅផ្ដល់ព័ត៌មានសិក្សាដល់និស្សិតខ្មែរដែលមានបំណងសិក្សានៅឥណ្ឌា នៅថ្ងៃនេះ។
បើតាមប្រសាសន៍ឯកអគ្គរដ្ឋទូតឥណ្ឌាប្រចាំកម្ពុជា លោក Naveen Srivastava គិតត្រឹមឆ្នាំ២០១៦កន្លងមកនេះ និស្សិតខ្មែរពី ៣០០ ពី៤០០នាក់ បានបញ្ចប់ការអប់រំថ្នាក់ឧត្តមសិក្សា និងក្រោយឧត្តមសិក្សា នៅឥណ្ឌា ក្នុងនោះ និស្សិតចំនួន ១៥២នាក់ ជាសមាជិកសមាគមអតីតនិស្សិតកម្ពុជា និងឥណ្ឌា៕
Tag:
Naveen Srivastava
ឥណ្ឌា
អប់រំ
អាហារូបករណ៍
© រក្សាសិទ្ធិដោយ thmeythmey.com
