ពីនេះ ពីនោះ
កំណាព្យ៖ រៀនទើបចប់ តែទារប្រាក់ខែឡើងកប់ !
× កំណាព្យបទ ព្រហ្មគីតិ
និពន្ធដោយប៉ាកកាខ្មៅ!
-ចាប់ផ្តើមកុងត្រាថ្មី មិនទាន់អីទារឡើងកប់
ខ្លះទើបតែរៀនចប់ អួតចេះសព្វគ្មានចន្លោះ។
-លុះពេលធ្វើកិច្ចការ បានដឹងថាមិនចេះសោះ
ការងាយក្លាយធ្លោយថ្លោះ ថៅកែដោះលែងវិលមុខ។
-របស់ត្រូវបញ្ចេញ យកចំណេញបែរជាទុក
ទីផ្សារមិនចេះលុក ខ្លះឈ្ងោកមុខលែងហ៊ានស្តី។
-ខ្លះអួតរៀនទីផ្សារ ដល់ធ្វើការមិនបានអី
បានចេះតែទ្រឹស្តី ឲ្យលក់ត្រីចាញ់អ្នកផ្សារ។
-ថៅកែផ្តល់យោបល់ បើអាចដល់រកបានហា
ទារម្ភៃប្រាំបានណា កុំទារហាហុកចិតប៉ែត។
-ចិត្តថៅកែគ្រប់គ្នា គេច្បាស់ជាបដិសេធ
នេះហើយជាដើមហេតុ ខ្លះដើរឆ្អែតអត់ការធ្វើ៕
© រក្សាសិទ្ធិដោយ thmeythmey.com