ជាតិ
បួនប្រាំថ្ងៃដំបូងនៃខែមេសា ខេត្តមួយចំនួននឹងមានភ្លៀងធ្លាក់ លាយឡំផ្គរ រន្ទះ!
×![]()
បរិយាកាសនៅកម្ពុជា នៅថ្ងៃទី១ខែមេសាឆ្នាំនេះ នឹងជួបការប្រសព្វគ្នានៃបាតុភូតធម្មជាតិចំនួន៣ រួមមាន កំណួចខ្យល់ដែលបក់ពីសមុទ្រចិនខាងត្បូង ជ្រលងសម្ពាធខ្ពស់ខ្សោយ និងការបំភាយកម្ដៅចេញពីសំបកផែនដី ដែលធ្វើឲ្យខេត្តមួយចំនួនមានភ្លៀងធ្លាក់ពីមធ្យម ទៅច្រើន លាយឡំនឹងបាតុភូតផ្គរ រន្ទះ និងខ្យល់កន្ត្រាក់។ នេះបើតាមសេចក្ដីជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី៣១ខែមីនា។
នាព្រឹកថ្ងៃទី១ ដល់ថ្ងៃទី២ខែមេសា ខេត្តឧត្តរមានជ័យ សៀមរាប ស្ទឹងត្រែង ក្រចេះ មណ្ឌលគិរី និងខេត្តរតនគិរី ផ្ទៃមេឃមានសភាពអាប់អួខ្លាំង មានភ្លៀងធ្លាក់ពីមធ្យម ទៅច្រើនលាយឡំជាមួយនឹងបាតុភូតរន្ទះ និងខ្យល់កន្ត្រាក់។ លុះដល់ពេលថ្ងៃ ពេលរសៀល និងពេលយប់ រាជធានីភ្នំពេញ ខេត្តកណ្ដាល កំពង់ឆ្នាំង ពោធិ៍សាត់ សៀមរាប កំពង់ធំ កំពង់ស្ពឺ តាកែវ ព្រៃវែង ស្វាយរៀង ក្រចេះ ព្រះវិហារ ត្បូងឃ្មុំ កំពង់ចាម និងតំបន់មាត់សមុទ្រ ផ្ទៃមេឃមានសភាពអាប់អួខ្លាំង មានភ្លៀងធ្លាក់ពីមធ្យម ទៅច្រើន លាយឡំជាមួយនឹងបាតុភូតផ្គរ រន្ទះ និងខ្យល់កន្ត្រាក់។
ដោយឡែក នៅថ្ងៃទី៣ខែមេសា ស្ថានភាពធាតុអាកាសនេះ នឹងចាប់ផ្ដើមធូរស្រាលបន្តិចម្ដងៗ ប៉ុន្តែ ភ្លៀងនៅតែបន្តធ្លាក់រាយប៉ាយក្នុងកំឡុងពេលពីរបីថ្ងៃបន្ថែមទៀត៕
នាព្រឹកថ្ងៃទី១ ដល់ថ្ងៃទី២ខែមេសា ខេត្តឧត្តរមានជ័យ សៀមរាប ស្ទឹងត្រែង ក្រចេះ មណ្ឌលគិរី និងខេត្តរតនគិរី ផ្ទៃមេឃមានសភាពអាប់អួខ្លាំង មានភ្លៀងធ្លាក់ពីមធ្យម ទៅច្រើនលាយឡំជាមួយនឹងបាតុភូតរន្ទះ និងខ្យល់កន្ត្រាក់។ លុះដល់ពេលថ្ងៃ ពេលរសៀល និងពេលយប់ រាជធានីភ្នំពេញ ខេត្តកណ្ដាល កំពង់ឆ្នាំង ពោធិ៍សាត់ សៀមរាប កំពង់ធំ កំពង់ស្ពឺ តាកែវ ព្រៃវែង ស្វាយរៀង ក្រចេះ ព្រះវិហារ ត្បូងឃ្មុំ កំពង់ចាម និងតំបន់មាត់សមុទ្រ ផ្ទៃមេឃមានសភាពអាប់អួខ្លាំង មានភ្លៀងធ្លាក់ពីមធ្យម ទៅច្រើន លាយឡំជាមួយនឹងបាតុភូតផ្គរ រន្ទះ និងខ្យល់កន្ត្រាក់។
ដោយឡែក នៅថ្ងៃទី៣ខែមេសា ស្ថានភាពធាតុអាកាសនេះ នឹងចាប់ផ្ដើមធូរស្រាលបន្តិចម្ដងៗ ប៉ុន្តែ ភ្លៀងនៅតែបន្តធ្លាក់រាយប៉ាយក្នុងកំឡុងពេលពីរបីថ្ងៃបន្ថែមទៀត៕
Tag:
អាកាសធាតុ
© រក្សាសិទ្ធិដោយ thmeythmey.com
