រដ្ឋាភិបាលនឹងចំណាយជាង៧លានដុល្លារ ឧបត្ថម្ភមន្ត្រីរាជការក្នុងឱកាសចូលឆ្នាំ

ជាតិ

សេដ្ឋកិច្ច

រដ្ឋាភិបាលនឹងចំណាយជាង៧លានដុល្លារ ឧបត្ថម្ភមន្ត្រីរាជការក្នុងឱកាសចូលឆ្នាំ

03, Apr 2017 , 9:59 pm

រូបភាព

ដោយ:

ភ្នំពេញ៖ មន្ត្រីរាជការស៊ីវិល និងកងកម្លាំងប្រដាប់អាវុធម្នាក់ៗ ត្រូវទទួលបានប្រាក់ឧបត្ថមចំនួន ៥ម៉ឺនរៀល ក្នុងឱកាសពិធីបុណ្យចូលឆ្នាំខ្មែរខាងមុខនេះ។ នេះបើតាមការថ្លែងឲ្យដឹងដោយប្រមុខរដ្ឋាភិបាល សម្ដេច ហ៊ុន សែន នាឱកាសសម្ដេចចូលរួមសម្ពោធមហាវិថីសម្ដេចតេជោហ៊ុនសែន នៅថ្ងៃទី៣ខែមេសានេះ។

សម្ដេច ហ៊ុន សែន មានប្រសាសន៍ថា រដ្ឋាភិបាលនឹងចំណាយថវិកាសរុបជាង ៧លានដុល្លារសម្រាប់ឧបត្ថមមន្ត្រីរាជការ ក្នុងឱកាសចូលឆ្នាំថ្មីខាងមុខនេះ។ រដ្ឋាភិបាលបានបង្កើនប្រាក់ឧបត្ថមនេះពី ៤ម៉ឺនរៀលកាលពីឆ្នាំ២០១៦ ឡើងដល់ ៥ម៉ឺនរៀលនៅឆ្នាំនេះ។

ក្នុងឱកាសនេះដែរ សម្ដេចនាយករដ្ឋមន្ត្រីបានប្រកាសថា មន្ត្រីរាជការទាំងអស់ត្រូវទទួលបានប្រាក់ខែសម្រាប់ខែមេសានេះ យ៉ាងយូរត្រឹមថ្ងៃទី១០ខែមេសា ដើម្បីពួកគេអាចយកថវិកាទាំងនោះទៅប្រើប្រាស់ក្នុងកំឡុងពេលចូលឆ្នាំថ្មីនេះ។ ចាប់ពីថ្ងៃទី១ខែមេសាឆ្នាំនេះផងដែរ រដ្ឋាភិបាលចាប់ផ្ដើមអនុវត្តការបើកប្រាក់បៀវត្សថ្មី ដែលដំឡើងជូនមន្ត្រីរាជការ៕