លោក ទេព រិទ្ធីវិត៖ យើងឈ្នះដោយសារលេងមានវិន័យខ្ពស់ និងចាត់ទុកគ្នាដូចជាគ្រួសារមួយ

កីឡាជាតិ

ជាតិ

លោក ទេព រិទ្ធីវិត៖ យើងឈ្នះដោយសារលេងមានវិន័យខ្ពស់ និងចាត់ទុកគ្នាដូចជាគ្រួសារមួយ

08, Apr 2017 , 11:46 pm

រូបភាព

ដោយ: នាយយ៉ាន

ក្រុងអ៊ីសា-ប្រទេសបារ៉ែន៖ ក្រុមកីឡាវាយកូនបាល់ជម្រើសជាតិកម្ពុជា ដែលមានកីឡាករបួន គឺ ប៊ុន កេន្នី, ម៉ម ផល្គុណ, ឡុង សំនៀង និង អោ សារិទ្ធ បានទទួលជ័យជម្នះទាំង៤ប្រកួតនៅក្នុងពូល A និងបន្តឈ្នះអូម៉ង់នៅវគ្គខ្វែង ដើម្បីទទួលបានកៅអីទៅកាន់ការប្រកួតវគ្គជម្រុះពានរង្វាន់ Davis Cup ប្រចាំតំបន់អាស៊ី/អូសេអានី Group III នៅឆ្នាំ២០១៨ ។

សម្រាប់ការប្រកួត Group IV នៅទីក្រុងអ៊ីសា ប្រទេសបារ៉ែន កម្ពុជា បានឈរចំណាត់ថ្នាក់លេខ១ពូល A ដោយឈ្នះមីយ៉ាន់ម៉ា ៣-០ ឈ្នះកៀហ្ស៊ីស៊ីស្ថាន ២-១ ឈ្នះបារ៉ែន ៣-០ និងឈ្នះអារ៉ាប៊ីសាអូឌីត ២-១ ។ ក្នុងនាមជាក្រុមលេខ១ពូល A កម្ពុជា បានប៉ះជាមួយអូម៉ង់ ដែលជាលេង២ពូល B ខណៈអារ៉ាប៊ីសាអូឌីត លេខ២ពូល A ជួប សិង្ហបុរី លេខ១ពូល B។

ក្នុងជំនួបដ៏សំខាន់ជាមួយអូម៉ង់នាថ្ងៃសៅរ៍ ទី៨ ខែមេសា កីឡាករ ឡុង សំនៀង បានប្រឹងវាយបកដើម្បីយកឈ្នះ Mohammed Al Nabhani ២-១ ។ នៅសិតទី១ កីឡាករអូម៉ង់ បានយកឈ្នះ ៦-៣ ប៉ុន្តែសំនៀង មានការរៀបចំខ្លួនបានយ៉ាងល្អរហូតទទួលបានជ័យជម្នះ ៦-២, ៦-៤ វិញ។

ឈានដល់ការប្រកួតគូទីពីរលើវិញ្ញាសាឯកត្តជនដដែល ប៊ុន កេន្នី បានតទល់ជាមួយ Abdullah Al Barwani។ ក្នុងការប្រកួតនេះ កីឡាករលំដាប់ទីមួយរបស់កម្ពុជា យកឈ្នះក្នុងលទ្ធផល ២-០ (៦-២, ៦-១ )។

ជ័យជម្នះ២ប្រកួតជាប់គ្នាលើវិញ្ញាសាវាយទោល គ្រប់គ្រាន់សម្រាប់កម្ពុជាក្នុងការទទួលបានកៅអីទៅលេង Group III ប្រចាំតំបន់អាស៊ី/អូសេអានី នាឆ្នាំ២០១៨ ជាមួយមិត្តរួមក្រុមពូល A អារ៉ាប៊ីសាអូឌីត ដែលបានបិទឱកាសសិង្ហបុរី លេខ១ពូល B ក្នុងលទ្ធផល ២-១ ។

ក្រុមកីឡាវាយកូនបាល់ជម្រើសជាតិកម្ពុជា នឹងមកដល់អាកាសយានដ្ឋានអន្តរជាតិភ្នំពេញវិញនៅថ្ងៃទី១០ ខែមេសា វេលាម៉ោង១០ និង៣០នាទី។ សម្រាប់លោក ទេព រីទ្ធវិត អគ្គលេខាធិការសហព័ន្ធកីឡាវាយកូនបាល់កម្ពុជា និងជាប្រធានក្រុមជម្រើសជាតិ ជ័យជម្នះរបស់កម្ពុជា កើតចេញពីការលេងដោយការគោរពវិន័យ និងចាត់ទុកគ្នាជាគ្រួសារតែមួយ។

សូមស្តាប់ប្រសាសន៍របស់លោក ទេព រិទ្ធវិត៖