ព័ត៍មានសុខភាព
ឧស្សាហ៍ច្រាលអាស៊ីតចេញពីក្រពះ គួរផ្លាស់ប្តូរររបៀបរស់នៅបែបនេះ
×
ជំងឺច្រាលទឹកអាស៊ីតចេញពីក្រពះ តែងតែបង្កជាបញ្ហាដល់អ្នកជំងឺ ជាពិសេសធ្វើឲ្យមិនមានផាសុកភាពក្នុងការរស់នៅតែម្តង ព្រោះថា ឲ្យតែអាហារលេបចូលទៅក្នុងពោះ វាច្រើនតែច្រាលមកបំពង់កវិញ។
អាការៈញឹកញាប់នៃការច្រាលទឹកអាស៊ីតចេញពីក្រពះមានដូចជា៖
ក្រហាយដើមទ្រូង៖ មានអារម្មណ៍ថាក្រហាយៗ ឬមិនស្រួលក្នុងពោះ ទ្រូង ឬដល់បំពង់ក
ភឺ៖ ការភឺនេះគឺជាអារម្មណ៍ដឹងថាក្នុងមាត់ជូរដោយសារតែមានអ្វីមួយចេញពីក្រពះច្រាលដល់បំពង់ក
អាការៈផ្សេងៗទៀត៖
ហើមពោះ និងត្អើក
ក្អួតមានឈាម និងលាមក
ពិបាកលេបអាហារ
ចង្អោ
ស្រកទម្ងន់ដោយគ្មានមូលហេតុ
ការផ្លាស់ប្តូររបៀបរស់នៅដើម្បីដោះស្រាយបញ្ហាច្រាលទឹកអាស៊ីតពីក្រពះ៖
មិនត្រូវញ៉ាំអាហារច្រើនៗឡើយ ព្រោះវានឹងបង្កើនពេលវេលាអាហារក្នុងក្រពះកាន់តែយូរ ដូច្នេះយកល្អគួរតែញ៉ាំអាហារតិចៗតែច្រើនដងក្នុងមួយថ្ងៃ។
មិនត្រូវគេងភ្លាមឡើយក្រោយពីបាយរួច
ចៀសវាងការញ៉ាំអាហារមានជាតិខ្លាញ់ សូកូឡា កាហ្វេអ៊ីន អាហារហឹរ អាហារជូរៗជាដើម
ឈប់ជក់បារី ព្រោះវាជាដើមហេតុនាំឲ្យច្រាលទឹកអាស៊ីតពីក្រពះកាន់តែខ្លាំង
ចូរសាកល្បង និងសម្រកទម្ងន់ ព្រោះកាលណាមនុស្សធាត់ជ្រុលនឹងធ្វើឲ្យមានបញ្ហាច្រាលទឹកអាស៊ីតពីក្រពះកាន់តែខ្លាំង
ចូរធ្វើយ៉ាងណាឈរឲ្យត្រង់ ឬអង្គុយឲ្យត្រង់ខ្លួន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com