កីឡាអន្តរជាតិ
អន្តរជាតិ
ជំនួប Dortmund និង Monaco ត្រូវលើកពេល ព្រោះការបំផ្ទុះគ្រាប់បែក
×
ជំនួបរវាងក្រុម Borussia Dortmund និង Monaco ត្រូវបានរំសាយ ដោយសារមានការបំផ្ទុះគ្រាប់បែកនៅមុនការប្រកួតរវាងក្រុមទាំងពីរ ក្នុងពានរង្វាន់ Champions League វគ្គ៨ក្រុមចុងក្រោយកាលពីយប់មិញនេះ។ ក្រុមទាំងពីរ នឹងត្រូវប្រកួតនៅថ្ងៃទីយប់ថ្ងៃទី១២ ខែមេសានេះវិញ។
បើតាមការបញ្ជាក់ពីក្រុម Dortmund ខ្សែការពារ Marc Bartra បានរងរបួសបាក់កដៃក្នុងហេតុការណ៍បំផ្ទុះគ្រាប់បែកនេះ និងត្រូវបញ្ជូនទៅកាន់មន្ទីរពេទ្យ។ ក្រុមប៉លិសក៏បានបញ្ជាក់ផងដែរថា មានការបំផ្ទុះគ្រាប់បែកដល់ទៅ៣កន្លែង នៅជុំវិញកន្លែងចតឡានដឹកកីឡាករ របស់ក្រុម Borussia Dortmund។
យ៉ាងណាក៏គេមិនទាន់ដឹងថាអ្នកនៅពីក្រោយខ្នងនៃការបំផ្ទុះនេះនៅឡើយទេហើយក៏គ្មានភស្តុតាងណាដែលបង្ហាញថាវាជាអំពើរបស់អ្នកគាំទ្រនោះដែរ។
សម្រាប់ការប្រកួតរវាងក្រុមទាំងពីរ នឹងត្រូវលើកមកប្រកួតនៅយប់នេះវិញវេលាម៉ោង ១១:៤៥ នាទី [ម៉ោងនៅកម្ពុជា]៕
Tag:
បាល់ទាត់
ផ្ទុះគ្រាប់បែក
Dortmund
Champions League
© រក្សាសិទ្ធិដោយ thmeythmey.com