ជាតិ
រថយន្ត
ក្រសួង ផ្ដល់សិទ្ធិឲ្យហាងលក់យានយន្ត ចុះបញ្ជីរថយន្តជូនអតិថិជន ចាប់ពីខែកក្កដាតទៅ
×![]()
ភ្នំពេញ៖ ក្រសួងសាធារណការ និងដឹកជញ្ជូន អនុញ្ញាតឲ្យហាងលក់យានយន្ត មានសិទ្ធិចុះបញ្ជីរថយន្តតាមប្រព័ន្ធអនឡាញ ដើម្បីផ្ដល់បណ្ណសម្គាល់ និងបំពាក់ស្លាកលេខជូនអតិថិជនរបស់ខ្លួននៅហាងតែម្ដង។ ចាប់ពីថ្ងៃទី១ខែកក្កដាខាងមុខនេះ ការចុះបញ្ជីរថយន្តនៅមន្ទីរសាធារណការនិងដឹកជញ្ជូនរាជធានី ខេត្ត ឬទីតាំងផ្ដល់សេវាសាធារណៈដទៃទៀត មិនត្រូវបានអនុញ្ញាតឡើយ។ នេះបើតាមសេចក្ដីជូនដំណឹងរបស់ក្រសួង នៅថ្ងៃទី៧ខែមេសា។
ដើម្បីបង្កភាពងាយស្រួលដល់ពលរដ្ឋ ក្រសួងសាធារណការបានអនុញ្ញាតឲ្យហាងលក់យានយន្តទាំងអស់មានសិទ្ធិចុះបញ្ជីយានយន្តតាមប្រព័ន្ធអនឡាញ ដើម្បីផ្ដល់បណ្ណសម្គាល់ និងបំពាក់ស្លាកលេខ ជូនអតិថិជនរបស់ខ្លួននៅហាងតែម្ដង។
បើតាមសេចក្ដីជូនដំណឹងរបស់ក្រសួងសាធារណៈការ ហាងនីមួយៗត្រូវមានលិខិតអនុញ្ញាតបំពេញបែបបទចុះបញ្ជីយានយន្តពីអគ្គនាយកដ្ឋានដឹកជញ្ជូនផ្លូវគោក ចាប់ពីថ្ងៃទី១ខែកក្កដាឆ្នាំ២០១៧ ហើយត្រូវធានាថា យានយន្តដែលបានលក់ជូនអតិថិជនពីហាងរបស់ខ្លួនត្រូវមានបណ្ណសម្គាល់ និងបំពាក់ស្លាក់លេខ ដើម្បីអាចធ្វើចរាចរណ៍លើផ្លូវថ្នល់បាន។
សេចក្ដីជូនដំណឹងដដែលបានបន្តថា ម្ចាស់យានយន្តត្រូវស្នើសុំចុះបញ្ជីយានយន្តរបស់ខ្លួននៅហាងលក់យានយន្ត។ ក្រសួងសាធារណៈការបានបញ្ជាក់ដូច្នេះថា៖«ការចុះបញ្ជីយានយន្តនៅមន្ទីរសាធារណការ និងដឹកជញ្ជូនរាធានី ខេត្ត ឬទីតាំងផ្ដល់សេវាសាធារណៈដទៃទៀតមិនត្រូវបានអនុញ្ញាតឡើយ ចាប់ពីថ្ងៃទី១ខែកក្កដាឆ្នាំ២០១៧ »។
កាលពីថ្ងៃទី៥ខែមេសា ក្រសួងបានចេញសេចក្ដីណែនាំមួយ ដើម្បីបញ្ឈប់ការចុះបញ្ជីទោចក្រយានយន្ត (ម៉ូតូ) នៅមន្ទីរសាធារណការ និងដឹកជញ្ជូនរាជធានី ខេត្ត ដោយប្រគល់សិទ្ធិនេះទៅការិយាល័យច្រកចេញចូលតែមួយរបស់រដ្ឋបាលខណ្ឌនៃរាជធានី និងខេត្ត អនុវត្តសាកល្បងមុខងារចុះបញ្ជីតាមអនឡាញនេះ។ ចំពោះការិយាល័យច្រកចេញចូលនៅតាមរាជធានី ខេត្តណាដែលមិនទាន់ត្រៀមលក្ខណៈរួចរាល់ មន្ទីរសាធារណការនៅតែបន្តផ្ដល់សេវាចុះបញ្ជីទោចក្រយានយន្តដែលស្ថិតនៅក្នុងដែនសមត្ថកិច្ចរបស់ខ្លួន។
លោក ពៅ ម៉ាលី អគ្គនាយកនៃអគ្គនាយកដ្ឋានដឹកជញ្ជូននៃក្រសួងសាធារណការ និងដឹកជញ្ជូន បានប្រាប់សារព័ត៌មានថ្មីៗថា ការចុះបញ្ជីទាំងរថយន្ត និងម៉ូតូ អាចធ្វើបាននៅហាងលក់យានយន្ត។ ប៉ុន្តែករណីមួយទៀតនោះ គឺម្ចាស់ម៉ូតូក៏អាចសុំចុះបញ្ជីនៅការិយាល័យច្រកចេញចូលតែមួយបានដែរ។
សូមបញ្ជាក់ថា ក្រសួងសាធារណការ បានបើកឲ្យដំណើរការប្រព័ន្ធចុះបញ្ជីយានយន្តតាមអនឡាញ ចាប់ពីថ្ងៃទី៣០ខែមករាឆ្នាំនេះ។ ហើយក្រសួងបានដាក់ចេញផែនការឲ្យមានការចុះបញ្ជីយានយន្តតាមប្រព័ន្ធស្វយប្រវត្តិកម្មនេះ នៅគ្រប់ហាងលក់យានយន្តនៅទូទាំងប្រទេស៕
ដើម្បីបង្កភាពងាយស្រួលដល់ពលរដ្ឋ ក្រសួងសាធារណការបានអនុញ្ញាតឲ្យហាងលក់យានយន្តទាំងអស់មានសិទ្ធិចុះបញ្ជីយានយន្តតាមប្រព័ន្ធអនឡាញ ដើម្បីផ្ដល់បណ្ណសម្គាល់ និងបំពាក់ស្លាកលេខ ជូនអតិថិជនរបស់ខ្លួននៅហាងតែម្ដង។
បើតាមសេចក្ដីជូនដំណឹងរបស់ក្រសួងសាធារណៈការ ហាងនីមួយៗត្រូវមានលិខិតអនុញ្ញាតបំពេញបែបបទចុះបញ្ជីយានយន្តពីអគ្គនាយកដ្ឋានដឹកជញ្ជូនផ្លូវគោក ចាប់ពីថ្ងៃទី១ខែកក្កដាឆ្នាំ២០១៧ ហើយត្រូវធានាថា យានយន្តដែលបានលក់ជូនអតិថិជនពីហាងរបស់ខ្លួនត្រូវមានបណ្ណសម្គាល់ និងបំពាក់ស្លាក់លេខ ដើម្បីអាចធ្វើចរាចរណ៍លើផ្លូវថ្នល់បាន។
សេចក្ដីជូនដំណឹងដដែលបានបន្តថា ម្ចាស់យានយន្តត្រូវស្នើសុំចុះបញ្ជីយានយន្តរបស់ខ្លួននៅហាងលក់យានយន្ត។ ក្រសួងសាធារណៈការបានបញ្ជាក់ដូច្នេះថា៖«ការចុះបញ្ជីយានយន្តនៅមន្ទីរសាធារណការ និងដឹកជញ្ជូនរាធានី ខេត្ត ឬទីតាំងផ្ដល់សេវាសាធារណៈដទៃទៀតមិនត្រូវបានអនុញ្ញាតឡើយ ចាប់ពីថ្ងៃទី១ខែកក្កដាឆ្នាំ២០១៧ »។
កាលពីថ្ងៃទី៥ខែមេសា ក្រសួងបានចេញសេចក្ដីណែនាំមួយ ដើម្បីបញ្ឈប់ការចុះបញ្ជីទោចក្រយានយន្ត (ម៉ូតូ) នៅមន្ទីរសាធារណការ និងដឹកជញ្ជូនរាជធានី ខេត្ត ដោយប្រគល់សិទ្ធិនេះទៅការិយាល័យច្រកចេញចូលតែមួយរបស់រដ្ឋបាលខណ្ឌនៃរាជធានី និងខេត្ត អនុវត្តសាកល្បងមុខងារចុះបញ្ជីតាមអនឡាញនេះ។ ចំពោះការិយាល័យច្រកចេញចូលនៅតាមរាជធានី ខេត្តណាដែលមិនទាន់ត្រៀមលក្ខណៈរួចរាល់ មន្ទីរសាធារណការនៅតែបន្តផ្ដល់សេវាចុះបញ្ជីទោចក្រយានយន្តដែលស្ថិតនៅក្នុងដែនសមត្ថកិច្ចរបស់ខ្លួន។
លោក ពៅ ម៉ាលី អគ្គនាយកនៃអគ្គនាយកដ្ឋានដឹកជញ្ជូននៃក្រសួងសាធារណការ និងដឹកជញ្ជូន បានប្រាប់សារព័ត៌មានថ្មីៗថា ការចុះបញ្ជីទាំងរថយន្ត និងម៉ូតូ អាចធ្វើបាននៅហាងលក់យានយន្ត។ ប៉ុន្តែករណីមួយទៀតនោះ គឺម្ចាស់ម៉ូតូក៏អាចសុំចុះបញ្ជីនៅការិយាល័យច្រកចេញចូលតែមួយបានដែរ។
សូមបញ្ជាក់ថា ក្រសួងសាធារណការ បានបើកឲ្យដំណើរការប្រព័ន្ធចុះបញ្ជីយានយន្តតាមអនឡាញ ចាប់ពីថ្ងៃទី៣០ខែមករាឆ្នាំនេះ។ ហើយក្រសួងបានដាក់ចេញផែនការឲ្យមានការចុះបញ្ជីយានយន្តតាមប្រព័ន្ធស្វយប្រវត្តិកម្មនេះ នៅគ្រប់ហាងលក់យានយន្តនៅទូទាំងប្រទេស៕
Tag:
ចុះបញ្ជីយានយន្ត
© រក្សាសិទ្ធិដោយ thmeythmey.com
