កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
John Terry នឹងចាកចេញពីក្លិបតោខៀវ Chelsea នៅចុងបញ្ចប់រដូវកាលនេះហើយ បន្ទាប់ពីរួមរស់ក្នុងទឹកដី Stamford Bridge អស់រយៈពេល២ទសវត្សរ៍។
ក្រុមតោខៀវ Chelsea និង John Terry បានប្រកាសពីការសម្រេចចិត្តរួមគ្នាមួយអំពីការចាកចេញរបស់ខ្សែការពារចាស់វស្សានេះ នៅពេលបញ្ចប់រដូវកាលខាងមុខ។ អតីតខ្សែការពារសញ្ជាតិអង់គ្លេស វ័យ៣៦ឆ្នាំនេះ បានបង្ហាញខ្លួនឲ្យតោខៀវ ៧១៣ប្រកួត គិតចាប់ពីឆ្នាំ១៩៩៨មក និងស៊ុតបញ្ចូលទីបាន៦៦គ្រាប់។ Terry ក៏ត្រូវបានចាត់ទុកថាជាកីឡាករដែលកាន់តំណែងជាប្រធានក្រុមល្អបំផុតសម្រាប់ក្រុមផងដែរ ដោយបង្ហាញខ្លួនជាប្រធានក្រុមរហូតដល់៥៧៨ប្រកួត។
«២២ឆ្នាំកន្លងមកគឺមានរឿងច្រើនណាស់ដែលត្រូវនិយាយ និងត្រូវអរគុណសម្រាប់មនុស្សជាច្រើនៅក្នុងក្លិបដ៏អស្ចារ្យនេះ។ គ្រូបង្វឹក មិត្តរួមក្រុម និងបុគ្គលិក រួមទាំងអ្នកគាំទ្រដែលតែងតែផ្តល់ការគាំទ្រយ៉ាងច្រើនដល់ខ្ញុំក្នុងរយៈពេល២ទសវត្សរ៍កន្លងមកនេះ សម្រាប់ពាក្យអរគុណរបស់ខ្ញុំគឺមិនគ្រប់គ្រាន់ទេទៅកាន់អ្នកទាំងអស់គ្នា»។ នេះជាការលើកឡើងរបស់ John Terry ដែលស្រង់ដោយវេបសាយផ្លូវការរបស់ Chelsea កាលពីថ្ងៃទី១៧ ខែមេសានេះ។
ប្រធានក្រុមវ័យ៣៦ឆ្នាំនេះបានបន្ថែមទៀតថា៖«ខ្ញុំនឹងសម្រេចលើអនាគតរបស់ខ្ញុំនាពេលខាងមុខ ប៉ុន្តែនៅពេលនេះខ្ញុំប្តេជ្ញាចិត្តដើម្បីជួយដល់ក្រុមនេះឲ្យទទួលបានជោគជ័យនៅរដូវកាលនេះសិន»។
តាំងពីចូលរួមជាមួយ Chelsea ក្នុងវ័យត្រឹម១៤ឆ្នាំ Terry បានជួយឲ្យក្រុមដែលមានមូលដ្ឋានក្នុងទីក្រុងឡុងដ៏ឈ្នះពាន UEFA Champions League ១លើក ពានលំដាប់កំពូលអង់គ្លេស Premier League ៤សម័យកាល FA Cup ៥ដង និង League Cup ៣ដង។ ទ្រនំថ្មីរបស់អតីតសមាជិកក្រុមជម្រើសជាតិអង់គ្លេសរូបនេះ ប្រហែលជានឹងទៅចូលរួមជាមួយក្រុមក្នុងលីកកំពូលអាមេរិក MLS នៅរដូលកាលក្រោយនេះ៕
ក្រុមតោខៀវ Chelsea និង John Terry បានប្រកាសពីការសម្រេចចិត្តរួមគ្នាមួយអំពីការចាកចេញរបស់ខ្សែការពារចាស់វស្សានេះ នៅពេលបញ្ចប់រដូវកាលខាងមុខ។ អតីតខ្សែការពារសញ្ជាតិអង់គ្លេស វ័យ៣៦ឆ្នាំនេះ បានបង្ហាញខ្លួនឲ្យតោខៀវ ៧១៣ប្រកួត គិតចាប់ពីឆ្នាំ១៩៩៨មក និងស៊ុតបញ្ចូលទីបាន៦៦គ្រាប់។ Terry ក៏ត្រូវបានចាត់ទុកថាជាកីឡាករដែលកាន់តំណែងជាប្រធានក្រុមល្អបំផុតសម្រាប់ក្រុមផងដែរ ដោយបង្ហាញខ្លួនជាប្រធានក្រុមរហូតដល់៥៧៨ប្រកួត។
«២២ឆ្នាំកន្លងមកគឺមានរឿងច្រើនណាស់ដែលត្រូវនិយាយ និងត្រូវអរគុណសម្រាប់មនុស្សជាច្រើនៅក្នុងក្លិបដ៏អស្ចារ្យនេះ។ គ្រូបង្វឹក មិត្តរួមក្រុម និងបុគ្គលិក រួមទាំងអ្នកគាំទ្រដែលតែងតែផ្តល់ការគាំទ្រយ៉ាងច្រើនដល់ខ្ញុំក្នុងរយៈពេល២ទសវត្សរ៍កន្លងមកនេះ សម្រាប់ពាក្យអរគុណរបស់ខ្ញុំគឺមិនគ្រប់គ្រាន់ទេទៅកាន់អ្នកទាំងអស់គ្នា»។ នេះជាការលើកឡើងរបស់ John Terry ដែលស្រង់ដោយវេបសាយផ្លូវការរបស់ Chelsea កាលពីថ្ងៃទី១៧ ខែមេសានេះ។
ប្រធានក្រុមវ័យ៣៦ឆ្នាំនេះបានបន្ថែមទៀតថា៖«ខ្ញុំនឹងសម្រេចលើអនាគតរបស់ខ្ញុំនាពេលខាងមុខ ប៉ុន្តែនៅពេលនេះខ្ញុំប្តេជ្ញាចិត្តដើម្បីជួយដល់ក្រុមនេះឲ្យទទួលបានជោគជ័យនៅរដូវកាលនេះសិន»។
តាំងពីចូលរួមជាមួយ Chelsea ក្នុងវ័យត្រឹម១៤ឆ្នាំ Terry បានជួយឲ្យក្រុមដែលមានមូលដ្ឋានក្នុងទីក្រុងឡុងដ៏ឈ្នះពាន UEFA Champions League ១លើក ពានលំដាប់កំពូលអង់គ្លេស Premier League ៤សម័យកាល FA Cup ៥ដង និង League Cup ៣ដង។ ទ្រនំថ្មីរបស់អតីតសមាជិកក្រុមជម្រើសជាតិអង់គ្លេសរូបនេះ ប្រហែលជានឹងទៅចូលរួមជាមួយក្រុមក្នុងលីកកំពូលអាមេរិក MLS នៅរដូលកាលក្រោយនេះ៕
Tag:
បាល់ទាត់
John Terry
Chelsea
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
