Anthony Martial បា​នរក​គ្រាប់​បាល់​ទី​២៥​របស់ខ្លួន​ឲ្យ​បិសាច​ក្រហម នា​ការប្រកួត​ជាមួយ​ក្រុម Burnley កាលពី​រាត្រី​ថ្ងៃទី​២៣ ខែមេសា​។ មួយ​គ្រាប់​នេះ តម្រូវ​ឲ្យ Man Utd បង់ប្រាក់​ទៅ​ឲ្យ​ក្លិប AS Monaco ចំនួន ១១​លាន​ដុល្លារ​។ មូលហេតុ​ដែល​ត្រូវ​ចំណាយ​ប្រាក់​ច្រើន​នេះ​ដោយសារ​មាន​កិច្ចសន្យា​រវាង​ក្រុម Manchester United និង Monaco ប្រសិនបើ Martial អា​ចរក​គ្រាប់​បាល់​បាន​២៥​គ្រាប់​នោះ ក្រុម​ដែល​កំពុង​នាំមុខ​ក្នុង​ក្របខណ្ឌ​កំពូល​របស់​បារាំង​នេះ នឹង​ទទួលបាន​១១​លាន​ដុល្លារ​បន្ថែមទៀត​ពី Man Utd​។​

  
 

​ខ្សែប្រយុទ្ធ​អន្តរជាតិ​បារាំង វ័យ​២១​ឆ្នាំ បាន​ផ្លាស់​ពី Monaco ទៅកាន់​ទឹកដី Old Trafford កាលពី​ឆ្នាំ​២០១៥ ក្នុង​តំលៃ​ផ្ទេរ​រហូតដល់ ៤២​លាន​ផោន​(​ជិត​៥៤​លាន​ដុល្លារ​) ប៉ុន្តែ Man Utd បាន​បង់ប្រាក់​មុន​តែ ៣២​លាន​ផោន​(៤០​លាន​ដុល្លារ​)​ប៉ុណ្ណោះ​។ ចំណែក​ទឹកប្រាក់​ដែល​នៅសល់​នឹងត្រូវ​បង់​នៅពេលដែល Martial អា​ចរក​គ្រាប់​បាល់​បាន​២៥​គ្រាប់ ដែល​នេះ​ជា​លក្ខខណ្ឌ​កិច្ចសន្យា​ពិសេស​រវាង​ក្លិប​ទាំងពីរ​។​

  
 

​លើសពីនេះទៅទៀត​នោះ​ប្រសិនបើ ខ្សែប្រយុទ្ធ​វ័យក្មេង​ដែល​បង្ហាញខ្លួន​ឲ្យ​ក្រុម​ជម្រើសជាតិ​បារាំង​២៥​ដង​នេះ អាច​ឈ្នះ​ពាន Ballon d'Or​ទៀត​នោះ ម្ចាស់​ជើងឯក Premier League ២០​សម័យកាល Manchester United នឹង​ផ្តល់ប្រាក់​ទៅ Monaco ចំនួន​១១​លាន​ដុល្លារ​បន្ថែមទៀត​៕

​  

 

​