ពីនេះ ពីនោះ
ព័ត៍មានសុខភាព
សុខភាព៖ រឿង ៣យ៉ាងដែលធ្វើឲ្យរន្ធញើសចេះតែរីកធំ
× បើយើងនិយាយដល់រឿងរន្ធញើសលើស្បែក គឺជាច្រកចេញមួយនៃជាតិប្រេងសេបូមដែលមាននាទីផ្តល់ភាពរំអិលដល់ស្បែក។ ប្រេងនេះសំខាន់ណាស់សម្រាប់ថែរក្សាស្បែកឲ្យមានសុខភាពល្អ ហើយក៏ជារបាំងការពារស្បែកកុំឲ្យស្ងួតផងដែរ។
យ៉ាងណាមិញ ទំហំរបស់រន្ធញើសជាទូទៅត្រូវបានកំណត់ដោយហ្សែន។ ប៉ុន្តែខាងក្រោមនេះគឺជាកត្តាដ៏ចំបងបំផុតដែលនាំឲ្យរន្ធញើសរីកកាន់តែធំទៅៗ៖
អាយុ
រន្ធោះសអាចនឹងទៅជាធំទៅៗបាននៅពេលអ្នកអាយុកាន់តែច្រើន ដោយសារតែ ប្រូតេអ៊ីនសម្រាប់រក្សារចនាសម្ព័ន្ធរបស់ស្បែកមានការថយចុះ ដែលជាហេតុនាំឲ្យរន្ធញើសទៅជាបាត់បង់ការទ្រទ្រង់ និងរីកធំតែម្តង។
ប្រភេទរបស់ស្បែក
បើសិនជាស្បែកអ្នកមានប្រេងច្រើន ហើយកោសិការងាប់ៗរបស់ស្បែកមានច្រើនដែលធ្វើឲ្យស្ទះរន្ធញើសទៀតនោះ នឹងធ្វើឲ្យវាកាន់តែរីកធំ។ អ្នកដែលមានស្បែកមុខ ថ្ងាស ចង្កា និងច្រមុះមានជាតិប្រេងច្រើន ប្រហែលជាប្រឈមខ្លាំងនឹងបញ្ហារន្ធញើសរីកធំ។
គ្រឿងស្រវឹង
ការញ៉ាំគ្រឿងស្រវឹងរ៉ាំរ៉ៃមិនមែនមានផលអាក្រក់ចំពោះតែថ្លើមទេ តែក៏អាចបណ្តាលឲ្យសរសៃឈាម និងក្រពេញញើសរីកធំដែរ។ មានន័យថា រន្ធញើសកាន់តែធំជាពិសេសនៅតំបន់ចង្កា និងច្រមុះតែម្តង៕
ផ្តល់សិទ្ធិដោយ៖ www.health.com.kh
© រក្សាសិទ្ធិដោយ thmeythmey.com