ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
ពិព័រណ៌ STEM ជំរុញយុវជនខ្មែរឲ្យកាន់តែចាប់អារម្មណ៍ជំនាញវិទ្យាសាស្ត្រ
02, May 2017 ,
8:19 am
រូបភាព
ប្រភពរូបថត៖ STEM Education Organization for Cambodia
×
ដោយ:
មហោស្រពពិព័រណ៍វិទ្យាសាស្ត្រ បច្ចេកវិទ្យា វិសកម្ម និងគណិតវិទ្យានៅកម្ពុជាលើកទី១៣ (13th Annual Cambodia STEM Festival) រយៈពេល២ថ្ងៃ នៅកោះពេជ្រ កាលពីចុងសប្តាហ៍កន្លងមក បានទាក់ទាញចំណាប់អារម្មណ៍យុវជនខ្មែរឲ្យចាប់អារម្មណ៍លើជំនាញវិទ្យាសាស្ត្រកាន់តែច្រើន។
សិស្ស និស្សិត ពីតាមបណ្តាសាលានានានៅរាជធានីភ្នំពេញ បានជួបជុំគ្នានៅមជ្ឈមណ្ឌលកោះពេជ្រ កាលពីចុងសប្តាហ៍កន្លងមក នៅក្នុងកម្មវិធីមហោស្រពពិព័រណ៍វិទ្យាសាស្ត្រកម្ពុជាលើកទី១៣ ដែលបានរៀបចំឡើងដោយសហការគ្នារវាង ក្រសួងអប់រំយុវជន និងកីឡា អង្គការមហោស្រពពិព័រណ៍វិទ្យាសាស្ត្រកម្ពុជា និងអង្គការស្ទែមកម្ពុជាសម្រាប់ប្រទេសកម្ពុជា (STEM Education Organization for Cambodia)។
មហោស្រពពិព័រណ៌ STEM ដែលឈានចូលដល់ឆ្នាំទី១៣នោះ បានក្លាយជាកម្លាំងចលករដ៏សំខាន់ក្នុងការទាក់ទាញយុវជនខ្មែរឲ្យចាប់អារម្មណ៍អាជីពជំនាញផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា ដោយពិរព័រណ៌ បានបង្ហាញនូវការស្រាវជ្រាវ និងការរកឃើញថ្មីៗ របស់យុវជនខ្មែរ និងបរទេស ដែលក្នុងនោះ មានដូចជា មនុស្សយន្ត មនុស្សយន្តក្រដាស បច្ចេកវិទ្យាច្នៃក្រដាសដែលដុតលុយមិនឆេះ វិធីសាស្ត្រការពារបរិស្ថាន ប្លង់កីឡដ្ឋាន គម្រោងប្លង់នានា ការចាក់រូបជា 3D និងផ្ទះសិប្បនិម្មិត ជាដើម។
ផន រដ្ឋា សិស្សសាលាអន្តរជាតិហ្សាមែន ដែលចូលរួមពិព័រណ៌ស្ទែមជាលើកដំបូង មានការភ្ញាក់ផ្អើលយ៉ាងខ្លាំង ដោយបានឃើញស្នាដៃវិទ្យាសាស្ត្រនានា។ យុវជនវ័យប្រមាណ២០ឆ្នាំរូបរូបនេះ ចង់ឃើញការតាំងបង្ហាញបែបនេះ នៅឆ្នាំក្រោយៗទៀត ដោយសង្ឃឹមថា នឹងមានរបកគំហើញថ្មីបន្ថែម។
បើតាម ផាក វ៉ាឌី មកពីសាលាវិទ្យាល័យបាក់ទូក មហោស្រពពិព័រណ៍វិទ្យាសាស្ត្រនេះ ផ្ដល់ប្រយោជន៍ដល់អ្នកចូលរួម ជាពិសេសសិស្សានុសិស្សក្នុងការពង្រីកចំណេះដឹងខ្លួនផ្នែកវិទ្យាសាស្ត្រ។ កញ្ញា ធីតា ដែលនៅសាលាដូច រ៉ាឌី ដែរនោះ បានអះអាងថា ពិព័រណ៌នេះ ផ្តល់ឱកាសដល់រូបនាងក្នុងការស្វែងយល់ និងកើនចំណេះដឹងច្រើនជាងមុនទាក់ទងទាក់ទងនឹងជំនាញវិទ្យាសាស្ត្រ។
សម្រាប់ លី សៀវហ៊ួរ មកពីសាលាវិទ្យាល័យជាស៊ីមសាមគ្គី និង ណេង វីណា មកពីវិទ្យាល័យវត្តកោះ កន្លងមក គេធ្លាប់តែឮតៗគ្នាប៉ុណ្ណោះ ទាក់ទងនឹងពិព័រណ៌ស្ទែម ហើយនៅពេលដែលរូបគេបានមើលឃើញផ្ទាល់ភ្នែក ស្នាដៃកូនខ្មែរពិតជាអស្ចារ្យ និងគួរឲ្យកោតសរសើរ មិនចាញ់យុវជនបរទេសនោះឡើយ។
វាជាការលើកទឹកចិត្តឲ្យយុវជនងាកមកចាប់អារម្មណ៍កាន់តែខ្លាំងលើជំនាញវិទ្យាសាស្ត្រ ខណៈកន្លងមក មិនសូវមានការចាប់អារម្មណ៍។ នេះបើតាមទស្សនៈរបស់ សិស្សវិទ្យាល័យ ជា ស៊ីមសាមគ្គី កញ្ញា គីន កញ្ចនាពណ៌ និង ច័ន្ទ តារារស្មី មកពីវិទ្យាល័យបាក់ទូក៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អប់រំ
STEM
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
7 ថ្ងៃ
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
4 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
2 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
4 ថ្ងៃ
អត្ថបទពេញនិយមបន្ថែម