Alvarez អញ្ជើញគូប្រកួតបន្ទាប់ ឲ្យបង្ហាញមុខលើសង្វៀនភ្លាមៗ ក្រោយឈ្នះ Chavez Jr.

កីឡាអន្តរជាតិ

អន្តរជាតិ

Alvarez អញ្ជើញគូប្រកួតបន្ទាប់ ឲ្យបង្ហាញមុខលើសង្វៀនភ្លាមៗ ក្រោយឈ្នះ Chavez Jr.

07, May 2017 , 4:13 pm

រូបភាព

ដោយ: ទេព ពិទូរ្យ

Saul Canelo Alvarez បង្ហាញគូប្រកួតបន្ទាប់ភ្លាមៗ ក្រោយឈ្នះអ្នកប្រដាល់រួមជាតិម៉ិកស៊ិកដូចគ្នា គឺកីឡាករ Julio Cesar Chavez Jr នៅព្រឹកថ្ងៃអាទិត្យទី៧ ខែឧសភា នៅសង្វៀន MGM Grand Arena រដ្ឋ Nevada សហរដ្ឋអាមេរិក។

ក្រោយប្រកាសលទ្ធផលពីជ័យជម្នះរបស់ខ្លួនលើកីឡាករ Julio Cesar Chavez Jr. មិនទាន់បានប៉ុន្មាននាទីផង អ្នកប្រដាល់សញ្ជាតិម៉ិកស៊ិក វ័យ២៦ Canelo Alvarez រូបនេះ បានអញ្ជើញគូប្រកួតបន្ទាប់ឲ្យបង្ហាញខ្លួននៅលើសង្វៀនភ្លាមៗតែម្តង។ អ្នកប្រដាល់មិនដែលចាញ់ Gennady Gennadyevich Golovkin និងត្រូវជួប Alvarez នាការប្រកួតក្រោយ នៅថ្ងៃទី១៦ ខែកញ្ញា ឆ្នាំ២០១៧។

Canelo Alvarez ធ្លាប់ប្រកួត៥១ដងរាប់ទាំងការប្រកួតនេះ ឈ្នះ៤៩ដង ស្មើ១ដង និងចាញ់១ដង ហើយបរាជ័យ១លើកនោះគឺចាញ់ Floyd Mayweather កាលពីឆ្នាំ២០១៣។ ចំណែកអ្នកប្រដាល់សញ្ជាតិកាហ្សាក់ស្ថាន Gennady Golovkin វ័យ៣៥ឆ្នាំ មានប្រវត្តិប្រកួត ៣៧ ដង ឈ្នះទាំង ៣៧ ដង និងជាម្ចាស់ខ្សែក្រវាត់៤ស្ថាប័នផងដែរ គឺ WBA, WBC IBF, និង IBO ។ អ្នកទាំងពីរសុទ្ធតែធ្លាប់ផ្ដួលគូប្រកួតឱ្យសន្លប់លើសពី៣០ដងដូចគ្នា៕