ជាតិ
សេដ្ឋកិច្ច
ក្រសួងរ៉ែប្រកាសដាក់តំបន់រុករករ៉ែលោហៈចំនួន ៤កន្លែងសម្រាប់ឲ្យក្រុមហ៊ុនសុំអាជ្ញាបណ្ណ
×![]()
ភ្នំពេញ៖ក្រសួងរ៉ែ និងថាមពល ប្រកាសបើកតំបន់សម្បទានរ៉ែចំនួន៤ទីតាំង សម្រាប់ឲ្យក្រុមហ៊ុននានាដាក់ពាក្យសុំអាជ្ញាបណ្ណរុករករ៉ែលាហៈ (មាស ស្ពាន់ ប្រាក់…) នៅក្នុងតំបន់ទាំងនោហ។ នេះបើតាមសេចក្ដីជូនដំណឹងរបស់ក្រសួង ដែលចេញផ្សាយនៅថ្ងៃទី៧ឧសភា។
តំបន់រ៉ែទាំង ៤ នោះ មានដូចជា ទីតាំងទី១ស្ថិតក្នុងស្រុកស្នួលខេត្តក្រចេះ និងស្រុកកែវសីម៉ាខេត្តមណ្ឌលគិរី ដែលទំហំ ៧៤គីឡូម៉ែត្រក្រឡា។ ទីតាំងទី២គឺស្ថិតក្នុងស្រុកសំបូរខេត្តក្រចេះ និងស្រុកសណ្ដាន់ ខេត្តកំពង់ធំ ដែលមានផ្ទៃដីរុករករ៉ែ ៩៤គីឡូម៉ែត្រក្រឡា។ ទីតាំងទី៣ស្ថិតក្នុងស្រុកឈូកខេត្តកំពតលើផ្ទៃដី ១៥៩គីឡូម៉ែត្រក្រឡា។ និងទីតាំងទី៤ស្ថិតក្នុងស្រុកចិត្តបុរីនិងស្រុកសំបូរខេត្តក្រចេះ និងស្រុកកែវសីម៉ាខេត្តមណ្ឌលគិរី ផ្ទៃដី ១៩៨គីឡូម៉ែត្រក្រឡា។
ក្រសួងរ៉ែ និងថាមពល បើកទទួលពាក្យសុំអាជ្ញាបណ្ណរុករករ៉ែ ដល់ថ្ងៃទី៣០ខែឧសភាឆ្នាំនេះ និងប្រកាសលទ្ធផលក្រុមហ៊ុនដែលត្រូវបានជ្រើសរើស នៅថ្ងៃទី១៥ខែមិថុនាឆ្នាំនេះ នៅទីស្ដីការក្រសួង៕
Tag:
រ៉ែ
© រក្សាសិទ្ធិដោយ thmeythmey.com
