ជាតិ
សង្គមជាតិ
អ្នកបឹងកក់ សុំអន្តរាគមន៍ពីក្រសួងយុត្តិធម៌ ដើម្បីឲ្យដោះលែងលោកស្រី ទេព វន្នី
×![]()
ដោយ: ម៉ៅ សុផា
ភ្នំពេញ៖ ប្រជាពលរដ្ឋ និងសកម្មជនក្នុងតំបន់បឹងកក់ ប្រមាណជា២០នាក់ បាននាំគ្នាយកញត្តិទៅដាក់នៅក្រសួងយុត្តិធម៌ នៅថ្ងៃទី៩ ខែឧសភា ឆ្នាំ២០១៧នេះ ដើម្បីសុំអន្តរាគមន៍ លើករណីលោកស្រី ទេព វន្នី ដែលកំពុងជាប់ឃុំក្នុងពន្ធនាគារ។
គោលបំណងរបស់ប្រជាពលរដ្ឋទាំងនោះ គឺចង់ឲ្យក្រសួងយុត្តិធម៌ ធ្វើយ៉ាងណា ដើម្បីជំរុញឲ្យមានការសើរើសំណុំរឿងឡើងវិញ ហើយអាចឈានទៅដល់ដោះលែងលោកស្រី ទេព វន្នី ជាសកម្មជនបឹងកក់មួយរូប ដែលតែងតែតវ៉ារឿងដីធ្លីក្នុងតំបន់បឹងកក់។ ពួកគេ នៅតែយល់ថា ការចាប់លោកស្រី ទេព វន្នី ដាក់ពន្ធនាគារ ដោយសារតែតវ៉ារឿងដីធ្លឺ គឺជារឿងអយុត្តិធម៌។
«ដោះលែងទៅ! ដោះលែងលោកស្រី ទេព វន្នី ទៅ! អយុត្តិធម៌ណាស់! លោកស្រី ទេព វន្នី អត់មានទោសកំហុសទេ! »។ ប្រជាពលរដ្ឋក្នុងតំបន់បឹងកក់ បាននាំគ្នាស្រែកដូច្នេះដដែលៗ ដោយដៃរបស់ពួកគេ កាន់រូបរបស់លោកស្រី ទេព វន្នី នៅមុខក្រសួងយុត្តិធម៌។
លោកស្រី សុង ស្រីលាភ សកម្មជនបឹងកក់មួយរូប បាននិយាយបែបនេះថា៖«លោកស្រី ទេព វន្នី អត់មានទោសកំហុសអ្វីទេ។ ពួកយើង នៅតែចង់បញ្ជាក់ថា លោកស្រី ទេព វន្នី គឺជាមនុស្សស្អាតស្អំ។ ដូច្នេះ យើងសុំឲ្យក្រសួងយុត្តិធម៌ ជួយធ្វើយ៉ាងម៉េច ឲ្យមានការដោះលែងលោកស្រី ទេព វន្នី»។
បើតាមលោកស្រី សុង ស្រីលាភ ប្រជាពលរដ្ឋក្នុងតំបន់បឹងកក់ សង្ឃឹមថា ក្រសួងយុត្តិធម៌ នឹងយកចិត្តទុកដាក់ចំពោះសំណើរបស់ពួកគេ ហើយពិចារណាក្នុងការដោះលែងលោកស្រី ទេព វន្នី នៅក្នុងពិធីបុណ្យវិសាខបូជា ដែលនឹងប្រព្រឹត្តទៅ នៅថ្ងៃទី១០ ខែឧសភា ឆ្នាំ២០១៧ ខាងមុខនេះ។
យ៉ាងណា ក្រសួយយុត្តិធម៌ បានសម្រេចរួចហើយ ទាក់ទងនឹងសំណើសុំលើកលែងនិងបន្ធូរបន្ថយទោសដល់អ្នកទោស។ កិច្ចប្រជុំនោះ បានសម្រេចថា ឈ្មោះអ្នកទោសចំនួន៣៥នាក់ នឹងត្រូវថ្វាយទៅកាន់ព្រះមហាក្សត្រ ដើម្បីឲ្យព្រះអង្គឡាយព្រះហត្ថ បន្ធូរបន្ថយទោស ក្នុងពិធីបុណ្យវិសាខបូជា។ ចំណែកឯ ឈ្មោះអ្នកទោស ដែលនឹងត្រូវថ្វាយទៅព្រះមហាក្សត្រ ដើម្បីសុំព្រះរាជទាន ឲ្យដោះលែងនោះ គឺពុំមានឡើយ។
សូមបញ្ជាក់ថា លោកស្រី ទេព វន្នី ត្រូវបានសាលាដំបូងរាជធានីភ្នំពេញ ចោទពីបទ «ប្រមាថ និងប្រឆាំងអ្នករាជការសាធារណៈមានស្ថានទម្ងន់ទោស» ពាក់ព័ន្ធនឹងអំពើហិង្សានៅមុខផ្ទះសម្តេច ហ៊ុន សែន កាលពីឆ្នាំ២០១៣។ សាលាដំបូងរាជធានីភ្នំពេញ ក៏ចាប់ផ្តើមសើរើសំណុំរឿងនេះ ឡើងវិញ ចុងឆ្នាំ២០១៦។ ក្នុងអំឡុងខែកញ្ញា ឆ្នាំ២០១៦ លោកស្រី ទេព វន្នី និងសកម្មជនដីធ្លី៣នាក់ទៀត ក៏ត្រូវបានចៅក្រមនៃសាលាដំបូងរាជធានីភ្នំពេញ សម្រេចឲ្យផ្តន្ទាទោស ឲ្យជាប់ពន្ធនាគាររយៈពេល៦ខែ។ ប៉ុន្តែ សកម្មជនបឹងកក៣នាក់ទៀត ត្រូវបានដោះលែងឲ្យមានសេរីភាពឡើងវិញ។ ចំណែកឯ លោកស្រី ទេព វន្នី នៅតែជាប់ឃុំ រហូតដល់បច្ចុប្បន្ន៕
គោលបំណងរបស់ប្រជាពលរដ្ឋទាំងនោះ គឺចង់ឲ្យក្រសួងយុត្តិធម៌ ធ្វើយ៉ាងណា ដើម្បីជំរុញឲ្យមានការសើរើសំណុំរឿងឡើងវិញ ហើយអាចឈានទៅដល់ដោះលែងលោកស្រី ទេព វន្នី ជាសកម្មជនបឹងកក់មួយរូប ដែលតែងតែតវ៉ារឿងដីធ្លីក្នុងតំបន់បឹងកក់។ ពួកគេ នៅតែយល់ថា ការចាប់លោកស្រី ទេព វន្នី ដាក់ពន្ធនាគារ ដោយសារតែតវ៉ារឿងដីធ្លឺ គឺជារឿងអយុត្តិធម៌។
«ដោះលែងទៅ! ដោះលែងលោកស្រី ទេព វន្នី ទៅ! អយុត្តិធម៌ណាស់! លោកស្រី ទេព វន្នី អត់មានទោសកំហុសទេ! »។ ប្រជាពលរដ្ឋក្នុងតំបន់បឹងកក់ បាននាំគ្នាស្រែកដូច្នេះដដែលៗ ដោយដៃរបស់ពួកគេ កាន់រូបរបស់លោកស្រី ទេព វន្នី នៅមុខក្រសួងយុត្តិធម៌។
លោកស្រី សុង ស្រីលាភ សកម្មជនបឹងកក់មួយរូប បាននិយាយបែបនេះថា៖«លោកស្រី ទេព វន្នី អត់មានទោសកំហុសអ្វីទេ។ ពួកយើង នៅតែចង់បញ្ជាក់ថា លោកស្រី ទេព វន្នី គឺជាមនុស្សស្អាតស្អំ។ ដូច្នេះ យើងសុំឲ្យក្រសួងយុត្តិធម៌ ជួយធ្វើយ៉ាងម៉េច ឲ្យមានការដោះលែងលោកស្រី ទេព វន្នី»។
បើតាមលោកស្រី សុង ស្រីលាភ ប្រជាពលរដ្ឋក្នុងតំបន់បឹងកក់ សង្ឃឹមថា ក្រសួងយុត្តិធម៌ នឹងយកចិត្តទុកដាក់ចំពោះសំណើរបស់ពួកគេ ហើយពិចារណាក្នុងការដោះលែងលោកស្រី ទេព វន្នី នៅក្នុងពិធីបុណ្យវិសាខបូជា ដែលនឹងប្រព្រឹត្តទៅ នៅថ្ងៃទី១០ ខែឧសភា ឆ្នាំ២០១៧ ខាងមុខនេះ។
យ៉ាងណា ក្រសួយយុត្តិធម៌ បានសម្រេចរួចហើយ ទាក់ទងនឹងសំណើសុំលើកលែងនិងបន្ធូរបន្ថយទោសដល់អ្នកទោស។ កិច្ចប្រជុំនោះ បានសម្រេចថា ឈ្មោះអ្នកទោសចំនួន៣៥នាក់ នឹងត្រូវថ្វាយទៅកាន់ព្រះមហាក្សត្រ ដើម្បីឲ្យព្រះអង្គឡាយព្រះហត្ថ បន្ធូរបន្ថយទោស ក្នុងពិធីបុណ្យវិសាខបូជា។ ចំណែកឯ ឈ្មោះអ្នកទោស ដែលនឹងត្រូវថ្វាយទៅព្រះមហាក្សត្រ ដើម្បីសុំព្រះរាជទាន ឲ្យដោះលែងនោះ គឺពុំមានឡើយ។
សូមបញ្ជាក់ថា លោកស្រី ទេព វន្នី ត្រូវបានសាលាដំបូងរាជធានីភ្នំពេញ ចោទពីបទ «ប្រមាថ និងប្រឆាំងអ្នករាជការសាធារណៈមានស្ថានទម្ងន់ទោស» ពាក់ព័ន្ធនឹងអំពើហិង្សានៅមុខផ្ទះសម្តេច ហ៊ុន សែន កាលពីឆ្នាំ២០១៣។ សាលាដំបូងរាជធានីភ្នំពេញ ក៏ចាប់ផ្តើមសើរើសំណុំរឿងនេះ ឡើងវិញ ចុងឆ្នាំ២០១៦។ ក្នុងអំឡុងខែកញ្ញា ឆ្នាំ២០១៦ លោកស្រី ទេព វន្នី និងសកម្មជនដីធ្លី៣នាក់ទៀត ក៏ត្រូវបានចៅក្រមនៃសាលាដំបូងរាជធានីភ្នំពេញ សម្រេចឲ្យផ្តន្ទាទោស ឲ្យជាប់ពន្ធនាគាររយៈពេល៦ខែ។ ប៉ុន្តែ សកម្មជនបឹងកក៣នាក់ទៀត ត្រូវបានដោះលែងឲ្យមានសេរីភាពឡើងវិញ។ ចំណែកឯ លោកស្រី ទេព វន្នី នៅតែជាប់ឃុំ រហូតដល់បច្ចុប្បន្ន៕
Tag:
បឹងកក់
ទេព វន្នី
ក្រសួងយុត្តិធម៌
© រក្សាសិទ្ធិដោយ thmeythmey.com
