ពីនេះ ពីនោះ
ព័ត៍មានសុខភាព
អស្ចារ្យម្លឹងផង គ្រាន់តែយកស្លឹកត្របែកធ្វើតែផឹកសោះ!!!
×
ផ្លែត្របែកកំពុងតែមានការចាប់អារម្មណ៍ខ្លាំងដោយសារតែគុណប្រយោជន៍ចំពោះសុខភាពរបស់វាមកលើមនុស្សយើង។ ប៉ុន្តែតើអ្នកមានដឹងទេថា សូម្បីតែស្លឹករបស់វាក៏មានប្រយោជន៍ដែរ ដោយសារតែវាជាប្រភពនៃជីវជាតិ។
ស្លឹកត្របែកសម្បូរទៅដោយសារធាតុសម្លាប់បាក់តេរី ប្រឆាំងការរលាក និងអង់ទីអុកស៊ិដង់ ដែលសុទ្ធសឹងតែល្អចំពោះសុខភាពទាំងអស់។
របៀបធ្វើតែស្លឹកត្របែក
ចូរយកស្លឹកត្របែកដែលខ្ចីៗពីរបីសន្លឹកទុកវាឲ្យស្ងួត
ក្រោយពីស្ងួតហើយ ចូរកិនវាទៅជាម្សៅល្អិតៗចំនួនមួយស្លាបព្រាបាយ
បន្ទាប់មកយកទៅលាយជាមួយទឹកក្តៅមួយពែក
ទុកវាចោល ៥នាទី ចាំចាក់យកតែទឹកមកទទួលទានជាទៀងទាត់ ឬយ៉ាងហោចណាស់ម្តងក្នុងមួយថ្ងៃ។
អត្ថប្រយោជន៍ដែលអ្នកនឹងទទួលបាន៖
បំបាត់ការទល់លាមក
សម្បូរវីតាមីន B3 និង B6 ដែលជួយពង្រឹងដល់របត់ឈាមចិញ្ចឹមខួរក្បាល
ភ្នែកមើលកាន់តែច្បាស់ល្អដោយសារតែវីតាមីន A
តែស្លឹកត្របែកនឹងជួយបញ្ចុះកូឡេស្តេរ៉ុលអាក្រក់ពីក្នុងឈាម ដូច្នេះបេះដូងនឹងកាន់តែមានសុខភាពល្អ
ជួយគ្រប់គ្រងអាការៈលើសជាតិស្ករក្នុងឈាម ដែលល្អបំផុតសម្រាប់អ្នកជំងឺទឹកនោមផ្អែម
កាត់បន្ថយការប្រឈមនឹងជំងឺមហារីកជាពិសេស មហារីកក្រពេញប្រូស្តាត សុដន់ និងមាត់ ដោយសារតែមានអង់ទីអុកស៊ីដង់ Lycopene ខ្ពស់
ជាតិដែក និងវីតាមីន C ដ៏ខ្ពស់ក្នុងតែស្លឹកត្របែក មានប្រយោជន៍ក្នុងការបំបាត់ការក្អក និងផ្តាសាយ។
ការទំពារស្លឹកត្របែកអាចជួយការពារធ្មេញពីកំណកជាប់បាន ហើយទឹករបស់វាក៏អាចប្រឆាំងការរលាក និងបំបាត់ការធំក្លិនមាត់អាក្រក់ដែរ។
ឥទ្ធិពលដ៏ខ្លាំងក្លារបស់អង់ទីអុកស៊ីដង់ក្នុងស្លឹកត្របែកអាចជួយការពារស្បែកពីការខូចខាតដោយសាររ៉ាឌីកាលសេរីបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com